港超聯｜王至尊地標上陣 醞釀簽入西班牙球星 盼以星級元素延續熱度
至尊沙田周五晚於旺角大球場出戰港超聯榜首大戰，最終以0:3不敵理文。不過，今場比賽吸引接近4600名球迷入場，創下今季港超聯單場入場人數新高；賽事尾段，至尊沙田班主兼球員王至尊後備入替受傷的羅梓駿，完成個人港超聯地標戰，成為全場焦點之一。
王至尊賽後形容，能夠在逾4600名球迷面前踏上港超聯舞台，令他十分感動和開心。他說：「真係好多謝球迷，令到我哋場上嘅球員好似有主場一樣。雖然比數唔好睇，但場面上我哋都有機會。無論對球會、香港足球，甚至係球迷之間嘅團結，大家今日嘅出席，都令我覺得一直以來嘅付出同努力係值得。」
王至尊亦指出，旺角大球場的入場數字反映本地足球仍具吸引力，球會需要把握機會，繼續維持熱度：「今場有接近4600人入場，對香港足球嚟講係一件令人印象深刻嘅事。下次返到主場，我哋要繼續努力保持熱度，呢個工作需要每一個人去做，包括傳媒同球會。」
地標短暫上陣：「唔係企喺度掟界外球嘅老闆」
談到在比賽末段入替的感受，王至尊坦言港超聯的節奏與強度明顯更高，但認為自己已作好準備，希望以勤力彌補差距。他表示：「我都有練足、操足，有距離係正常，但我會用勤力去補救。短短幾分鐘，大家都見到我係跑緊，唔係一個企喺度掟界外球嘅老闆。我希望大家見到我係認真對待落場呢件事。」
他續稱，球隊在季前熱身賽曾與傑志及北區交手，已有一定心理準備，但正式賽事的比賽節奏仍然「快好多」。他笑言，自己今季以入一球為目標，距離退役仍然非常遙遠：「今日掂到個波半下，所以距離退役仲有一段非常遙遠嘅距離。」
爭取深水埗作賽 下周公佈嘉賓消息
至尊沙田原定主場安排亦備受關注，由於沙田運動場仍在執修中，根據賽程下場賽事，至尊沙田應在斧山道運動場迎戰高力北區。但王至尊透露，球會正研究能否改用交通更方便的場地，希望提升球迷入場的便利性，當中包括爭取使用深水埗運動場。「我而家仲同足總討論可唔可以換場地，因為我覺得斧山道對部分球迷嚟講比較偏僻，所以希望爭取交通更方便嘅場地，例如深水埗。」王至尊表示，球會會繼續透過多元化宣傳和活動吸引球迷，並預告將於下周一公佈嘉賓消息，希望為球迷帶來驚喜。
曾接觸馬達未果 西班牙「21號」中場有望加盟
除了場地及宣傳部署，至尊沙田亦正積極研究引入具知名度的球員，協助推動球市。王至尊證實，球會曾與前西班牙國腳、曼聯球星馬達接觸，對方亦曾提出報價，但最終因馬達另有安排而未能成事。
不過，他透露球會已與另一名西班牙球員接近達成協議，並暗示該球員曾穿21號球衣，預告該名中場有望在未來兩個月內亮相：「我哋一直研究點樣請多啲星級球員，未必淨係計入座率，而係希望令球迷每個星期都有值得期待嘅事。第二位球員基本上已經傾好，希望兩個月內大家會見到佢出場。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
