羅天宇掛住打Golf冷落女友 娶陳懿德突褪軚︰儲吓錢先啦

羅天宇、崔健邦和鍾舒漫等昨晚（9月20日）出席尖沙咀晚會活動。早前羅天宇受訪時透露會接受另一半陳懿德求婚，但今日受訪時則「褪軚」表示要結婚的話就要「儲吓錢先」。記者問，他公開戀愛後出街會否再望其他女生。他回答：「望地下，冇乜特別，都係正常地小心。」多了還是少了「狂蜂浪蝶」？他又回答：「只係幾日。（幾日可以變化好大）暫時未有。」他分享說，公開戀情後得到粉絲們祝福，又指未公開之前，其實也沒有刻意隱藏兩人關係。「因為大家都知，粉絲聚會佢都會一齊過嚟，影相或者打吓招呼。（女主人咁喎）德德都會同佢哋溝通吓。（昅實你喎）冇冇冇，佢同我啲粉絲都有偈傾。」陳懿德有沒有出現「脫粉」情況？他笑言：「要問返佢嗰邊，可能有脫粉，我唔知。」

羅天宇被批七成機會結婚

談到婚期，他表示早前師傅批他「今年七成機會結婚」，又指結婚需要儲錢和穩定事業，但閒聊時會談及結婚場所的選擇。他透露，陳懿德喜歡驚喜，說：「佢好似鍾意唔太多人，鍾意兩個人多啲。」並表示以生日為例，對方喜歡兩個人過，而他則相反，喜歡趁生日和一大班朋友度過。他也分享，最近對方有投訴，「德德成日都嬲，覺得我擺晒時間喺高爾夫球度，同埋唱歌。」他透露，除了原本的雞蛋仔生意外，還正計劃開辦高爾夫球練習場。

羅天宇褪軚指結婚要「儲吓錢先」。

鍾舒漫盛裝出席活動。

好耐冇見崔健邦。

羅天宇、陳懿德是公開的一對。

咩事咁緊張？

羅天宇說公開戀情後得到粉絲們祝福。