唔係個個啱讀？ 醫科生留班怕被嫌棄 暖心師兄親授逆襲法 過來人警告勉強讀落去會好地獄｜Juicy叮

考進醫學院一向被視為天之驕子，但白袍背後的沉重壓力卻非人人能承受。近日一名 19 歲醫科女生因首年考試「肥佬」留班而陷入徬徨，既憂慮天價學費，更害怕被同窗嫌棄，也不知如何向親友交代。

貼文隨即引發熱烈論戰，有暖心師兄現身分享逆襲秘訣與考試心法，但亦有過來人冷眼警告醫科「唔係個個啱讀」，勉強讀下去只會無比地獄。詳情見下圖及下文：

唔係個個啱讀？ 醫科生留班怕被嫌棄 暖心師兄親授逆襲法 過來人警告勉強讀落去會好地獄逐張睇↓↓↓↓

唔係個個啱讀？ 醫科生留班怕被嫌棄 暖心師兄親授逆襲法 過來人警告勉強讀落去會好地獄｜Juicy叮

飲恨留班 崩潰無動力

樓主早前（9日）在社交平台 Threads發帖，分享自己考試「肥佬」的心路歷程。樓主自爆，年僅 19 歲的她今年讀完 MBBS Year 1（內外全科醫學士一年級學期），收到成績不 Pass（及格），要重讀第一年。

她崩潰表示，一想起自己這一年所有努力白費晒，只為了一份卷不合格那 1 分就要下年重讀、重新考過晒 5 份卷，令她好想喊、完全無晒動力。樓主直言，轉不轉 Course（課程）都是要重新來過，感到非常辛苦，無助詢問「有冇人可以輔導下我」。

憂同窗嫌棄與親戚目光

樓主對前路感到迷惘，不知應否繼續讀下去，因為交多一年昂貴學費之餘，放棄不讀的話又要去搵第二個 Course（課程），卻又不知讀甚麼。而最令她恐懼的，是不知如何向親戚、同年朋友及同學解釋自己留班，害怕原本同級的人會慢慢疏遠甚至嫌棄她。

樓主直言，面對他們時，會不禁去想「到時點解所有人畢晒業，我都仲讀緊」。雖然她明白不應該「畀其他人眼光去影響自己未來」，但她無奈感嘆「香港地真係好難唔理」。

樓主帖文。Threads截圖

暖心師兄親授逆襲法

貼文引發熱烈討論。有同行師兄溫柔安慰，指出考進醫學院的人智商和能力都毋庸置疑。師兄直言「入到醫學院好少係能力問題，唔過嘅大部份都係未搵到考試方法」，指出考專科也是差不多的遊戲玩法，識玩唔緊張就會高分，不一定最熟書。

亦有暖心師兄分享逆襲經歷，指自己入大學第一份功課只拿到 C- 等級。但畢業那年，他卻在同一個 Professor（教授）手上拿到 A 等級，大呼「請相信自己會進步」。

成功醫生亦曾補考重讀

更有行內師兄分享溫馨內幕，直言「我識得有唔少醫生都試過補考甚至 Repeat（重讀），但佢哋而家都係成功嘅醫生」。

師兄直言，做到醫生之後，「冇人 Care（在乎）你過程」，呼籲「唔好因為一個考試就否定自己，你入到醫就代表你有一定能力」。

有 Seniors（師兄姐）亦表示大家都很樂意 Share Study Tips（分享溫習心得），歡迎隨時發問。網民也安慰，若家裏負擔得起就試多一次，以後 No Regret（沒有後悔）。

過來人潑冷水：Year 1 已經算最易

但亦有過來人潑冷水，提醒「問題係 Year 1（一年級）已經算最易，之後個幾年仲難捱」，指 Medicine（醫學）就是不停考試，要做好心理準備。

網民直言「如果已經盡咗力都過唔到 Year 1，之後幾年會好地獄」，勸樓主「最緊要唔好自己呃自己」，若真的不想讀，不如「喺有情緒問題之前及早轉科」。

更有網民毫不留情地質疑「Year 1 都要重讀！你點樣考入去？認真考慮下，真未必適合你」，提醒「唔係個個啱讀」。

轉科不讀醫 亦有百萬年薪

有人則鼓勵樓主，若這不是想走的路大可 Quit（退學），憑她的聰明才智，去其他行業發展都能成為年薪 $數百萬 的人中龍鳳，最重要是問自己是否喜歡讀醫。

資料來源：ishxksncisb＠Threads

相關閱讀：