東張西望｜權伯揀錯老婆自食其果：我頂佢唔順  60歲阿珍自詡後生身材好  斥阿麗勾人夫  

今晚《東張西望》繼續報道加埋超過200歲、金蘭姊妹同風流權伯的三角關係。70歲的阿麗，斥60歲的前金蘭姊妹阿珍橫刀奪愛，爭贏權伯跟後者結婚，但隨後阿珍同權伯婚姻出現危機、權伯希望離婚，阿珍就指是阿麗勾引權伯令他們兩公婆關係破裂，近3年來都大鬧阿麗勾引權伯上床。今晚阿麗帶埋東張團隊直踩阿珍檔口講清楚，期間阿珍情緒激動，並叉起腰挺起胸膛，表示權伯「就係鍾意我身材好」，不過卻有阿麗不知醜從中作梗。事件中的關鍵人物權伯隨後終於現身，大爆婚後跟阿麗的真實關係，並爆出想同阿珍離婚的原因。

阿麗被屈勾人夫3年

阿麗表示，阿珍是「明知我靚過佢，所以就怕我搵番佢老公」，但她誓神劈願，指自己於阿珍婚後，根本就沒有找過權伯，但卻無辜被阿珍「屈足3年」，她深深不忿，故此聯同東張團隊直踩上阿珍檔口，務求傾個清楚明白，希望解決多年來的紛爭。

阿麗話權伯沒有企出來講真相。

阿麗直斥權伯是怕事的廢柴。

阿麗直踩阿珍檔攤。

阿麗話自己冇勾引權伯。

阿麗指被屈了3年。

阿珍極激動。

阿珍指自己後生身材好。

阿珍當場打電話畀權伯，希望他說出真相。

阿形指就算坐監都要找阿麗算帳。

阿麗向天發誓冇勾人老公。

阿麗指如阿珍屈她，阿珍就絕子絕孫。

阿珍和阿麗對罵。

權伯終極現身。

權伯爆阿珍妒忌心強。

權伯爆阿珍隨時鬧人。

權伯爆阿形頭腦有問題。

權伯指頂阿珍唔順。

阿麗不忿被屈。

權伯爆阿珍通街鬧人。

阿麗指阿珍如再騷擾她，就告到她坐監。

阿珍狂數阿麗

阿珍一見阿麗就無名火起，堅持阿麗「搞佢老公」：「我結婚初頭都好哋哋，幾個月後老公就話我勾佬、話我做雞，依家仲轉埋頭像，唔係佢搞我老公點會咁？」，講言之鑿鑿指權伯有透露，曾被阿麗叫自己「玩吓」。

阿珍高呼：我後生身材好

二人你一言我一語火藥味超濃，阿珍堅拒承認自己曾橫刀奪愛：「佢哋分咗手3個月，係佢嚟追我。佢係鍾意我，第一後生，身二有身材」，隨後就叉起腰向阿麗表示：「我就係身材好，你睇唔到咩」。之後阿麗於阿珍面上向天發誓：「我有勾引你老公就絕子絕孫，如果係你屈我，你就絕子絕孫！」，之後更表示自己會向阿珍發禁制令、不讓對方接近，阿珍就話「未驚過」，就算坐監都會向阿麗算帳。

權伯中圈套結婚苦不堪言

最終關鍵人物權伯，於家中隔着鐵閘向東張說出實情，還阿麗一個清白：「啲女人嘅嘢我唔知呀，好麻煩好複雜」，表示不易解決，最大原因是阿珍「頭腦有問題」：「開頭我都唔知佢係咁，講嘢大聲妒忌心又重，佢都唔聽人講，總之你得罪佢，佢就大聲鬧你，我都頂佢唔順」，並指自己根本沒有和阿麗見面，更表示「佢話咩畀我食偉哥，佢話就係呀？都幾十歲邊度得？」，更表示「好乜鬼身材吖，都幾十歲」，並指自己當日結婚，「都係中咗阿珍圈套」，自己已經「講咗離婚」，但卻不敵阿珍大吵大鬧，故此就繼續和阿珍關係：「都八十幾歲擺唔到幾耐，見一日過一日囉」。

阿麗誓向阿珍出禁制令

阿麗表示直斥權伯是廢柴，一早應該挺身而出釐清事件，但都因被還一個清白而高興：「根本係佢（權伯）自己搞出嚟，佢同我分手揀同呢個女人結婚，依家就自食惡果」。她更表示必定會出禁制令，若阿珍依然對她騷擾，「我就告到佢坐監」。