「我租咗廿幾年樓」 新業主裝修完工突求牆上落一口釘 背後原因極心酸 網民：完全明白｜Juicy叮

一個看似微不足道的裝修要求，道盡了無殼蝸牛渴望上車的心酸現實。近日有裝修師傅分享完工時，新業主竟然提出要在新牆落一口釘。背後原因藏著多年租客的心酸。貼文引發網民共鳴，感嘆完全明白這份委屈。詳情見下圖及下文：

「我租咗廿幾年樓」 新業主裝修完工突求牆上落一口釘 背後原因極心酸 網民：完全明白逐張睇↓↓↓↓

「我租咗廿幾年樓」 新業主裝修完工突求牆上落一口釘 背後原因極心酸 網民：完全明白｜Juicy叮

業主：呢幅牆幫我落口釘

樓主早前（16日）在社交平台Threads以「香港裝修」為題發帖，表示做香港裝修這麼多年，第一次有業主對他說「師傅，呢幅牆你幫我落口釘」。

師傅當時笑著問「掛幅畫啫，用無痕貼咪得囉，之後又唔使補牆」，豈料對方神色認真地答了一句「我租咗20幾年樓，未試過可以放心喺牆上打一口釘」。

這句話讓師傅「真係停咗幾秒」，才明白對方非嫌無痕貼不好用，「只係想親手確認一次：呢間屋真係屬於自己」。

樓主帖文。Threads截圖

網民深有共鳴

網民對此深有共鳴，有人大表理解，直言「完全明，租樓郁下啲櫃都驚整花人哋幅牆，間屋自己鍾意點鑽都得」。

不過，也有作風大膽的租客網民開玩笑指出，只要「肯擺低嗰2個月租金，你釘個人上去掛都得」，豪言按金足夠賠償所有還原費用。

更有網民分享租屋還原神技，指「租屋鑽洞好正常，臨走用水泥或 AB膠填番平咪得囉，手勢好啲，業主根本唔知你曾經鑽過窿」，但亦承認如果是磁磚或牆紙就比較難搞，退租時一定會被看穿。

網民另熱烈探討買樓和租樓的最大分別，指關鍵是「可以硬裝同改下間隔，至於釘唔釘牆真係好少事」。

有網民也表示自己租樓時同樣大膽，直言「我而家租樓都照釘牆上櫃，要還原都係有限錢」、「釘完搵師傅補番咪得」，甚至大讚「我舊業主真係好好人，乜都畀我整」。

有自己屋企反而唔捨得鑽牆

但在買樓鑽牆的討論中，不少人亦分享了相反心態。有網民笑言「到自己樓都係唔捨得轉窿」，亦有網民指「有屬於自己嘅屋先唔想鑽牆，以前租屋就鑽咗幾十口嚟掛畫」。

資料來源：cedricho996＠Threads

相關閱讀：