肥媽數梅啟明呃錢惡行 靠梅艷芳開狗場擸盡抗癌會善款 痛心阿梅做搖錢樹：瞇埋眼仲搞你

已故天后梅艷芳母親覃美金（梅媽）於8月30日離世，隨即引發梅家新一輪遺產與喪禮主辦權爭奪風波。被外界戲稱為「遺產界KOL」的長子梅啟明高調宣稱將以兒子身份主理身後事，並揚言動用梅艷芳信託基金為母「風光大葬」；然而，梅媽生前好友潘小文透露梅媽早立遺囑並將身後事全權交由孫兒處理，其妻Joey亦公開怒轟梅啟明涉重婚且逼得梅媽生前入院躲避、毫無資格主理喪禮。對此，肥媽（Maria Cordero）昨日（31日）於YouTube節目《娛樂好好玩》中痛斥梅啟明是徹頭徹尾、一心只想索取遺產的「敗家仔」，多年來生活開支都依賴媽媽及妹妹，如今二人都已離世，仍不放過先人：「瞇埋眼仲搞你！」她亦直言梅媽百歲離世對老人家而言是一種解脫，終能擺脫長年被苛索金錢的困擾。肥媽在節目中更談及梅啟明多年來借做生意為名，聲稱要開酒廊、狗場問妹妹梅艷芳拿錢，不少網民都指梅啟明受訪時稱「20年來未拿過一分一毫」，說話極無恥！

肥媽斥梅啟明是徹頭徹尾的「敗家仔」

肥媽昨日在直播中狂罵梅啟明，對於梅啟明聲稱要動用信託基金一事表示：「（梅啟明）不嬲都想動呢個基金㗎啦！完全唔出奇，佢係咩人呀？阿梅在生嗰陣佢都係咁啦，又話開酒廊、日日都去呃阿梅啲錢。阿梅臨終時設立基金，但都阻止唔到佢哋咁樣（打官司），其實只係益晒啲律師。」直斥梅啟明一直想打基金主意。肥媽更狠批梅啟明根本不想靠自己搵錢：「佢成個人嘅人生就係諗點樣去攞人啲錢咋嘛，佢冇諗過自己去搵錢！」肥媽坦言梅媽百歲高齡離世是解脫，「第一，佢已經過百歲；第二，就唔使再畀呢個敗家仔無止境咁去攞錢。」她更痛批梅啟明不思進取：「佢成個人嘅人生就係諗點樣去攞人啲錢，冇諗過自己去搵錢！」

已故樂壇天后梅艷芳母親梅媽覃美金8月30日離世，享年102歲。

梅艷芳與梅愛芳都非常孝順梅媽。

梅媽與梅啟明一度被譏「遺產界KOL」。

梅媽於100歲時遭律政司司長入稟高等法院申請破產。

對於梅啟明的「孝心」，肥媽說：「不嬲都想動呢個基金㗎啦，做唔做都係想動呢個基金㗎啦！」

肥媽更嬲爆說：「佢有幾個女朋友，一陣間又話再結婚喎，跟住佢老婆走出嚟話未離婚。」

肥媽更嬲爆說：「佢阿媽嚟講就一個了斷。」

肥媽讚阿梅就好孝順。

肥媽說：「佢阿媽又係縱呢個仔縱到都黐晒線嘅。」

潘小文指梅媽因梅啟明用鎚仔打爆全屋搜刮財物，嚇到入醫院三個月。

梅媽過往與梅啟明多次出入法庭爭遺產。

梅媽曾在鬧市開記招，大呼要為阿梅之死討公道，當時梅啟明也相伴在則。

梅媽多年來用層出不窮原因，索取梅艷芳的遺產。

梅媽2009年曾申請80萬環遊世界被拒。

梅媽2004年至2011年間多次出入法院，梅啟明亦在旁邊傍實。

梅媽怒斥梅啟明「財迷心竅」，更被激到血壓急升不適入院。

梅媽在2022年2月更登報與梅啟明斷絕母子關係，梅啟明隨即開街頭記招，指摘是姪仔梅柏麟在背後操縱事件，又呻每月只得2萬元零用錢。

梅啟明指梅媽每個月有25萬元，但只給他2萬元。

梅啟明被指未離婚搭上泰籍女友May May，早前透露將擺喜酒結婚。

梅啟明指曾因為見不到媽媽而到警署備案。

梅啟明表示打算結婚，所以想母親（梅媽）為兩人擇日及決定婚禮事宜。

梅啟明疑借喪禮攞錢 吳家樂：cap埋最後一轉

談及梅啟明複雜的私生活與家庭關係，肥媽氣憤表示：「佢有幾個女朋友，一陣又話再結婚，跟住老婆走出嚟話未離婚，都唔知邊個先係老婆。」主持吳家樂亦提到梅媽早已登報與他斷絕關係，據悉母子已近兩年未有見面。肥媽說：「你見親都係攞錢啫，《梅艷芳》嗰套戲，人哋夠畀咗錢梅媽啦，即係個copyright嗰度，佢咪又係告阿梅媽，因為佢諗住佢有份㗎嘛。佢成個人嘅人生就係點樣去攞人啲錢嘛，佢冇諗過自己去搵錢。係嘛？而家佢阿媽死咗喇，咁佢又要去攞喇。有陣時生到咁嘅仔，真係算啦，係嘛？一個鼎爺個大仔，一個佢，係嘛？你咪算啦，佢鍾意搞咩咪搞咩囉，佢搞唔到嘅，做吓善事好過啦！」

根據梅艷芳當年的遺囑安排，信託基金在梅媽離世後，剩餘資產將全數捐贈給妙境佛學會，意味著糾纏逾20年的遺產風波在法律層面上已正式落幕，梅啟明亦宣告「斷糧」。主持人吳家樂與鄧兆尊指出：「如果係咁，佢以仔嘅身份應該郁唔到個信託基金，所以佢咪想用最後方法搞個『風光大葬』，喺中間cap水，連帛金都cap埋，盡量cap埋最後一轉。」肥媽隨即附和：「理得佢帛金、黑金、黃金定乜金呀，有得cap得就cap啦，係嘛？真係㗎，即係佢一生就係去點樣去將呢三個女人，嗰兩個家姐加留埋阿媽，去點樣去煠佢啲錢，當搖錢樹咁搖出嚟之嘛。」

梅艷芳曾助成立抗癌協會 肥媽痛心善款遭吞佔

肥媽坦言自己看着梅艷芳成長，對於梅艷芳生前死後的遭遇感到既心疼又憤怒。她回憶梅姐當年非常孝順，但梅啟明屢次借妹妹名義騙財：「嗰時佢阿哥用阿梅姐個名，話開狗房又開乜，去呃阿梅啲錢。呃咗幾次後被阿梅發現就唔再畀佢，淨係畀梅媽。但梅媽又縱呢個仔縱到黐線，阿梅明知梅媽私下接濟佢都無可奈何。」

梅媽早年曾成立「世界中西醫學抗癌協會」，梅艷芳不僅出錢出力捐出數千萬元並擔任名譽主席，肥媽與一眾圈中好友亦現身義唱籌款。未料辛苦籌得的善款最終落入梅啟明手中，肥媽痛斥：「呢個男人一世做嘅嘢就係諗辦法點去呃人，借梅媽同阿梅個名出嚟呃錢。嗰陣阿梅好慘，雖然真係登報宣布唔認呢個阿哥，但都無用，瞇埋眼佢都仲會搞你。」

梅媽2011年被終審法院裁定敗訴。

梅媽與梅啟明在中環匯豐銀行開記者會聲討。

電影《梅艷芳》為梅艷芳傳記電影，2021年11月上映，票房大收6206萬。

梅啟明於2021年突然入稟高院控告安樂的電影《梅艷芳》侵權。

梅媽與梅啟明因電影《梅艷芳》侵權問題反目。

梅媽的兩個女兒梅愛芳（左）與梅艷芳，分別於2000年、2003年離世。

梅艷芳的遺產除供養母親梅媽外，還預留讀書基金給胞姐梅愛芳的兩名兒子、兄長梅德明的兩名女兒。

梅媽育有兩子兩女，有指梅媽一向重男輕女。

梅艷芳四歲半時已與胞姊梅愛芳出來演唱。

​2014年，梅艷芳二哥梅德明患上喉癌，終在2015年離世。 ​

梅媽早已抱孫。

梅媽原本可享兒孫福。

梅媽2022年登報與兒子梅啟明脫離母子關係。

梅媽兩年半來一直拒見大仔梅啟明。

「梅媽」覃美金榮升人瑞時，收到由「勞工及福利局局長」致送祝壽賀函和賀卡。

梅媽在家中慶祝100歲生日。

梅媽早已過100歲。

梅媽曾多次上訴，想從信託公司取回梅艷芳全部遺產。

「梅艷芳國際歌迷會」今年初曾在IG分享一段梅媽的賀年祝福影片。

梅啟明昔日開狗場欠債 兄妹反目成爭產導火線

梅啟明於90年代末曾向梅艷芳借款在元朗開設狗場，其後他赴美發展導致生意失敗兼欠債，爛攤子全由梅媽收拾。梅艷芳深知母親理財習慣，離世前特設信託基金嚴控每月生活費，卻因此引發兩母子長達十多年的爭產官司。

在當年的遺產訴訟中，梅艷芳契媽、嘉禾集團創辦人何冠昌的遺孀何傅瑞娜曾作供指出，梅艷芳當年曾資助200萬至300萬港元給兄長經營狗場，但他仍以母親作擔保人借貸；狗場倒閉後，梅艷芳為免母親受債務牽連，無奈墊支上百萬港元為其「填氹」，深感被騙的梅艷芳自此與兄長關係徹底疏離。

不過，梅啟明多年後受訪時全盤否認虧損數百萬的指控，反指外間造謠。他聲稱當年僅向梅艷芳借了30萬港元，之後赴美將狗場全權交由梅媽打理，並將虧本責任推給梅媽搞得一團糟；梅啟明更堅稱妹妹生前對他並無怨言，甚至反駁稱「係佢欠我太多」！