環姐港區2026丨陳家樂連任評判自認眼光好揀到連詩雅 爆女兒有演戲天份夠自然

環球小姐（Miss Universe）2026香港區選美大賽總決賽昨晚舉行，陳家樂及伍允龍擔任評判。連任評判的陳家樂希望今年都可以揀到一個好高質素佳麗。記者笑言陳家樂，大會搵他做選美會評判，是否因為他「眼光好」揀到好老婆連詩雅？陳家樂回應：「er ⋯唔知呀，可能係啦，眼光有一定水準，估唔到主辦單位都咁肯定我嘅眼光。同埋今年我多咗少少身分，都係一個表演嘉賓。」他表示要在台上獻唱兩首歌。

陳家樂連任環姐評判。

他自豪眼光好娶到好老婆。

陳家樂獲主辦單位肯定眼光。

兩位評判陳家樂及伍允龍和佳麗合照。

陳家樂及伍允龍另一半都靚。

陳家樂做埋環姐表演嘉賓。

台上台下打成一片。

陳家樂頒發「最佳台風獎」給8號梁藝齡。

再頒季軍予9號梁聖童。

陳家樂及連詩雅陳星頤（Camila）有演戲天份。

連詩雅教抄寫記歌詞

問到公開唱歌可感壓力？他回答：「其實呢幾日我不斷練緊歌詞，好似發緊夢咁，但其實我個腦轉緊。」老婆連詩雅教他用抄寫方法記歌詞：「佢教我背完之後默寫，咁樣容易啲入腦。」老婆更給予演唱心得，如果忘詞就繼續唱，不需要理會。近幾日他練歌練到聲沙。至於老婆連詩雅評語？他回答：「佢冇畀分，但係比以前進步咗。佢覺得我個人可以放鬆少少。」

陳家樂爆女兒第一日返學見他走即收聲

陳家樂分享，在家練習時愛女陳星頤（Camila）興奮地唱歌：「佢想同我唱，但係我有我唱，佢就唱自己嘅歌，但係佢好享受個氣氛。」他指女兒也有演戲天份。談及第一日送她上學時，本來哭鬧的她，在陳家樂離開後就不哭了：「嗰啲戲非常之好及自然！（有晒你哋遺傳）都有嘅，慢慢發掘吓。」

陳家樂囡囡喊完後走去安慰其他小朋友

他續說：「嗰件事好突然，由一個手抱細細粒嘅BB，到一個識得返學，識得同我講byebye嘅小朋友，即係唔可以嗌佢BB，只可以嗌佢小朋友。佢第一日返去嘅時候，其實好快已經唔喊，我放低，佢係咁喊，但係我離開咗一分鐘，遠處望佢一分鐘左右已經收咗聲。戲囉，佢知我走咗，佢喊嚟都冇用，佢仲要喊完，走去拍啲喊緊嘅小朋友，安慰話『It’s ok, I’m here』。」原來陳家樂曾教過女兒要安慰身邊的人。