当个仔系“养儿防老机器”？ 月入$2万港男崩溃：无积蓄两老未够60岁突退休 网民惊爆或有阴谋｜Juicy叮
一名月入2万元的廿多岁港男近日崩溃爆料，指家中无积蓄的基层父母未满 60岁，竟突然开心宣告退休“等阿仔养”，令他大叹“前路好黑暗”。
网民似乎有切肤之痛，批评两老“当个仔系‘养儿防老机器’”，甚至献计着他们去“考保安牌”自力更生。不过，有网民惊爆阴谋论，指可能系终极考验，两老其实“一早收埋几百万”。详情见下图及下文：
当个仔系“养儿防老机器”？ 月入$2万港男崩溃：无积蓄两老未够60岁突退休 网民惊爆或有阴谋逐张睇↓↓↓↓
楼主：准备等我养
楼主昨天（21日）在社交平台 Threads发帖，自爆：“基层家庭父母退休，父母突然好开心同我讲佢哋要退休。”
楼主坦言自己“廿几岁仔，每月得 20K（$2万元）收入”，听到消息的瞬间彻底崩溃。由于父母还未到 60岁，他直言：“佢哋无准备退休嘅积蓄，准备等我养，我一条友点养两个人？”
面对沉重的家庭负担，楼主悲观大叹：“我仲有好多嘢想做，觉得前路好黑暗，我呢世系咪就咁样玩完啦？”
网民斥两老不负责任
网民大都力挺楼主，批评两老自私。有人指出：“佢哋只系当你系养儿防老机器。”
亦有同病相怜的苦主大呻：“点解依家仲有啲咁嘅穷父母！我同你一样，但我大你起码10年，谂住新一代父母会长进，原来都一Ｘ样。”该网民更怒斥这类父母“觉得人生就系食瞓屙加少少平价娱乐就够，完全唔知依个世界有好多新嘢可以去试”。
不少网民直言，以楼主的收入根本无法支撑。有网民质疑：“咁都够胆退休？两皮一个人都唔够使啦，仲要养埋两老，最多你畀几千蚊家用佢哋自己搞掂，佢哋唔够用就番返工。”
也有人直言“两份人工3个使，依家一份人工3个使，要真诚同佢哋倾倾”，并劝喻“唔好玩啦！你可以畀到几多家用啫，同父母倾，你都要为将来打算！”
但有人理性指出“始终都系父母，千祈唔好谂自己一个养两个，但亦都唔好谂唔理佢哋”，直言“既然佢哋一直对你唔差，咁你都要负返责任”。
有网民则认为这对父母不负责任：“你叫佢哋计条数，你一个揾 20K 点样养到佢哋到老？建议先小人后君子，讲到明会畀几钱家用畀佢哋，你都要为自己打算。”
网民献计：促考保安牌
面对困局，网民热心献计，有人主张强硬反击：“佢哋咁开心咪睇佢哋开心得几耐囉，有能力就搬走，一蚊都唔好畀，但乜都唔使讲同唔好讲。”
有网民分享自身成功经验：“叫佢哋去考保安牌！我老窦病咗喺屋企 hea 咗3个月，我妈即迫我老窦落楼下做保安，因为平时佢都系喺屋企 hea，虽然一日得 $500 左右，好过无。”有网民亦提议：“两皮自己都养唔掂点养佢哋，帮佢哋整 CV（履历） 推佢哋出去返工吧啦，未够 60 又冇钱，佢哋日日喺屋企都好快会闷到抽筋！”
亦有网民奇招百出，献上“苦肉计”反击。有人提议“同公司请一两日 AL（大假） 先，扮自己畀人炒，话出去揾工揾咗成个月都冇人请。”
或跟两老讲：“我失咗业，依家出街系扮工，对唔住，一直瞒住你哋。”甚至有人建议“畀啲危机意识佢哋”，大可以跟他们倾谈，直接讲“我得 20K 收入，自己都未顾掂自己啊，所以无能力 Support（支持） 佢哋退休”，再不然就谎称“其实公司裁紧员，我自己都未知下个月有冇得返工啊。”
有网民则教路，讲明一个自己负担得到的底线：“例如每月 $6000 家用，只有咁多，唔会再畀，其余他们自己想办法。”有人附和“无病无痛唔到 60岁就退休？咁直接同佢哋讲每个月最多畀 $3000，其他自己谂”。
网民突破盲点：可能系终极考验
不过，在一片同情和声讨声中，亦有眼利网民突破盲点，提出惊人的“阴谋论”。有网民反问楼主：“你又知佢哋无积蓄？唔话你知啫！”
更有人猜测这可能是父母的一场测试：“如果话畀你知呢一个系父母考验你孝唔孝顺，其实佢哋有几百万现金留畀你，你觉得你前路仲黑唔黑暗？”亦有网民笑言：“其实你父母选择得退休，点会系依靠你呀，会唔会系你谂多咗？”
相反，也有网民站在父母角度，冷回一句：“你父母真系白养你廿几年，睇到你个 Post（帖文） 证明考验失败，要选择止蚀了。”并指出“咁佢哋有强积金嘅”。
资料来源：ffff.fgio＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
