王賢誌隔空反擊蕭定一以訛傳訛：廿年冇賭過 避談家醜最介懷竟是抖音粉絲感受

前東華三院主席、王氏港建家族太子爺王賢誌（Vinci）遭胞妹王賢德力數欠下「天文數字」巨債後避走加拿大，留下一堆「蘇州屎」，導致家人遭到大漢上門追債，生活大受影響。蕭定一日前直播直指王賢誌債台高築全因「豪賭成癮」，王賢王賢德其後向傳媒親口證實，不過她暫時不作其他補充。

王賢誌再度直播回應蕭定一指控

昨日（22日）王賢誌再度在抖音直播回應蕭定一的指控，他說：「呢件事我就覺得係幾嚴重下，呢二十年，過去呢二十年，我差唔多絕跡賭場，我係冇去過，完全冇去過。」王賢誌更直斥對方落井下石，對於妹妹的力數，王賢誌未有多談，只哽咽地說：「抖音其實唔係去講自己啲唔開心嘢嘅平台，係一個娛樂大家嘅平台，影響咗你嘅情緒，所以喺度我都好唔好意思。」

王賢誌於IG發表破產後心情。

王賢誌在網上開班教司儀技巧。

王賢誌曾開直播，避重就輕只承認自己曾經做錯。

王賢誌稱︰「有啲家事我留返同家人私下處理」。

王賢誌表示在加拿大有做兼職送外賣。

王賢誌避重就輕回應家人指控。

王賢誌對於家人的數落，王賢誌未有多談。

王賢誌否認自己爛賭。

王賢誌稱過去二十年，幾乎絕跡賭場。

王賢誌最介懷的竟是抖音粉絲的感受。

王賢誌向抖音fans道歉。

王賢誌是王氏港建王忠桐夫婦的兒子，王賢慧、王賢德為其胞妹。

王賢德（右）近日接受傳媒訪問時爆料，指胞兄王賢誌欠「天文數字」巨債，避走加拿大。

王賢德指王賢誌的「天文數字」巨債禍及家人。

王賢誌（右）曾透露一早已經「諗定身後事」。

王賢誌（右）揚言若是自己先走一步，名下的資產會留給同性伴侶周思聰（Kevin）。

王賢誌表示：「譬如我屋企人，我兩個妹妹都有佢哋自己嘅小朋友，咁咪歸佢哋囉。

王賢誌（左）表示：「大前提都冇乜嘢，都冇乜嘢需要分。」

王賢誌於2024年入稟高等法院呈請破產。

王賢誌出身豪門，但2025年被頒布破產。

王賢誌未有到庭應訊，法庭頒令後也未有作任何回應。

王賢誌因欠債破產後，生活變得低調。

王賢誌去年尾到東華三院擔任一天導師。

王賢誌精神飽滿神采飛揚。

王賢誌做一天導師，但就準備了數周。

王賢誌對自己表現滿意。

王賢誌曾經在訪問上表示從小到大未有懷疑過自己的同志身份。

王賢誌是家中的獨子。

王賢誌認為重視家人關係，比性向來得更重要。

王忠桐和兒子王賢誌感情很好。

王賢誌父親王忠桐出身豪門，既是馬主亦曾任東華三院主席，盛傳其家族資產達逾30億元，非常富有。

王賢誌曾與何超蕸（左一）和媽媽、爸爸王忠桐（右一）齊齊去旅行。

王賢誌爸爸80歲曾舉行生日會。

王賢誌與伴侶周思聰，慶祝王忠桐生日。

王賢誌稱過去二十年幾乎絕跡賭場

王賢誌在抖音直播上表示不希望浪費大眾傳媒資源去講家事：「成件事都牽涉好多唔同嘅持份者啦，唔同嘅party，我覺得呢個等我同佢哋面對面去傾、去講，會更加適合。當然，我覺得有啲嘢可能都未必係全對，但我唔想逐一逐一去做個反駁。但尋晚又有另一個新聞出現咗，就係關於蕭定一先生，唔知你有冇睇到。就佢出咗一條片，就話佢嘅朋友話畀佢聽，就我今次欠債咁多呢，最主要原因係因為我爛賭，我係一個好鍾意賭錢嘅人，佢都繪影繪聲，講到嗰個人係佢同我都好熟嘅朋友啦。呢件事我就覺得係幾嚴重下。如果賭錢，我嘅理解就真係可能，入去賭場啦，譬如澳門啊，或者上賭船啊，甚至乎入馬場，真係可能係坐低一張檯度賭錢，先至叫做賭錢。咁基本上我以前曾經係有好細個，我諗啱啱出道嘅時候，我有試過去澳門去娛樂，咁當時我都有輸過錢，但係好多年前嘅事啦。呢二十年，過去呢二十年，我差唔多絕跡賭場，我係冇去過，完全冇去過。」

王賢誌最介懷竟是抖音粉絲的感受

王賢誌續說：「所以佢咁樣講，我覺得好奇怪，因為佢講到係好真，嗰個人係好可信。我就覺得莫名其妙，點解會咁樣講，而且仲話我身邊嘅人都一樣係咁樣做，我覺得呢種以訛傳訛就真係唔係太適合啦，因為佢都冇求證。」面對四方八面的負評，胞妹將家醜外傳，王賢誌最介懷的竟是抖音粉絲的感受：「其實好難喺呢個時間喺度開抖音，好難。因為抖音其實唔係去講自己啲唔開心嘢嘅平台，係一個娛樂大家嘅平台。即係，希望你一朝起身睇到我係好開心，開始你新一日嘅工作，而唔係去聽我講啲嘢，影響咗你嘅情緒。咁所以喺度我都好唔好意思。」王賢誌一度哽咽，需飲水平復心情：「多謝大家，今日其實都有好多朋友入咗嚟，差唔多四百人。我淨係一路掛住講自己嘅嘢，我係冇同大家打招呼，唔好意思，唔好意思。 我諗我唔再講多次喇，有啲人話：『究竟我講啲咩呢？』我冇可能每分每秒不停咁再講住同一件事，咁我覺得人係要向前行嘅。」

王賢誌近日透露正跟朋友辦網上司儀課程。

王賢誌衣着依然Sharp醒充滿品味。

王賢誌的課程教材見到大量TVB殿堂級前輩。

王賢誌的課程教材中用到不少TVB經典片段。

王賢誌的課程教材可謂星光熠熠。

當中包括41年前的皇牌司儀大會串。

王賢誌的感激學員於其艱難時刻仍然相信他。

王賢誌早前貼出不少旅遊相，但原來是舊相重溫，他似乎眷戀昔日生活。

王賢誌早前暗示已到加拿大展開新生活。

王賢誌破產後到加拿大生活。

王賢誌自從宣布申請破產後，都有更新社交網，宣傳旗下一班「仔仔」開Live。

一班「仔仔」曾在YouTube頻道開Live，但王賢誌則未有在鏡頭前出現。

王賢誌久未貼出近照，試過上載的照片也是之前到台灣宣傳的照片。

王賢誌曾現身社交平台。

王賢誌曾貼上拍攝《仔仔一堂》的花絮片。

王賢誌堅持性向冇影響他日常工作及做慈善。

王賢誌同伴侶Kevin係首宗藝人同性婚姻，兩人2016年喺溫哥華完婚。

王賢誌同伴侶Kevin生活愉快。

王賢誌的IG有海量與Kevin的合照。

王賢誌的IG有海量與Kevin的合照。

兩人經常拍拖周遊列國。

兩人經常拍拖周遊列國。

王賢誌與Kevin的已結婚10年。

王賢誌於8月1日在IG出post，寫道：「#我們的八周年 #Our8thAnniversary.」

王賢誌晒出甜蜜合照。

王賢誌承認曾對陳鍵鋒（左）有好感。

王賢誌曾承認鍾意吳家樂。

王賢誌稱破產的真正原因不簡單

對於家人的數落，王賢誌未有多談，只哽咽地說：「其實屋企人仲有好多，唔係剩係我個妹，我覺得唔多唔少令佢哋有影響，令佢哋有好多煩惱同好多不便，令佢哋有好多情緒。我而家唔喺佢哋身邊，冇辦法照顧到佢哋，我覺得好難受，係非常之難受。所以我個人好亂唔知可以點，希望同大家分享，有你哋支持繼續行落路去。」至於破產的真正原因，王賢誌只說：「成件事唔係咁簡單，當然有自己投資失敗、理財不善，或者自以為是，去做好多嚴重嘅決定，去到後尾可能要欠債，再行到破產呢條路。其實係一個好漫長嘅路，亦發生好多事，牽涉嘅人亦唔少，唔係三言兩語講到。但已係過去嘅事，因為我真係一個破產人士，希望努力工作搵更多啲錢，起碼還返俾部份債權人，還得幾多得幾多。」蕭定一日前直播直指王賢誌債台高築全因「豪賭成癮」，聲稱從雙方共同好友口中得知，「我側聞佢都幾爛賭，另一半都同佢好似。」 他更透露王賢誌的巨債金額高達以億元計。據知，王賢誌已故的母親在生時對他一直「幫得就幫」試圖拯救，惟其父親早已看清殘酷現實，深知其債務是無底深潭，拒絕再為他填數。