兩大廢男世紀同框！張致恒自認癡漢婚後曾思維出軌 梅啟明爆荒謬感情觀堅稱好人無拋妻棄子
以梅啟明為首的「四大廢男」成員包括有張致恆、周永恒及李泳漢四人一直是民網民焦點，日前兩大核心人物梅啟明及張致恆竟破天荒合體，接受YouTube頻道《鼎豐盛》的訪問，兩人在節目中大談「感情觀」，過程火花四濺、金句百出。主持單刀直入追問梅啟明的感情觀，「情聖」上身的梅啟明大發謬論，極力為自己洗白，堅稱自己在感情上「非常被動」：「感情觀嚟講，呢啲都係被動㗎喎，同埋大家都係相處，唔係話你單方面可以。」
張致恒表明最愛是現任老婆雯雯
另一邊廂，近年因經濟與婚姻問題頻頻登上頭條的張致恒（Steven），則自認從小到大都是「戀愛腦」。他坦承年輕時極度好勝且「濫交」，看中漂亮的女生就會不惜一切追求，甚至曾試過在女方家樓下苦等五、六天，被主持人當場取笑是癡漢」。張致恒雖然在節目上表明最愛是現任老婆雯雯，全因對方陪自己經歷了無數風雨，不過，當被問及「有沒有在行動或思維上出軌」時，竟當著鏡頭直認：「思維上有！」
梅啟明感情生活同樣備受外界非議
在節目上，梅啟明及張致恒毫無保留大爆自己的感情觀，內容荒誕、金句頻出，隨即引發網絡熱烈討論！「遺產界KOL」梅啟明近日因母親覃美金（梅媽）離世，隨即引發梅家新一輪遺產與喪禮主辦權爭奪風波，梅啟明高調宣稱將以兒子身份主理身後事，並揚言動用梅艷芳信託基金為母「風光大葬」，但梅啟明的「孝心」未有感動個天，反而遭到四方圍繞。其實梅啟明的感情生活同樣備受外界非議，主持人直白地挑戰他的婚姻史，指他由美國、馬來西亞到泰國，身邊紅顏知己無數，更直指他有「二奶、三奶、四奶」。對此，梅啟明竟然表現得十分委屈，連番否認並驚呼：「嘩，越講越多喎！」他更極力辯稱自己的感情路「全部都是被動的」：「大家都係一個相處，係嘛？唔係話你單方面可以感情講…」，梅啟明更被問到是否他的紅顏知己主動媾他？梅啟明續指：「亦唔算得話媾嘅。（即係逼你一齊？）亦唔係話逼嘅。（咁即係自願啦？）即係大家，係嘛！咁點可以講話逼嘅，被動都唔係叫做逼㗎。唔係叫做媾又唔係搶，即係要大家雙方先至有一個大家嗰個相處。」
梅啟明大言不慚表示「咁我被動多」
梅啟明再被追問：「即係上床都好啦，你都係處於一個被動嘅狀態，係個女人擒上嚟你嗰度？我唔知你點樣用被動嚟形容呢件事？」梅啟明繼續問非所答：「被動始終嚟講，我就算媾佢，佢唔咩嘅話都唔會大家去相處嘅。如果佢媾我，咁亦都唔係叫做被動，係咪咁講先？」梅啟明更大言不慚地表示過往都是「咁我被動多」，唯獨是泰國老婆是「五十五十」。被問到歷年婚姻失敗後最愛是誰，梅啟明表示現時最愛是「泰國新歡」。面對主持人指控他「拋妻棄子、貪錢、維產（遺產）」，他依然面不改色，堅稱自己是個「好人」，甚至不認為自己人在香港、抱著泰國女友是拋棄身在馬來西亞的妻兒。
張致恒坦認從小到大都是「戀愛腦」
同場的張致恒（Steven）自出道以來情史極為豐富，曾自爆患有「性上癮」，因多次「劈腿」和「偷食」導致多段戀情破裂。在2019年宣布與粉絲區燕雯（雯雯）結婚時，更被踢爆當時「一腳踏五船」，因而被封為「世紀渣男」。近年張致恒因經濟與婚姻問題成為網絡熱話，張致恒坦認從小到大都是「戀愛腦」：「我好容易見一個就會鍾意一個，因為細個好鍾意以樣行先，即係見到佢靚嘅我就好想追佢。」被問到戀愛腦並非應該很專一嗎？張致恒說：「唔係，有好多解釋嘅其實戀愛腦，因為好鍾意拍拖呢一樣嘢，所以先叫做戀愛腦吖嘛。我覺得我每追一個女仔嘅時候，嗰種新鮮感令到我有好大嘅滿足啊，即係我好鍾意追女仔嗰種感覺。」重提當年一腳踏五船，張致恒表示當時不覺得自己有錯：「因為我覺得，一嚟我未結婚啦，二嚟我覺得咁樣係幾好玩，濫交啊，花弗㗎！如果唔係唔會出現咁多呢啲問題啦，即係自己係好勝嘅，因為有陣時我想追嗰啲女仔，我真係會好努力咁去追，真係會不惜一切去佢屋企樓下等佢五六日，我都會等嗰啲，我係癡漢。」
張致恒直認思維上曾出軌
張致恒表明現在最愛的「一定是現任老婆」：「唔講嘅話離婚喇，唔通你結住婚，拖住隻手仲喺隔籬講：『喂！我仲鍾意第二個人。』大佬邊會夠膽咁講啊！咁但係我認真嘅，因為佢都真係幫我經歷咗好多唔同嘅嘢，咁希望嚟緊嘅日子可以繼續軟化佢，變成愛。」不過，當被問及「有沒有在行動或思維上出軌」時，張致恒當著鏡頭直認：「有！思維上，因為始終真係有好多女性會喺身邊咁轉嘅。」在旁的梅啟明忍不住直接笑出聲，張致恆則指自己是正常男人：「你冇理由撳住隻眼出街㗎嘛！你有陣時你會見到啲靚女行過或者身材好嘅都唔同嘅諗法，咁但係你知道自己唔可以嘅，咁咪只可以用思想，盡量唔好畀佢知，唔好畀佢知，即係喺度側邊嘅時候，唔好畀佢睇到我𥄫女之類。」但主持則不認同張致恆這個說法，指並非每個男人在思想或行動上出軌，張致恒反駁：「思想上你冇辦法參透每一個人，但行為上你可以管制自己。」不過梅啟明說：「唔係認同唔認同個問題，而係人哋喺身邊咁轉，唔關我哋事。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
