梁漢文暌違6年再做ViuTV 直播節目 怕做評判因有壓力 梁釗峰孖鍾卓穎做主持「食螺絲」：有進步空間

ViuTV直播綜藝節目《直樂 VIURIETY SING還者》首集於日前（3日）播出，並由梁釗峰和鍾卓穎擔任主持，首集亦有梁漢文擔任評審。

梁漢文憶起「新秀」回憶

梁漢文、梁釗峰和鍾卓穎接受訪問，梁漢文回憶道，上一次在ViuTV直播主持節目，已經是2018年世界盃。「同林敏驄做節目，嗰時成日搵啲嘉賓上嚟玩，好耐囉。」他坦言感到開心，但其實又開心又怕。「其實我好怕做評判，雖然好輕鬆，但係有啲壓力，好似決定緊人哋命運。」他坦言，自己也是比賽出身，很明白參賽的感受：「小朋友廿幾歲，畀評語都要講得有啲技巧，要顧及佢哋感受。」他也提及，其中一名參賽者失準，可能也是太緊張所致。梁漢文也表示，看見現場的參賽者影大合照時，即有當年他參加「新秀」的回憶湧出。

ViuTV直播綜藝節目《直樂 VIURIETY SING還者》首集有梁漢文擔任評審。

《直樂 VIURIETY SING還者》由梁釗峰和鍾卓穎擔任主持。

梁漢文回憶道，上一次在ViuTV直播主持節目，已經是2018年世界盃。

梁釗峰和鍾卓穎首次擔任直播節目的主持，直言是一個十分好的經驗。

梁釗峰主持稍有「食螺絲」的情況。

梁漢文指好怕做評判，雖然好輕鬆，但係有啲壓力，

《直樂 VIURIETY SING還者》

評判：梁漢文、李澤民

梁漢文在台上獻唱。

梁漢文在台上獻唱。

梁漢文讚梁釗峰、鍾卓穎表現

梁釗峰和鍾卓穎表示，他們都是首次擔任直播節目的主持，直言是一個十分好的經驗。釗峰表示，看見梁漢文坐在評判席上，出現了想一起討論的感覺。記者笑言，他是不是想做評判？鍾卓穎也附和：「加張櫈畀你。」梁漢文也贊成：「OK㗎。」並指他可以又做主持又做評判。梁釗峰主持稍有「食螺絲」的情況，他回答：「係梗嘅，因為自己唔係超級主持範疇，但係證明可以有進步空間，係一件好事。」身經百戰的梁漢文則安慰他，坦言以主持來說，表現已經十分之好。問到覺得梁釗峰和鍾卓穎表現如何，梁漢文回答：「佢哋真係好好㗎啦，第一集live喎，我諗佢哋默契慢慢會出嚟。每一日節目，無論係唔係live，嗰兩位主持都係慢慢會培養一種好自然嘅默契，而嗰種默契就會成為佢哋嘅化學反應。」