顏米羔開寵物攝影室獲媽媽現身支持 否認因做歌手收入太低 許文軒談狗隻傷人事件籲做負責任主人

顏米羔與朋友合資的寵物攝影室開張，得到一眾《中年好聲音》好友撐場支持，他的媽媽亦有出席。訪問中，談到開寵物攝影室的生意，他自言本身做攝影多年，自己有養寵物，又因想尋求影人以外的刺激，所以與朋友夾份開攝影室。

顏米羔稱做歌手時間好自由

他解釋攝影室佈置的原意，說：「就係想好似帶咗去朋友屋企咁，而唔係去咗睇醫生，唔知點算嘅地方，想佢哋（寵物）好輕鬆。」談起開寵物攝影室的起點，他自言已從事攝影廿幾年，說：「好多朋友都搵我影佢哋寵物，影吓影吓，朋友都話叫我試吓影寵物。好多朋友都叫我影返相，但係我唔想影人住，因為係咁講嘢好攰。」他表示投資金額不算大，攝影室設備本身已有的，或是之前拍MV時的道具。他坦言，其實做攝影和做歌手沒有衝突，兩者可以並存，「平時我唔使演出嘅時候都會影相。」不少圈中人經營副業時，都會被問是否因為本業收入太低。顏米羔回應：「做歌手好少人工？我又唔知市場收幾多。我覺得做歌手好好呀，時間好自由，創作嚟講都係一個好好嘅工作。」

顏米羔與朋友合資的寵物攝影室開張。

顏米羔的媽媽都有嚟支持。

《中年好聲音》好友亦撐場支持。

談到開寵物攝影室的生意，顏米羔自言本身做攝影多年，自己有養寵物。

他又因想尋求影人以外的刺激，所以與朋友夾份開攝影室。

顏米羔與媽媽。

連炎煇亦有前來支持。

連炎煇送上花籃。

談起近日狗隻傷人事件，許文軒直言希望大家不要棄養，要做負責任嘅主人。

許文軒笑言一個禮拜7日，有7日都開工咁滯，坦言值得加人工！

許文軒希望大家不要棄養

許文軒出席顏米羔與朋友合資的寵物攝影室開張活動。他接受訪問時表示，自己也有養寵物。談起近日狗隻傷人事件，他直言希望大家不要棄養，要做負責任嘅主人。他又分享自己的看法，覺得近年傷人個案明顯增多，質疑會否與社區發展有關，政府是否需要正視問題。講起工作，他坦言現時主持三個專訪節目，工作量巨大，覺得公司可以因應工作量加少少人工。他續說：「老實講，我真係好攰。一個禮拜7日，我7日都開工咁滯。因為有時我做埋啲幕後嘢，自己剪片，採訪。（字幕使唔使打埋？）要，我啲字幕打得比較慢，有時打錯字唔好意思，所以我覺得我係值得加人工㗎。每年加少少囉，有啲郁動呀嘛。希望高層睇到。或者搵我做吓嘢我都唔介意，橫掂返足7日，我調配時間返密啲都得！」