马鞍山麦当劳爆争执｜少女外卖员交代事件起末 认“嬲到失去理智”：我只想讨回一个公道
马鞍山一名少女外卖员疑不满被麦当劳的职员恶劣态度对待，一时冲动下，在店内失控疯狂将柜台上的外卖食物及杯装饮品扫落地上。事后少女在社交平台Threads现身说法，交代事件的始末，同时她又承认自己的行为不当，但强调当刻“实在系太嬲，嬲到失去理智”，“从始至终我只不过想讨回一个公道，我要嘅只不过系一个‘态度’”。
少女指事发时“啱啱接咗张麦当劳嘅Keeta单”，等待期间一直耐心等候没有出声，等候20分钟才向店员询问。她指自己“好声好气好有礼貌咁问”，惟一名紫色头发的女店员突然情绪激动，态度恶劣，“唔知系咪因为太忙所以搞到好躁底，就将啲情绪发泄晒落我度，向我发火，态度好差好恶好大声咁样话：‘你催乜嘢催啫？！你啱啱已经催咗三次啦㖞！！我哋而家好忙啊！你见唔见到呀？我哋咁忙点答到你呀？你催嚟都冇用㗎㖞！我已经话咗答唔到你啦！点啊？你催够未啊？’”
少女强调从头到尾都体谅麦当劳职员非常忙碌，但并不能接受对方的恶劣态度，“我唔系唔体谅佢哋忙，佢哋完全可以好声好气咁回答我‘唔好意思，我哋而家好忙，答唔到你要等几耐，所以可能要等耐少少’…从始至终我只不过系礼貌咁问咗一句要等几耐冇催过，但个紫色头发女店员一嚟就好恶咁样闹我，仲屈我催咗三次。”
之后少女和经理交涉，要求对方处理是次纠纷，但该名女职员不断破口大骂，经理亦希望息事宁人，打发她离开，“从来冇重视过店员嘅态度问题。我话要投诉呢位店员要求佢畀店员嘅名我，我追问咗佢好耐佢先至肯俾我。最后，佢就直接冇理到我，自顾自咁做自己嘢，当我透明。”
少女怒不可遏，一时冲动下向店员泼水及将柜台上的外卖食物扫落地上，“当时我实在系太嬲，嬲到失去理智…我承认呢种发泄行为系唔啱，的确唔系一个明智嘅做法，但系从始至终我只不过想讨回一个公道，我要嘅只不过系一个态度！由头到尾我只不过系礼貌咁问咗一句需要等几耐，冇催过，但却要无故遭受店员嘅攻击同冤枉！”
最后，少女承认自己有情绪问题，同时亦都知道情绪问题“唔系大晒”，“我想再强调一次呢件事我并唔系认为自己啱晒。但系我希望大家单纯针对件事去作出评价，而唔系针对个人，唔好因为对我或者有情绪问题嘅人嘅偏见而先入为主。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
