20年舊同學突蒲頭設局 義氣港男借5位數字換來無情背叛 網民冷眼：一開始就無諗過還｜Juicy叮

青春的記憶總是包裹著溫暖濾鏡，但現實始終殘酷。一名有20年舊情的中學同學突然蒲頭設局借錢，義氣港男好心過數5位數字幫忙應急，卻換來無情背叛。還是冷眼旁觀的網民心水清，早料對方「一開始就無諗過還」。詳情見下圖及下文：

20年舊同學突蒲頭設局 義氣港男借5位數字換來無情背叛 網民冷眼：一開始就無諗過還逐張睇↓↓↓↓

20年舊同學突蒲頭設局 義氣港男借5位數字換來無情背叛 網民冷眼：一開始就無諗過還｜Juicy叮

20年不見突傳訊息 港男慷慨過數換來一肚氣

樓主早前在社交平台 Threads發帖，痛訴一宗心寒事。一位認識了20年的中學朋友，多年無聯絡，日前突然發 Message（訊息）來問借萬幾蚊。樓主顧念情分直接過數，對方承諾最快3個月還，結果拖足1年。

樓主體諒其困難沒有逼迫，豈料轉頭見到對方同屋企人去韓國旅行遊埠，紀念日又送禮物畀老婆。那筆5位數字借款雖不多，但見對方完全無心還，樓主心裏面難免失落，直言原來識了20年到頭來只值這麼多，借錢畀人不是輸了錢，而是「見到一個朋友會變成一個你完全想像不到的人」。

樓主帖文。Threads截圖

網民：「突然搵你都唔慌有好嘢」

有冷眼旁觀的網民直言，大家常搞錯概念，因為「『20年前識』不等於『識咗20年』」。網民狠批，20年冇見的人根本不是朋友，對方「一開始就無諗過要還」，逢是這種突然蒲頭叫你買保險或借錢的，通通不要見。

有網民更警告，成年冇聯絡就當大家在大家的世界消失，而且「不嬲冇深交嘅突然間搵你都唔慌有好嘢」，建議樓主私底下向其他熟絡朋友打聽，因為對方分分鐘在外面「借緊幾皮甚至更多」。

舊同學聚會回憶幻滅

不少網民在留言中控訴友情幻滅的血淚史。有網民分享約舊同學食飯，原本想懷緬昔日美好，點知對方「勁有界心又串嘴」，令自己即刻回憶幻滅，怒刪對方 Contact（聯絡人資料），從此不敢再找舊人，直言「當佢哋死晒算」。

更有過來人分享，當年借了 $2000 畀玩得最埋的中學同學買傢俬，隨後對方如同人間蒸發。去年對方突然又搵自己，本以為是 Update（更新）近況，點知下一句又是問借錢，被鬧爆後竟無賴回覆「冇還咩」並附上挑釁的 Emoji（表情符號），事隔一年依然未還，令人徹底死心。

網民：「要預咗冇得還」

面對友情勒索，有網民感嘆，最常開口借錢的往往是偶爾有交集的人，若對方真心珍惜感情，根本不忍心提出借錢。生活是自己的責任，最多只能請對方食飯或送日用品，開支要由他自己想辦法。

亦有網民豁達表示，在有能力的情況下也會借，但「喺借出去嗰一刻心裏面已經預咗借得出去就冇得還」，看清對方有錢去玩都不還錢後，也心中有數「我哋嘅情誼告一段落」。

資料來源：tomtsai886＠Threads

相關閱讀：