梅媽離世丨潘小文揭梅啟明藉梅姐名赴美借到周身債 曾向母索錢娶泰妹 握錄音隨時對質

已故樂壇天后梅艷芳母親覃美金（梅媽）於8月30日離世後，梅家再掀喪禮主辦權與遺產爭奪風波；被封為「遺產界KOL」的長子梅啟明高調宣稱要動用梅艷芳信託基金為母「風光大葬」，更因姪仔手持梅媽身分證明文件到殮房認屍而未能簽紙，怒轟姪仔「冇資格同我爭」並揚言申請禁制令，引來梅媽生前好友潘小文在YouTube頻道《娛樂小奶媽》怒轟其呃錢惡行，直斥他是「人渣中嘅人渣」、「雙眼除咗睇到錢之外乜都睇唔到」，除了力撐意願低調辦喪事的梅家孫兒，更揚言手握梅媽生前錄音，隨時公開對質。

潘小文直斥梅啟明為「人渣中嘅人渣」

潘小文昨日（1日）繼續YouTube頻道《娛樂小奶媽》怒轟梅啟明的呃錢惡行，潘小文斥對方為「人渣中嘅人渣」，表示：「你有本事你咪做囉！我而家講到明，就係我撐硬啲細路㗎啦。你唔好再蝦啲細路，你老母已經唔想認你呢個仔啊，所以你可以慳啲，收X啦你！佢真係食屎呀！佢雙眼除咗睇到錢之外呢，我都幾肯定佢乜都睇唔到㗎啦。」潘小文更揚言有梅媽的錄音，待有需要會拿出來與梅啟明對質。

梅媽2011年被終審法院裁定敗訴。

梅媽與梅啟明在中環匯豐銀行開記者會聲討。

電影《梅艷芳》為梅艷芳傳記電影，2021年11月上映，票房大收6206萬。

梅啟明於2021年突然入稟高院控告安樂的電影《梅艷芳》侵權。

梅媽與梅啟明因電影《梅艷芳》侵權問題反目。

潘小文說：「記住畀晒錢先好搵律師啊。」

潘小文說：「搞到Auntie幾乎臨老畀政府申請佢破產，都係你條仆X搞出嚟。」。

潘小文揚言：「我知嘅嘢都係Auntie親口講返畀我聽，同埋當年好多發生過嘅事，佢都同樣我講。」。

潘小文說：「Auntie 生前講到明啊，叫幾個細路唔好惹你啊，就知道你黐X線啊。」

潘小文。

梅啟明收到梅媽離世消息，帶和泰妹二奶到醫院。

梅啟明帶同紅顏知己恩恩到場（左）。

梅啟明帶泰妹二奶見記者。

梅艷芳紀念館恩恩亦有份參與。

近年恩恩同梅啟明拍住上返內地搵食。

Joey指梅啟明造假租約。

Joey指梅啟明造假租約，帶泰妹二奶登入室。

梅啟明跟第2任妻子Joey及兒子Richard。

Richard和媽媽相依為命。

Joey指控梅啟明有酗酒習慣，並指梅啟明涉家暴及虐兒。

當年一家三口在城市花園住所打邊爐。

22年2月10日梅啟明曾藉醉發難。

梅媽的兩個女兒梅愛芳（左）與梅艷芳，分別於2000年、2003年離世。

梅艷芳的遺產除供養母親梅媽外，還預留讀書基金給胞姐梅愛芳的兩名兒子、兄長梅德明的兩名女兒。

梅媽育有兩子兩女，有指梅媽一向重男輕女。

梅艷芳四歲半時已與胞姊梅愛芳出來演唱。

​2014年，梅艷芳二哥梅德明患上喉癌，終在2015年離世。 ​

梅媽早已抱孫。

梅媽原本可享兒孫福。

梅媽2022年登報與兒子梅啟明脫離母子關係。

梅媽兩年半來一直拒見大仔梅啟明。

「梅媽」覃美金榮升人瑞時，收到由「勞工及福利局局長」致送祝壽賀函和賀卡。

梅媽在家中慶祝100歲生日。

梅媽早已過100歲。

梅媽曾多次上訴，想從信託公司取回梅艷芳全部遺產。

「梅艷芳國際歌迷會」今年初曾在IG分享一段梅媽的賀年祝福影片。

潘小文反擊：有屎都係梅啟明先食

潘小文早前透露梅媽已立下遺囑，遺囑執行人及喪禮將按照其生前意願，交由梅德明的兒子（孫兒）全權處理。梅啟明則反駁指潘小文無權干預：「呢個唔需要理佢，孫就係孫，仔就係仔，佢冇權處理任何嘢！佢話有遺囑都冇用，我會搞咗啲手續先。」對此，潘小文昨日與李婉華合體開直播反擊：「本來我冇嘢講，但對住佢啲無恥行為，真係頂佢唔順！幾時輪到我食屎？有梅生喺前面，多多屎都係佢食先啦！佢直情語無倫次、不知所謂，我講佢都嘥氣！佢叫我食屎，有屎都係佢食先！」潘小文更憶述當日在急症室的情況：「我企喺佢前面叫佢冷靜啲，佢直情有『面盲』，唔認得我都算，連自己啲姪仔姪女都唔認得，仲夠膽話我帶陌生人入去！佢真係雙眼除咗睇到錢之外，乜都睇唔到！」

潘小文斥梅啟明不尊重女性、謊話連篇

潘小文進一步怒轟梅啟明不尊重女性：「佢帶住嗰兩個女人，一個係佢默認結婚嘅太太 May May，另一個叫茵茵。佢竟然話茵茵係 Auntie（梅媽）嘅助手？Auntie 從來都冇助手！呢個茵茵係佢自己認嘅紅顏知己，咪平時同佢一齊去大陸跑細場嘅所謂歌手，兩條友攞住梅姐啲歌周圍搵錢！」

潘小文又翻舊帳指控梅啟明：「當年佢自己攞份租約出嚟，叫嗰個泰國女人搬入屋瞓主人房，仲騙老婆話租咗間房畀人，佢當佢老婆傻㗎！而家仲撇低老婆同個仔喺馬來西亞自生自滅。佢話有畀錢老婆呀嘛，攞銀行 Statement 出嚟啊睇！佢走去跑馬地警署話要攞返梅媽張身分證，佢都黐X線……張證從來都唔喺佢手，佢又話鎖喺夾萬——夾萬得你有鎖匙啊？佢自己都認起碼兩冇見過老母，唔止兩年啊，三年啊……起碼三年冇見過佢老母啊！事實上梅媽真係好怕佢，想見一早見咗啦，就係怕咗你先唔想見！你講得啱啊，冇人夠膽惹你，因為大家都知道你Shot㗎嘛！」

潘小文爆梅啟明攞幾十萬與泰國婆結婚

梅啟明元配 Joey 日前接受《星島頭條》獨家訪問，驚爆梅媽生前是被梅啟明「活活嚇死」，潘小文證實確有其事：「梅啟明攞錢攞到 Auntie 話冇錢，佢唔信，就攞錘仔將屋企啲門鎖同有鎖嘅櫃桶全部打爆，嚇到 Auntie 入醫院！之前佢已經呃咗 Auntie 幾十萬話要同泰國女人結婚，點知攞完錢冇擺酒，又冇同 Joey 離婚。嗰筆我相信已經係 Auntie 最後嘅積蓄，之後佢再問 Auntie 攞錢，Auntie 話冇，佢就發癲攞錘仔四處砸爛嘢！」

潘小文指梅媽曾親口向她透露此事：「梅媽嚇到住咗三個月醫院，之後搬到荃灣某屋苑住咗幾個月，點知被梅啟明發現，日日去屋苑逐座逐層大吵大鬧，搞到神憎鬼厭，梅媽最後唔好意思唯有靜靜雞搬走。如果佢話要分遺產，咪攞梅姐、愛芳姐同德明嗰三個神主牌囉！呢三個係梅媽嘅心肝寶貝，無論點都要上香，梅啟明你次次出場都剩係為攞錢，你係咪人嚟㗎？」

梅啟明藉梅艷芳之名借債、慫恿打官司耗盡家財？

潘小文又透露梅啟明早年曾因欠債避走美國，梅艷芳離世後半年才返港：「佢喺美國又係用梅姐個名借到周身債。梅姐過身之後嗰半年就走返嚟……返港後攞梅姐個名註冊商標，搞咗個所謂嘅『梅艷芳紀念館』，我上去參觀過，入面乜都冇，佢當時已經話要賣啲 product。過咗冇耐，佢就開始氹 Auntie 打官司告慈善基金。Auntie 重男輕女，以為剩返呢個仔靠得住，個仔叫佢做咩就做咩……當然 Auntie自己都想攞返嘅。」

潘小文續指：「梅姐好醒，生前一早知道個大佬會返嚟搞鬼，所以成立信託基金，講明啲錢只畀阿媽養老，仲有資助姪仔姪女讀書。呢個仆X梅啟明不停話要打官司攞返啲錢，梅媽被佢帶住周圍去，全世界都話畀梅媽聽係唔會咁樣攞到㗎！嗰個信託基金穩如泰山告唔入，最後畀完律師費，都已經冇乜錢，靠基金攞錢生活。」

已故樂壇天后梅艷芳母親梅媽覃美金8月30日離世，享年102歲。

梅艷芳與梅愛芳都非常孝順梅媽。

梅媽與梅啟明一度被譏「遺產界KOL」。

梅媽於100歲時遭律政司司長入稟高等法院申請破產。

對於梅啟明的「孝心」，肥媽說：「不嬲都想動呢個基金㗎啦，做唔做都係想動呢個基金㗎啦！」

肥媽更嬲爆說：「佢有幾個女朋友，一陣間又話再結婚喎，跟住佢老婆走出嚟話未離婚。」

肥媽更嬲爆說：「佢阿媽嚟講就一個了斷。」

肥媽讚阿梅就好孝順。

肥媽說：「佢阿媽又係縱呢個仔縱到都黐晒線嘅。」

潘小文指梅媽因梅啟明用鎚仔打爆全屋搜刮財物，嚇到入醫院三個月。

梅媽過往與梅啟明多次出入法庭爭遺產。

梅媽曾在鬧市開記招，大呼要為阿梅之死討公道，當時梅啟明也相伴在則。

梅媽多年來用層出不窮原因，索取梅艷芳的遺產。

梅媽2009年曾申請80萬環遊世界被拒。

梅媽2004年至2011年間多次出入法院，梅啟明亦在旁邊傍實。

梅媽怒斥梅啟明「財迷心竅」，更被激到血壓急升不適入院。

梅媽在2022年2月更登報與梅啟明斷絕母子關係，梅啟明隨即開街頭記招，指摘是姪仔梅柏麟在背後操縱事件，又呻每月只得2萬元零用錢。

梅啟明指梅媽每個月有25萬元，但只給他2萬元。

梅啟明被指未離婚搭上泰籍女友May May，早前透露將擺喜酒結婚。

梅啟明指曾因為見不到媽媽而到警署備案。

梅啟明表示打算結婚，所以想母親（梅媽）為兩人擇日及決定婚禮事宜。

潘小文揚言有梅媽錄音可對質

潘小文透露梅媽生前對梅啟明徹底心淡，源於對方屢次因貪財生事，包括不顧梅媽反對執意就電影《梅艷芳》興訟遭梅媽痛斥「財迷心竅」、帶泰國女友回家後索錢不遂，甚至擅自變賣粉絲送給梅媽的壽辰金牌兼撬鎖搜刮。潘小文表示：「帶個泰國婆返嚟斟杯茶畀梅媽，咁人哋斟杯茶咪飲囉，佢又返轉頭又要攞錢，梅媽話冇錢佢都唔信。」

對此，潘小文揚言手握經梅媽同意錄下的錄音，以備日後隨時對質，並隔空警告有意接案的律師「記住收晒錢先好做嘢，佢根本冇錢」。她更痛揭梅啟明過去欠下的爛攤子險令梅媽破產，最後全靠姪仔出錢找數，怒轟姪仔「30幾就嚟40歲，為咗照顧阿嫲連拖都唔敢拍」，梅啟明卻風流快活還反過來欺凌姪輩，因此強硬表態：「我撐硬啲細路，你唔好再蝦啲細路！你老母已經唔想認你呢個仔，所以你可以慳啲，收X啦你！」