名古屋亞運｜港隊電競代表團人數創新高 周啟康感市民更認可電競為運動項目
愛知名古屋亞運開幕在即，中國香港電子競技代表隊周二在馬鞍山MOSTown新港城中心舉行啟航禮，近30名運動員亮相和市民見面，中國香港電競總會主席周啟康指電競項目開始被大眾接受和認同為一個正式的體育項目。
代表團人數創新高 周啟康感電競漸受大眾認同
電競項目繼杭州亞運正式列入競賽項目後，上屆港隊憑着《夢三國2》奪銀取得電競代表隊在亞運的首面獎牌，今屆派出包括43名運動員在內的51人代表團，出戰《英雄聯盟》、《寶可夢大集結》、競技武術團體賽、《王者榮耀》、《無盡對決》、《第五人格》、《永劫無間》、實況足球系列(eFootball)、《魔法氣泡》和《跑車浪漫旅7(GT7)》，總共十個項目，啟航禮中亦由立法會議員葛珮帆和恒基兆業代表陳德鳴贈予代表隊「戰鬥旗」及「巨大版機票」望港隊凱旋歸來。活動中更有網紅Patrick.C和英雄聯盟代表上演3v3的英雄聯盟表演賽。
今屆代表團人數對比起上屆39人有顯著上升，中國香港電競總會主席周啟康受訪表示，人數上升反映出香港電競水平在精英運動員資助下，多了集訓和出國的機會，成績有顯著的進步，而提到電競作為亞運項目是否更有助推廣電競時他則表示認同：「推廣的幫助力度好大，包括2018示範項目今年已經是第三屆有電競，令到愈來愈多市民開始知道同更將電競視為一個正式的體育項目。」
唯一單人項目女運動員余穎廉捉緊代表香港機會
今屆唯一一位出戰單人項目的女運動員，將出戰《魔法氣泡》的余穎廉，她受訪表示因為亞運才開始接觸這個遊戲，由去年三月開始已玩了一年半，之前也有玩其他遊戲的余穎廉認為這款遊戲容易上手，但難以精通，而提到代表港隊出戰亞運會否感到緊張時她則說：「緊張真係一定，因為知道其他國家或者地區嘅代表係好強嘅，因為都對過好多次嘅。但始終遊戲其實好講運氣成分，因為有時候你遇到十幾組泡泡，你都冇自己要嘅顏色嘅時候，反而係越係咁你越係唔可以急躁，因為你可以反追返嚟囉，對手都可以因為咁而輸畀我嘅，所以最緊要係保持心態嘅平靜。」
而能夠代表香港對她亦別具意義：「因為自己一直都鍾意打機，都精通於電競嘅行業，但係比較遺憾係自己喺年輕嘅時候係冇點去打比賽，所以今次我見到呢個機會真係好想捉緊佢，咁都好努力去備戰。」
GT7代表黃啟軒望民眾更認可賽車
而曾奪亞洲區賽事冠軍，從選拔賽中突圍代表香港出戰GT7的黃啟軒，他指今次能夠代表香港是對他多年努力的肯定，亦可以真正地「孭住香港旗」出戰：「最緊要係肯定咗我咁多年嘅努力啦。同埋可以真係真正孭住隻香港旗出賽，因為好少機會可以唔係淨係代表自己或者車隊，係代表成個香港，咁係好難得有咁嘅機會，可以令全世界人知道原來香港係咁細嘅城市我哋都可以做到一啲成績出嚟。」
提到目標他指希望可以殺上前三，但亦需要看臨場的對策，而被問到會否希望可以借今次機會令更加多人認識GT7時，黃啟軒則表示：「其實呢幾年一路鬥都有咁諗。之前就鬥嗰陣時其實都有香港區旗出現喺隻 Game度。俾人見到都會話「咦，原來有香港車手喎」，同好出奇喎，原來有香港嘅車手走出嚟鬥嘅。咁我都希望即係今次直情唔係喺隻Game，係去到亞運可以令到更加多人認識到，賽車原來其實都係一個運動，唔係淨係人哋咁講「飛車」咁樣嘅嘢。」
記者/攝影：魏國謙
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
