龔嘉欣澄清未與靚仔甜品師「分手」 陳豪拖陳茵媺韓國拍拖保持新鮮

陳豪、龔嘉欣（21日）以主持身份為節目《美食強人》錄影。龔嘉欣早前突在社交網站中出聲明，宣布與品牌「KEW+」已在2025年1月終止合作關係，她解釋雙方的合約完結久，但其後在網上見到關於出品的問題，認為必須要讓公眾知道，並非自己或其團隊的問題：「我覺得呢個好重要，咁都係我自己忽略咗，本身冇為意，但當一個合作完結後，其實都應該要即刻去話俾大家聽，唔想我煞有介事去講嘅時候，引起一啲揣測，我想講嘅係，我同甜品師傅（松岡哲也）同呢個集團冇合作啫，並唔係我哋之間冇合作。」至於集團的事，她表示不再講，並稱暫時不會做生意。龔嘉欣重申，現時與松岡哲也仍維持工作上的合作關係。提到擔心她與對方分手一事，她聽後即表示：「諗歪咗喇！我係單身嘅！」至於問到身旁陳豪是否有好介紹？他就用國語表示︰「我甚麼都不知道！」龔嘉欣指，要向陳豪請教夫妻相處之道，又投訴他相識那麼久也沒有好介紹。

龔嘉欣呻單身怨老友冇好介紹

陳豪剛與老婆陳茵媺去韓國拍拖，他表示每一對夫妻都需要二人世界，「有時候夫婦，尤其係父母，要放低啲小朋友，將專注力放喺對方嗰度，對感情增長都好好多嘅。（會唔會兩個去三個返？）睬！三個經已好吃力，唔好喇！唔好玩啦，嗰啲交俾嘉欣。」對於有網民指他斷崖式衰老，陳豪笑言負評等當食飯，「好又一餐唔好又一餐，我冇所謂。」另外，陳豪表示雖然甚少擔任主持，但不是初哥處男，指今次節目介紹香港、大灣區美食。問他的咖啡店是否也有份？他指沒有，笑言自己去其他咖啡店時，被人當踩場，「佢哋會打醒十二分精神，沖多幾杯，唔得嘅話，沖到掂先俾我。」

陳豪早排拖太太陳茵媺去韓國拍拖。

龔嘉欣呻單身，怨老友陳豪冇好介紹。

龔嘉欣稱，現時與松岡哲也（左）仍維持工作上的合作關係。

陳豪笑言負評等當食飯，百毒不侵。

陳山聰、肥媽、陳豪、龔嘉欣等亮相《美食強人》記招。

陳豪表示，每一對夫妻，「尤其係父母，都需要二人世界。」