獨家丨梅啟明否認貪財：20年來未拿過一分一毫 歡迎元配到梅媽靈堂對質 稱每月有畀錢兒子

已故樂壇天后梅艷芳（梅姐）的母親覃美金（梅媽）昨日（8月30日）離世，享年102歲。今日（31日）《星島頭條》獨家爆料，老婆Joey怒控梅啟明涉嫌犯下「重婚罪」，更重炮轟他背妻偷食、財迷心竅，甚至嚇死梅媽要住院避他，直指他根本沒資格處理梅媽的身後事。面對元配的連環毒舌爆料指控，梅啟明接受《星島頭條》獨家訪問時態度依然超囂張！

梅啟明冷笑反駁重婚指控

談到與泰籍MayMay有默契認定「已婚」的關係，梅啟明冷笑反駁重婚指控：「我點重婚呀？唔通噏兩句就係？我話想殺咗你，你咪仲係生勾勾喺度，乜都要講證據及分析。」他強調與Joey早已沒有聯絡，更堅稱自己從未「拋妻棄子」。他說：「以前搵幾多畀幾多，搵二萬畀二萬，唔通靠阿媽養咩？不過，而家自身難保，但每月都仍然有將4000蚊高津畀晒個仔。」他還聲稱手中握有存款收據為證。

梅啟明昨天（30日）收到梅媽離世消息，帶和泰妹二奶到醫院。

梅啟明帶同紅顏知己恩恩到場（左）。

梅啟明帶泰妹二奶見記者。

梅啟明於醫院中亦同恩恩互動。

梅啟明跟恩恩相識多年。

梅媽亦識恩恩。

梅艷芳紀念館恩恩亦有份參與。

梅啟明和恩恩並肩。

Joey指恩恩有份幫梅媽揼骨。

梅啟明和恩恩。

梅啟明內地探老人院轉攻內地市場。

近年恩恩同梅啟明拍住上返內地搵食。

Joey指梅啟明造假租約。

Joey指梅啟明造假租約，帶泰妹二奶登入室。

梅啟明跟第2任妻子Joey及兒子Richard。

Richard和媽媽相依為命。

Joey和Richard。

Joey指控梅啟明有酗酒習慣，並指梅啟明涉家暴及虐兒。

梅啟明被指向兒子家暴。

Joey(右)因為追星梅艷芳而認識梅啟明。

Joey的職業是教師，教到15歲兒子Richard品學兼優。

2012年，梅啟明到大馬宣誓跟Joey結婚。

2024年梅太Joey帶當時15歲兒子回港到灣仔警署報警尋人。

22年2月10日梅啟明曾藉醉發難。

當年一家三口在城市花園住所打邊爐。

梅啟明歡迎Joey到梅媽靈堂對質

對於Joey的指控，梅啟明火力全開反擊：「佢搞咁多嘢對個仔有影響，難聽啲都要留返啲面個仔啦，大人嘅事大人解決，我唔想個仔唔開心，呢時呢刻搞事冇意思，佢鍾意咪告囉，我天不怕地不怕，打咗20年官司點告我都習慣晒，到時法庭見。」他更拋出驚人霸氣金句：「中環匯豐隻獅子都畀我打到流埋眼淚啦！自己冇違法，行得正企得正否則唔可以企喺度。」甚至直言如果 Joey 敢來梅媽靈堂對質他也無任歡迎：「到時唔係我冇面而係佢冇面啫，我行得正企得正喎怕喎。」

至於Joey指控他「嚇死」梅媽一事，梅啟明反問：「我冇資格仲有邊個有資格？Joey受人唆擺講埋呢啲反話。當日喺街撞到被炒個看護，佢話梅媽好掛住我，叫我去見佢㗎。」他再次堅稱對得住天地良心：「個天有眼㗎，佢講嗰啲係陰質說話，夠膽講我一毫子都冇畀，係佢走路都走唔切。」

梅啟明：我點止兩個女朋友呀？

不過最搞笑的是，除了泰籍二奶May May與紅顏知己恩恩之外，當記者追問其感情世界時，梅啟明竟然口花花撩起採訪的女記者：「我點止兩個女朋友呀？仲有日本、台灣、新馬、內地，你都係我紅顏知己呀，聽你把聲掛到你不得了...」被記者提醒女朋友太多對唔住元配時，他繼續打太極避談：「我有芳芳、娟娟、美美、阿蘭...你係我第幾呀？應該係第8...各自各精彩，點都好，佢唔應該傷害到個仔，同埋𠵱家等老人家安安樂樂走埋最後一程。」最後補充恩恩是梅媽生前助理。

梅姐曾談原生家庭從不怪梅媽：冇得怨？

覃美金（梅媽）幼女是已故天后梅艷芳。

梅艷芳離世後，梅媽與長子曾為梅艷芳的遺產分配問題，打過多次官司。

梅艷芳成為天后，令全家告別清苦日子。

梅艷芳參加第一屆「新秀歌唱大賽」憑雄厚實力一舉奪冠爆紅。

近年梅艷芳的家事仍是大眾焦點。

有梅姐的歌迷在Threads發文，分享一段梅艷芳生前剖白原生家庭的訪問片段。

在該段昔日的電視訪問中，主持人鄭裕玲問梅艷芳有否因自小出入歌廳賣唱、被剝削童年而怨恨母親。

梅艷芳坦言：「其實冇得怨㗎！我覺得人人生出嚟，個個條命係咁就係咁㗎啦……」

梅艷芳表示不會羨慕含着金鎖匙出生的人，更不會因此怪責母親，因為這並非母親所願。

梅艷芳說：「如果我怨我媽媽……係一件唔公平嘅嘢，因為唔係佢想㗎嘛。要怨就怨天啦，點解派咗你落嚟，冇辦法㗎！」

梅艷芳明白梅媽並非幸福的婦女，因此好體諒母親當時丈夫已離世，獨力撫養四個子女的艱辛。

對於輟學賣藝，梅艷芳坦言當時並不覺得苦，更樂在其中。

梅艷芳雖然非常關心及掛念家人，卻是個不懂表達情感的人。

梅艷芳表示甚少主動聯絡家人。

張國榮說：「阿梅係錫屋企人到……我希望佢屋企人知囉……」哥哥簡單直接的一句話，似乎道盡了他對梅艷芳的了解與心痛。

不少網民在影片下留言，感嘆：「哥哥一語道破」、「最了解梅姐的人是哥哥」，認為張國榮一早就看清梅姐家庭的複雜情況。

隨著梅媽離世及梅啟明的爭產風波再起，這段影片再次觸動網民心緒。

梅啟明不滿被指貪錢

而有關梅媽的喪禮安排有否聯絡姪仔，他指涉及法律程序很多都不便透露，他澄清並非自己告人，是要先經過死因庭，法醫出死亡證後才安排到。至於梅媽早已立遺囑的說法，梅啟明拒談，交由律師處理。梅啟明更發牢騷不滿被報導指為錢，強調若為錢就不會等到這刻，20年來未拿過一分一毫，現在自己是想揭黑幕。