裕美挑紅衣激起男友性慾 多次拒婚怕生女似林作 3000萬賣子宮嫌少

裕美（8日）到尖沙咀出席自家品牌限定店活動，身穿火紅色真空裙的她表示，紅色會激發男友林作性愛慾望，自己出門時對方還對她說「執返劑」：「我話唔得，我今日真係好忙。跟住佢話執完可能仲開心，（每次出門口都要執？）唔係，佢好鍾意喺我有好緊要嘅嘢做嘅時候騷擾我，佢真係一個麻煩友嚟。」問到為何今日不叫林作一起來，她指︰「限定店好靚，帶佢嚟會影響環境。」裕美指限定店投資了幾十萬。提到她月入過百萬，她稱做每件事都有風險，但開心的是自己產品得到很多人支持，最開心聽到外界說產品好用。

裕美忽略林作

裕美指，現時每日只瞓幾小時，明言做生意後很少跟林作傾偈，可能就因為溝通少，連嗌交都沒時間，大家才可以走得那麼長，提到兩人11月便是拍拖8周年，她指沒想到跟對方「可以行咁耐」，現時感覺仍新鮮：「我成日拒絕呢個人，即係我嗰方面唔係好想同佢親密，（求婚呢？）佢冇每年求，求咗幾次，第一次用拖鞋同我求，即係佢飲大咗亂噏嗰啲，但我覺得結唔結都冇乜所謂，反正我都結過啦，冇乜所謂。（生仔？）生仔就未試過，但我好驚生個女，驚好似佢。我最近見到有其中一個KOL，佢話有一仔一女，話女嘅似阿爸個樣，所以千祈唔可以亂咁做決定，因為生仔定女唔係我決定，但一定要負責任養大佢，萬一屙出嚟嗰一刻，嘩！同林作成個餅印咁，我都唔知開心定驚。除非係意外，但都幾難，因為我哋好少（行房）。」

裕美出席自家品牌限定店活動。

裕美身穿火紅色真空裙，指紅色會激發男友林作性愛慾望。

「拜金港姐」蔡嘉欣來支持裕美。

裕美最近好忙，忽略林作。

裕美、林作愛講有味笑話互動，增添情趣。

裕美、林作講有味笑話添情趣

提到她之前叫林作整容，裕美指事後林作表示只是想整下體：「佢話佢拉長啲皮，跟住我問佢拉長啲皮有咩作用，佢話望落會顯得大啲，但只係外觀，實用性都係冇。佢永遠淨care下體，佢日日都祼體，其實佢真係有啲問題，佢對自己嘅身體又好鬼驕傲，唔知驕傲邊個位？」裕美又嫌棄地表示男友身軀和樣貌都像未發育完成的小朋友，對他沒興趣好正常。

裕美子宮有價

另外，裕美早前指，有富豪以3000萬買她子宮生仔，她表示自己不只值這個數，但也笑言自己沒有沒身材，但對方就睇中她的屁股夠圓潤，更大讚對方有品味，對於她提及被包養的女生，裕美就謂只是識對方，但不是朋友。