王嘉爾否認與宋雨琦拍拖：如果係一早追咗啦 自爆曾帶女友去哈囉喂

王嘉爾Jackson Wang昨日（24日）以「創作總監」身分出席主題樂園活動，推出個人IP的主題打卡及休閒區，所以別具意義。台上王嘉爾透露，年輕時經常與另一半入哈囉喂玩鬼屋，所以對主題樂園有情意結。早些年已有合作的念頭，直到今年才終於有機會合作。

王嘉爾曾與兩個女性朋友去哈囉喂

訪問中，王嘉爾透露曾與兩個女性朋友在萬聖節活動中留下回憶：「帶咗兩個，唔係一次性，係分別，一位成功咗，之後就每年同佢嚟。」記者問為什麼另一個不成功，他回答：「因為我做醫美之前唔係咁。」今年會否和朋友去「哈囉喂」？他回答：「今年都會去。」記者問：「女朋友？」他反問：「帶你嚟好唔好呀？」

王嘉爾昨日（24日）以「創作總監」身分出席主題樂園活動。

台上王嘉爾透露，年輕時經常與另一半入哈囉喂玩鬼屋。

所以對主題樂園有情意結。

講到今年亞運，他表示有睇張家朗的表現。

問到會不會技癢？他表示平時也有打劍擊，因為對減肥有幫助。

近日王嘉爾與i-dle宋雨琦緋聞炒得火熱，訪問中他否認戀情。

他表示過咗30歲之後，就在乎事業。

近日王嘉爾與i-dle宋雨琦緋聞炒得火熱。

王嘉爾稱最慘係無人鬧

講到今年亞運，他表示有睇張家朗的表現，但表示爸爸已退休：「佢得閒就睇，唔睇就唔睇。71歲人啦。」問到會不會技癢？他表示平時也有打劍擊，因為對減肥有幫助。「劍擊係一個運動，我覺得跑步有啲悶，出面跑好啲，但都會悶，劍擊係一個遊戲，玩嘅時候又着咁多衫，玩一個鐘其實900卡路里都已經燒咗。」表示，如果身在韓國，就有一些前國家隊朋友陪他打，每個國家都有。被問會否為家朗或將離開賽場感到可惜？他回答：「唔會，佢已經係我哋嘅驕傲，日子總係要過嘅。」談到蔡俊彥Ryan被網民取笑一事，他回應：「我成日覺得，娛樂圈係一個俾人減壓嘅地方，個人辛苦，其實有邊個唔辛苦，所以有娛樂圈令你笑，令人鬧，令人減壓。That’s the nature。呢個就係行業最基本。」更坦言，自己經常被網民「鬧爆」，見怪不怪。「細嗰時會，而家唔會。開心又一日，唔開心又一日。你肯鬧我已經好感謝，最慘係鬧都唔鬧。」

王嘉爾否認戀情

近日王嘉爾與i-dle宋雨琦緋聞炒得火熱，訪問中他否認戀情。他說：「係冇嘅。（話你哋見晒家長）好多人都見過我父母，冇。（會唔會反擊？）我唔會反擊，即係人哋話我唔係男仔，你會唔會覆佢？（而家單身？）我係，因為我過咗30歲之後，就在乎事業。（父母唔緊張？）冇乜壓力，我阿哥生咗啦，個女都9歲。（同雨琦溝通過？）有溝通但係冇講過呢件事。（覺得佢好唔好？）好呀！（係你杯茶？追佢？）如果係一早追咗啦。」

最後，問及他簽約新公司Roc Nation的感受，他直言有了一個團隊管理，提及新公司有十分多頂級歌星，他回答：「其實冇乜用，睇吓你做咩，做啲咩project出嚟，呢個重要啲，幫到我就係個經理管理系統，所有嘢乾淨咗。」他更自言，自己只不過是個打工仔。