肥媽照肺有「粒嘢」已立平安紙：唔擔心就呃你 不屑回應梅啟明丨獨家
72歲的肥媽早前照肺發現良性腫瘤，她坦言感到擔心並已立下平安紙；同時她透露家裡養狗開支龐大，單是近兩萬元電費已相當驚人。對於梅啟明指控她收錢抹黑，肥媽表現得極不屑，強調不值得回應。採訪：方騫平 攝影：林賓尼
肥媽日前應邀為深水埗一間老字號金行周年晚宴擔任表演嘉賓，在台上又唱又跳，迅速炒熱全場氣氛。除了獲得豐富歌酬，肥媽笑言這次是來「搲金」，為契仔陸浩明娶妻做準備。肥媽亦不忘為好友黑妹（李麗霞）公開招親，笑言：「邊個肯娶黑妹，即使8萬蚊一両金，我都打金鈪畀你呀！」還大談送龍鳳鈪的傳統典故。她直言：「作為一個女人，未知嫁去男家後狀況，兩口子有金喺手就會有『底氣』，女人有乜事都有揸拿可以應急。」
肥媽冇計算有冇20両金
不過，她自嘲當年太愚蠢，聽母親話嫁給窮困的「張活游」，結果連手繩都沒有一條，結婚時還要夾份買對金戒指。幸好母親教導她出糧就買薄到變形的金戒指儲蓄，久而久之養成習慣。她多年來購買大量金器送給17個孫仔孫女及曾孫，可惜年輕一代嫌老土，最終大量飾金被回收放在保險箱內。被問到是否有20両金時？她則笑稱自己也不清楚。
《中聲好聲音》後收成期
對於《中年好聲音4》暫停後被指失業，肥媽隨即唱反調表示，現時反而是收成期，因為之前有3年零8個月要做節目，目前正積極洽談海外登台演出，11月去三藩市、12月去洛杉磯，還有雲頂及新加坡等站，更會帶同「中聲」唱將一同出外見世面。她企硬表示絕不減歌酬：「減價就唔唱，我都幾十歲啦，而家唱歌係愛嚟玩咋嘛。」
肥媽借錢被騙無怨無悔
肥媽她早前在電台訪問中自爆曾被朋友以患癌為由借走幾十萬，事後對方銷聲匿跡。肥媽無奈重組經過，指當時見對方面青青又冇錢做化療才出手相助，豈料對方拿錢後便搬到內地。雖然被騙，她仍堅持不公開對方姓名，並自嘲：「佢又唔係拎枝槍指住你，係怪自己蠢，女人蠢係OK嘅，而且天都好公平，俾咁多嘢你做，都係要你幫人。」
肥媽養狗開支驚人
不過，比起錢財，現年72歲的肥媽更關注自身健康。她早前入院照肺時發現有一粒「良性嘢」，現時每天在家大跳Zumba減肥養生及定期監察。問及健康狀況，她坦言：「我希望健康『粒嘢』唔好惡化，唔擔心就呃你嘅，如果唔擔心點會日日做運動？」為了不留後患，肥媽透露已訂立平安紙，兒孫對遺產分配亦無異議：「冇得爭拗，搞唔清楚嘅嘢先才有得拗。」她表示大部分物業已出售並放入基金高息滾存，主張「有得玩就玩，有得使就使，對自己好一啲，否則資產變遺產，我走前使唔晒係你lucky咯。」對於身家是否有數億的傳聞，她澄清：「真係1億都冇，唔使就有，我養大咗咁多細路及17個孫，而家十幾個孫就有……」肥媽自爆家中開支極大，特別是養狗方面，家中有6隻唐狗怕熱，花園要24小時開啟4部大冷氣和抽濕機，單是每兩個月電費已高達2萬元，伙食費每月3萬未計睇醫生及特地聘請男傭人帶狗出街的開支：「『養狗3日記你3年』，『養人3年都未必記你3年』，所以支持狗狗離世後將愛心傳承。」
肥媽拒理梅啟明抹黑控訴
另外，對於梅啟明早前對她的各項指控，肥媽表現得相當輕蔑，強調根本不值一提：「我講嘅狗場及癌症基金等係全世界都知嘅嘢，邊個咁得閒收錢抹黑佢呀？」梅啟明聲稱要為梅媽辦理後事，肥媽更冷嘲熱諷表示：「如果佢攞到150萬幫梅媽風光大葬我恭喜添！」當被問到認為對方是出自孝心還是想「CAP水」時？肥媽則幽默回應：「哈！應該問全世界市民！」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
