Stanley爆柯震東貪玩似小朋友 獲金燕玲誠邀做「麻雀腳」 攜手上演喜劇電影《我未許願先吹蠟燭》

刻劃人性的喜劇電影《我未許願先吹蠟燭》正在熱播上映，由周鉅宏、胡錦筵執導，演員包括柯震東、梅靜妍、金燕玲、邱士縉（Stanley）及陳靜（DaDa）等。電影接連入選意大利遠東國際電影節、紐約亞洲影展及台北電影節國際新導演競賽。故事由真人真事改編，小女孩JoJo拾到賭場百萬籌碼，眾人用盡心思，希望將籌碼換成幸福人生。

Stanley指最初覺得柯震東好慢熱，熟絡後貪玩得似小朋友一樣。

柯震東好可愛！

《我未許願先吹蠟燭》入選意大利遠東國際電影節、紐約亞洲影展及台北電影節國際新導演競賽。

柯震東為角色增肥20磅。

梅靜妍大讚兩位男神好靚仔。

金燕玲讚兩男神演戲零包袱

金燕玲指戲中的柯震東及Stanley均沒有因為是偶像而有任何演戲包袱，又讚小演員梅靜妍：「佢好有天份，而且好專心演出，可以用成熟形容，唔會喺片場嘈吵。」至於柯震東增肥20磅，金燕玲說：「佢增肥咗都一樣咁靚仔，好似Stanley一樣。呢啲年輕演員我真係好欣賞，沒有任何包袱，演出都係由角色出發，佢哋演出非常好。」Stanley今次在戲中演繹暗藏心機的老師，談到是否抗拒接拍角色，他笑言：「唔會抗拒角色，反而好鍾意，演反派、壞人角色最好玩，可以俾大家見到更多變化。」戲中Stanley騙取學生JoJo數十萬籌碼，現實中，他稱：「最多係細個呃過媽媽飯錢，將30元講成50元，學生們當然唔好學呢個壞榜樣。」Stanley表示，有跟導演溝通角色演繹，最難是如何在一、兩場戲之內，令角色更立體呈現。 Stanley稱人生只入過一次賭場：「玩過一鋪大細，輸咗大概一、二百蚊就走咗。宜家都冇一百蚊嘅投注額，所以係好耐之前嘅事。因為我唔識玩啤牌，只識打麻雀（麻將），所以冇去賭場玩。」金姐即笑說：「咦，打牌可以搵我喎！」

金燕玲讚柯震東沒有因為是偶像而有任何演戲包袱。

童星梅靜妍

梅靜妍表示有時柯震東發音唔正，會同佢講返點讀。

Stanley飾演壞老師角色。

梅靜妍、金燕玲

Stanley指演反派、壞人角色最好玩。

柯震東、金燕玲

喜劇電影《我未許願先吹蠟燭》有不少賭場戲份。

戲中Stanley騙取學生JoJo數十萬籌碼。

Stanley稱柯震東性格慢熱

電影在澳門取景，拍攝前柯震東特意來港兩、三星期，跟大家約會食飯，Stanley說：「一開始見他時，他是比較I（內向）一點，比較怕醜，但其實佢係一個很貪玩嘅小朋友，只係比較慢熱。」童星梅靜妍首次跟柯震東及Stanley合作，她笑謂：「佢哋當然靚仔，我見到佢哋第一眼時，感覺好唔同，係靚仔、明星感覺。」梅靜妍表示，不會因為Stanley的壞老師角色而對他反感，反而稱讚Stanley：「佢喺戲外都有搵我傾偈，好照顧我。」至於是否幫忙糾正柯震東廣東話發音，梅靜妍說：「佢有時發音唔正，我會同佢講返點讀。」