陳曉華自爆理智購物者：唔會六位數買衫 預告新劇收視好即影寫真派福利

陳曉華（Hera）日前出席時裝品牌活動，大方分享個人的購物習慣。她自爆買衫風格兩極，但未有失控「瘋狂購物」：「唔會六位數買衫！冇！我主要睇個Style，𠵱家更加會揀啲實用同百搭，可以重穿嘅款式，至於舊衫就會捐出去，今年年初已經捐咗兩大袋冬裝同春裝，唔會浪費。」

陳曉華回應狂迷事件

提到早前出席劇集宣傳時遇上狂迷，被網民大讚冷靜得體，Hera直言當時並無被嚇倒：「我冇嚇親，亦都冇話驚慌。因為當時最主要係諗點樣可以平息到呢件事，好擔心會唔會有身體碰撞、會唔會有人受傷，好彩當時都冇。最緊要大家安安全全、身體健康，希望下次見到大家時都可以帶住愉快嘅心情。」

陳曉華（Hera）日前出席時裝品牌活動。

Hera和品牌高層合照 。

陳曉華換上冬裝。

陳曉華分享個人的購物習慣。

她自爆買衫風格兩極。

卻未有失控「瘋狂購物」。

陳曉華置裝唔會超過六位數。

陳曉華會揀啲實用同百搭，可以重穿嘅款式。

陳曉華今年初已捐出兩大袋冬裝同春裝。

陳曉華預告新劇《死有對証》收視好即影寫真派福利。

一年前陳曉華身材不錯。

陳曉華有好多宅男粉絲。

陳曉華晒一年前泳衣相。

陳曉華被讚身材禾稈冚珍珠 。

陳曉華預告收視好即影寫真

至於早前社交平台泳衣相亦引起網民熱議，Hera大爆該相片屬「舊相」，預告再派「福利圖」：「 早排有一段時間食得脹咗，而家認真修身，身形返番去嗰張相嘅狀態我先夠膽Post出嚟，好驚大家成日覺得我嗰張係假相！如果今年再努力一點，咁就可以係時候影過寫真，希望大家多啲支持《死有對証》，如果收視好，福利好快就會嚟！到時拉埋成套劇嘅演員一齊，好似阮浩棕、韋家雄，咁就夠晒氣氛！」

陳曉華自爆穿搭哲學 

呢日Hera亦在活動上大談其獨特的穿搭哲學。自言在穿着上屬於「勇於嘗試」一類的她，特別喜愛將不同質感的服飾混搭。Hera分享道：「我個人比較忠於自己，好鍾意揀一啲異於常人會着嘅衫。例如著一條好女仔嘅絲質裙，但會襯一件好型嘅冷衫，令到個對比好大，呈現一種『剛柔並重』嘅感覺。」她笑稱自己的衣服主要分為「極具女人味」及「非常男仔頭」兩大類型，平時最享受將兩者Mix and Match。