香港小姐2026決賽丨泳裝辯論爆笑彈11號顏懿菲撐搞「大灣區小姐」 9號周芳姿「爆肚」父親係港姐贊助
香港小姐2026／港姐2026／香港小姐2026決賽丨TVB選美盛事《2026香港小姐競選》決賽於今日8月30日晚上8時隆重舉行！《星島頭條》將不斷更新現場盛況，今晚12強佳麗在泳裝問答環節進行問答Battle，展現眾佳麗美貌與智慧，以及急才一面。當中以2號李澤欣（Scarlett）與11號顏懿菲（Agnes）辯論題目「香港小姐競選應不應該改為四年一次？」以及4號譚雅文（Tiffany）對9號周芳姿（Gracia）的「接龍」題目，最為精彩。
2號李澤欣撐港姐四年一屆才卸任
在泳裝的問答環節上，今年以兩位佳麗進行辯論。2號李澤欣與11號顏懿菲在香港小姐競選應不應該改為四年一次？」2號李澤欣先以正方作出支持，力挺港姐應該四年舉辦一次。2號李澤欣認為會令比賽變得「難能可貴」，勢必吸引更多高質素的女性踴躍參賽，還打趣表示若四年一屆，自己若當選，就可以「履行義務長達四年」。
11號顏懿菲撐搞大灣區小姐
作為反方的11號顏懿菲認為一年一屆才能持續吸引女性參賽：「我就覺得你咁講唔啱啦。當然係要一年一次先可以吸引咁多嘅女仔嚟參加嘛。不如我哋可以將個比賽擴大，變成『大灣區小姐』，咁可以有更加多人參加同埋更加多經費囉。」2號李澤欣即展現高情商與急才，認同香港作為國際大都會，本身就包容各區女性，內地大灣區的佳麗現在同樣可以來港參賽，巧妙化解攻勢。
2號李澤欣反對訓練四年剝奪機會
二人亦被要求對調正反方，11號顏懿菲原本反對四年一屆，即指四年舉辦一次會像舉辦奧運會（Olympics）一樣隆重。11號顏懿菲更提出破天荒構思：「Train翻啲佳麗好似 train athletes（運動員）一樣，train到佢哋好fit，然之後嚟比賽先精彩嘛。」但2號李澤欣則反對，因為用四年時間去訓練：「其實是剝奪其他女性嘅機會。」
而4號譚雅文對9號周芳姿要用「接龍」對戰，兩人在台上大發揮創意，更將接龍演變成一齣結合「靈異、警匪、尋親與選美」的故事。「接龍」題目以「為選港姐著 Bikini 導致三日三夜無進食」展開。4號譚雅文最初表示因為沒有進食所以在街頭暈倒，9號周芳姿卻爆出：「因為我出街暈咗喺地，所以我返屋企搵咗媽咪。」
4號譚雅文「接龍」注入靈異元素
4號譚雅文接著注入靈異元素：「因為我返咗屋企搵媽咪，媽咪嚇親，唔知道我個身體喺邊度，因為淨係我個靈魂返咗嚟。所以媽咪即刻打電話報警。」由於兩位佳麗想像力豐富，講到報警後到警署錄口供，意外撞見失散多年的爸爸。9號周芳姿爆出：「因為我哋搵到Daddy，所以（發現佢）係香港小姐嘅sponsor（贊助商）！」震驚全場，引發笑彈。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
