教大Ocamp性侵案｜被告稱其前度均是「靚女」 「唔需要非禮啲咁普通嘅女仔」

28歲男學生涉在大學迎新營等地非禮、強姦及偷窺共5名女子，他否認5罪受審。他被指參加教大遊戲學會迎新日後，在私家車內非禮女學生。他在錄影會面時否認曾觸摸對方大腿及胸部等，他稱不會「手都未拖就摸大髀、強吻」，重申「我唔會無啦啦去摸人大髀」，又指「我以前拍拖嘅女仔都係靚女，唔需要非禮啲咁普通嘅女仔」。被告又稱「咁多單case（案件），我都𢲷晒頭」，不明白多名女事主為何要指控他性侵。

現年31歲男被告Y.L.H.被控3項非禮罪、1項強姦罪及1項窺淫罪。他被控於 2023年8月23日在新界某路邊私家車內非禮女子C。女事主C供稱她在用餐期間遭被告觸摸膊頭及背脊，被告駕車送她回家時被告摸C手及大腿，調低椅背側身挨近C的大腿，C多次要求：「可唔可以唔好掂我」。被告要求擁抱，乘勢用雙腳用力撐開C的雙腳，以下體隔衣磨擦 C下體約3秒，C隨即表示：「我數5秒，你就自己放手」， 被告把手移向C的胸部並大力壓了一下，然後便送C回家。

被告堅稱在車上「無特別嘢」發生

控方播放被告的錄影會面片段，被告指他在2023年8月22日參加教大遊戲學會迎新日（O Day），一行人其後到大埔銓仔記雞煲用餐並到太平洋酒吧飲酒，再到海濱公園繼續飲酒，被告需駕車而沒有飲酒，最終駕車送眾人離去。女事主C最後留在車上，待被告送她回屯門，惟被告表明十分疲倦，欲泊車睡覺一會兒，C同意後他泊車到汀九橋附近觀景台，兩人便在車上睡覺 。

被告堅稱「無特別嘢」在車上發生，兩人睡覺聊天後，他便載C回家。面對C指控他摸大腿及胸部、磨擦下體等，他堅決否認並指「 我唔會無啦啦去摸人大髀」，「大家無錫無攬的情況下摸大髀，根本無可能 」。他強調他不會「手都未拖就摸大髀或強吻」。

他稱沒有聽過C在車上說「可唔可以唔好掂我」、「我唔鍾意肢體接觸」兩句說話。他指出「我以前拍拖嘅女仔都係靚女，唔需要非禮啲咁普通嘅女仔」，澄清他並非人身攻擊。他另指遊戲學會「其實都有好多靚女，佢（女事主C)就真係唔算好靚」。他懷疑C 妒忌他讚其他女子「靚女」，又或C認為與他沒有發展機會，才會誣告他。

案件編號：HCCC153/2024
法庭記者：劉曉曦