方力申回應酒吧騷舉中指粗口手勢事件：唔係淨係一隻手指舉起 重申與鄧麗欣無關

方力申早前在登台期間，突在台上向台下一名觀眾做出舉中指手勢，今晚他到金鐘出席慈善晚宴時，就解釋當日舉出的手勢只是疑似，不像台下的手勢那麼清楚，但因打了格仔，所以大家才會嘩然，又指這個是一個內地的酒吧騷：「一定會有人鍾意我，有人唔鍾意我，或者有人飲得開心、情緒高漲咁，我唱緊歌嘅時候，睇到下面有個人做呢個手勢不特止，佢係拍住自己隻中指對住我，你覺得咁好玩，我都話俾你知，其實我都見到嘅。」

方力申回應台上舉中指事件

雖然被人用粗口手勢對待，但方力申就坦言不介意，也不會嬲，自己在台上也有講對方舉中指，故台下觀眾都知道為什麼他會有這個反應和做這個動作，又認為大家在這種場所，心態也會變輕鬆，所以自己在台上亦是輕鬆，問到覺得對方是否惡意？他坦言不知道，但自己只是回敬一個疑似手勢：「我都唔係好介意，因為現場個個都用手機拍住，冇諗過我會上報紙，都好多人問候我，問候我咩事，因為打咗格仔越嚟越似，（你當刻做咩手勢？）總之唔係淨係一隻手指舉起，係幾隻手指舉起嚟回敬，唔係淨係嗰隻，我都冇咁大膽，費事下面啲觀眾以為我指住佢。」而方力申亦重申不是因為看到有人舉鄧麗欣照片，所以做出這個行為。

小方今日晚到金鐘出席慈善晚宴。

以西裝斯文look現身。

斯文look超越了在內地酒吧騷舉中指想像。

他解釋當時不是舉中指還擊。

他強調總之當時唔係淨係一隻手指舉起做粗口手勢。

姚明高人一等。

李小鵬。

楊揚

姚明

馮珊珊

方力申向台下觀眾疑似舉中指。

台下觀眾高舉其舊愛鄧麗欣（Stephy）的相片，才令方力申無奈作出幽默反擊。

網上瘋傳一段小方在台上深情獻唱時，突然面色一變。

方力申指是因為台下有觀眾先對著他舉中指，他為了不啞忍並表示「我睇到」。

方力申曾和鄧麗欣拍拖。

方力申與太太葉萱補影婚照，囡囡也有出鏡。

小方囡囡最叻是跟他做「bye bye」手勢。

方力申11月慈善游大嶼山游到澳門。

方力申11月慈善游大嶼山游到澳門

方力申將於11月參加港澳慈善游，他指當中有部份善款是會捐給澳門特殊奧運，到時會由大嶼山游到澳門，現在正準備中，笑言雀斑多了之餘，連疣也生出來，問到是否怕到時又游到嘔？他說：「梗係驚啦，因為年紀大咗，對上一次係七年前，今次游嘅距離冇咁遠，但出公海，好多未知數，上次維港都起碼可以坐住快艇兜一個圈認路，但今次冇，基本上一條直線。」至於太太葉萱和女兒方愛嘉到時會否到場為他打氣？方力申就表示不會，因太太暈船浪，不能坐船，只會在黑沙等他上水。

方力申被囡囡拒錫好心傷

提到其湊女生活，方力申指現在見極都不厭，不過因工作關係，有時由朝到黑也不能見，也會掛住，又表示感覺到囡囡現在識聽人講嘢，例如叫爺爺和爸爸，她也識望：「講嘢佢都知，佢識點頭擰頭，Kiss都識得聽，我今朝見佢嘅時候，我話「kiss kiss爸爸」，佢擰頭，我真係心傷，之後我話玩波波，佢點頭！證明佢知道點頭係Yes，擰頭係No！（你覺得安慰定佢叻？）好傷心！」不過方力申指囡囡也試過錫他，又表示囡囡好鍾意搣他腳毛，最叻是跟他做「bye bye」手勢，也正學習飛吻，現在扶住企得好好，希望11月她可識行，問到平常他那麼忙，是否怕錯過囡囡的重要時刻？他坦言已錯過了很多，但幸好還有片睇，問到想囡囡叫爸爸還是媽媽先，他就指自己沒所謂，叫媽媽先，最重要是錫他的時候不要拒絕。