「$68000喎，師兄！」 天價24小時陪月犯低級錯誤 煲湯出事嚇壞網民：覺得係智商稅｜Juicy叮

請陪月本想「花錢買安心」，豈料最後變成「貼錢買難受」。一名新手港媽近日在網上發文，指自己花了 6.8萬元 聘請全天候 24 小時陪月，對方竟然連煲湯也出事。大批網民冷眼旁觀，直指這簡直是交了昂貴的智商稅，力勸港媽即炒對方以免燒毀屋企。詳情見下圖及下文：

「$68000喎，師兄！」 天價24小時陪月犯低級錯誤 煲湯出事嚇壞網民：覺得係智商稅
逐張睇↓↓↓↓

「$68000喎，師兄！」 天價24小時陪月犯低級錯誤 煲湯出事嚇壞網民：覺得係智商稅｜Juicy叮

24小時陪月煲燶湯

樓主早前在社交平台 Threads發帖，表示請了一個 24 小時陪月坐月，人工高達 6.8萬元，但使用電煲的對方竟然將啲湯煲到燶晒冇水。港媽向網民請教這是否屬於死罪，慨嘆「我嘅工人姐姐都未試過」。

這則貼文隨即引爆關於天價陪月到底值不值的激烈論戰。有網民感到匪夷所思，驚訝指「嚇，電煲喎」，補上一刀嘲諷「電湯煲都煲得燶一定係弱智」，更有人笑言「別人嫌棄嘅奶奶被人高薪請咗」。

樓主帖文。Threads截圖

濃縮就是精華？

網民笑稱這碗燶湯是「濃縮就是精華」以及「真正嘅3碗水煲埋1碗水」。有人打趣指「中藥嚟，10 碗水煲剩半碗水，包你藥到病除」。

有過來人分享同類激心經歷，指之前個陪月燉湯沒有落水，問她是否忘記了，對方竟回答「呢啲係精華」。更有網民憶述當年個陪月開火煲緊嘢，竟然在客廳睡到有鼻鼾聲，事主走出客廳才驚覺廚房危機四伏。

網民高呼即炒保平安

面對陪月的低級失誤，網民群情洶湧，直言「6.8萬元做到咁仲要問，即炒都得啦，容乜易燒埋你間屋」。

大家都苦勸樓主「坐月要保持心情開朗，唔順眼就炒喇，唔好貼錢買難受」，臨盆在即或產後調理「唔好搞到自己產後抑鬱」，強調必須即炒。

有網民也理性分析，指出 24 小時陪月雖然這價位很久了，坦言「去月子中心唔係唔好，但個人覺得生完有屋企人嘅陪伴都好重要」，不過始終「人人都要瞓覺咁佢點瞓覺」。網民建議樓主把這筆錢「分 2 個陪月，分日與夜」，這樣員工多啲精神自然少啲出錯。

天價收費大感不值

網民似乎都對 6.8萬元 的天價大感不值，直言這筆錢「請兩個 3.4萬元 陪月返半日，或者請10個工人都得啦」。有網民指老婆家姐做陪月多年都未收過這價錢，直指「兩三萬係正常價錢」。

不少人分享平價但高質的經歷，指「我陪月姨姨 2.4萬元，早到遲走，煮嘢勁好食，滿月仲收到姨姨送嘅金牛仔」。網民感嘆「畀兩萬嗰啲都煮得好多好好食又有營養嘅月子餐」，更有打工仔自薦「你畀 3萬元 我，我淨係嚟煮飯，燉湯畀你飲都抵，收平咗你」。

資料來源：dheib49＠Threads

相關閱讀：