名古屋亞運‧壁球混雙｜鄧銘漮、李嘉兒淘汰印度組合入決賽 鄧銘漮第三次奪亞運獎牌如發夢
港隊壁球混雙組合鄧銘漮、李嘉兒，於混雙四強以2:1淘汰印度的芝娜帕/森西爾庫馬爾組合闖進決賽，坐銀望金。港隊組合於決勝局曾經被對手取得三次「取勝分」，兩人坦言沒有想太多，只知打好每一球。鄧銘漮於2014仁川亞運曾奪男子團體銅牌，上屆再奪男團第三名，他指沒想過可再奪亞運獎牌，感覺如發夢一樣。
靠堅持守住每一球
鄧銘漮賽後坦言沒想過可以有如此好成績：「贏嗰刻，個腦一片空白，因為真係冇諗過可以行到咁遠。我知道我哋狀態唔錯，但因為我們沒有打過任何國際賽，唔知道水平去到邊。第一次同對手打時候，原來我們個水平狀態幾好，我們便保持住，每一日去討論可以有什麼可做得更加好，每一場面對既對手，我們可以有什麼轉變。在場上時候，我們互相提醒大家要做返原本的陣。冇諗過結果，但最尾結果就走出嚟，所以特別開心。」
今仗對手曾經有三次「取勝分」機會，李嘉兒透露如何扭轉劣勢取勝：「其實每一球都提大家集中同堅持。其實嗰刻都已經想不到任何事，只可以一球一球去頂住上。同埋就係都提大家，起碼我們要有信心，唔好自己失誤，寧願對手攻贏，都好過自己失。」
第三局落後7:10，港隊抵住壓力反勝11:10，局數反勝2:1。鄧銘漮坦言當時唔係太緊張：「最尾個分唔緊張，因為我想大家睇我打波就會笑。我第一個開波我是緊張，但去到關鍵分，反而我更加提自己要放鬆。一個機會來，我們就要做好，所以我無想過結果。我衝埋去打落去，我就唔會想。」李嘉兒則表示好緊張：「我就好緊張，因為我知道九成波我都是頂緊，其實隻手又倦，又震咁樣，其實都是靠大家提大家堅持住堅持住。」
第三面亞運獎牌 之前兩次奪男團銅牌
展望明天的金牌戰，鄧銘漮表示不會想太多：「我不會想，返去做好比賽部署，怎樣去應對明天的對手，做好我恢復、休息，明天再打過，看看打成點。」
李嘉兒則表示今仗勝利為稍後的團體賽增添信心：「其實我無打過國際賽，自己抽籤之後會唔會想贏我都唔知。除咗第一日之外，之後就唔知係咩習慣。我們本身是第四種子，所以其實一開始真是沒信太多，我們好集中準備自己的部分。現在每一場都係『獎金』，我們只管享受個比賽，跟住堅持住每一分。」
鄧銘漮於2014仁川亞運會曾經奪得男子團體銅牌，上屆杭州亞運再於男奪掛銅，今屆第三次踏上頒獎台，他坦言無想過：「完全無想過。因為當時年紀細，跟住大師兄去打，取得獎牌好開心。現在可能自己大，可以搭上頒獎台，重要可以企上去，真是好似發緊夢。因為我都三次亞運，都無想過可以。本身無想過有機會來亞運，而家有機會仲可以行到咁遠，真是好似發緊夢。
李嘉兒則指今次奪牌很有意義，她說：「因為呢個項目，雖然係混雙，但感覺真是每一刻你都要自己奮鬥，然後你同拍檔在場上是一加一大過二。我們其實都做到。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
