Frankie團歌海報企後排好「細粒」︰唔介意企咩位 被《東周刊》揭「打卡」向女友報到 認計劃結婚

Frankie@MIRROR為音樂節目錄影。早前他被《東周刊》獨家直擊同女友甜蜜行街，有指女友Christy做「隱形助手」處理其大小事，而他也「識做」會「打卡」拍照向女友報到，甚至提供手機密碼予女友查閱。Frankie受訪時稱︰「我覺得日常嘅交帶，作為成熟男人，都一定要有嘅。（俾女友check你手機？）呢啲就個人嘢啦，唔想答！（佢知你密碼？）佢唔知。」記者即說，不少情侶都會check手機，他說：「我知好多情侶都會咁。」同時指行街好平常，「冇理由因為我係藝人而冇咗私人生活，我都需要平衡。」

Frankie有問必答

隊友Stanley將結婚，追問他有無諗結婚？他回答：「計吓大表哥拍咗幾耐先結婚。（即係要女友等多7年？）我冇咁講，而家係穩定期。」若女友問及婚期時怎辦？他指：「我係MIRROR入面年紀最大，都有計劃嘅。（下一個到你？）唔係。（邊個快過你？）我唔知。」提到新團歌《FIGHT CLUB》海報，安排他站靠後位置，他回答：「我諗團隊入面冇人會介意企邊個位，（影得你好細粒？）我唔介意。」

Frankie形容同女友處於穩定階段。

Frankie與圈外女友Christy拍拖兩年，私下甜蜜猶如夫妻。（《東周刊》圖片）

Frankie影MIRROR團歌海報，企「C位」後排被指「細粒」，他表示︰「唔介意企咩位。」

隊友Stanley將結婚，問Frankie有無諗結婚？他回答：「而家穩定期，有計劃。」

Frankie為音樂節目錄影。

Frankie認感情穩定計劃結婚。