戴祖儀拍驅魔劇撞正盂蘭節遇怪事 收音沙聲mon開唔到 晒木村同款名錶出活動「見世面」

無綫（TVB）小花戴祖儀（Joey）今日出席鐘錶展活動，為大會擔任主持介紹一系列腕錶。訪問時談及拍攝《驅魔速遞》進度，她表示拍攝如火如荼，每日都通宵拍劇，拍完劇又接着出席其他工作，十分享受。正值農曆七月，她大爆拍攝時遇上「意料之外」的探班！爆料披露：「收音沙沙聲，個mon又開唔到。」

TVB小花戴祖儀工作算多。

今日出席鐘錶展活動。

戴祖儀戴木村同款名錶出錶展。

諗住戴嚟見吓世面。

木村戴過的經典款。

戴祖儀有收藏名錶習慣。

名錶展中Joey為大會擔任主持介紹一系列腕錶。

戴祖儀開完通宵直踩活動。

戴祖儀為拍劇放棄睡眠激瘦。

戴祖儀日以繼夜拍新劇。

戴祖儀為拍劇放棄睡眠激瘦

戴祖儀近日開工時間較長，每日和周嘉洛、陳曉華、吳偉豪等朝夕相對：「通宵拍到早上8點，再趕到鐘錶展活動見大家，之後又馬不停蹄繼續拍攝，所幸連續開工有捱壞身體，更意外減到磅。」她表示自己身體瘦了又有活力：「放棄睡眠之後，大家讚我瘦咗，所以我係唔deserve瞓覺，再見喇睡眠！多謝媽咪畀咗一個咁有活力嘅身體我，底子唔差。」自言「捱」多一個月多就完成拍攝。

周嘉洛「特異功能」隨時瞓 

說到拍攝《驅魔速遞》的花絮，戴祖儀笑言四位之間會互影「黑圖」，指合作期間發現了周嘉洛有隨時隨地可以睡眠的「特異功能」：「我哋每一次都會捕捉佢瞓着覺，然後影佢相。（咁咪好多黑圖？）我都老貓燒鬚嘅，有時返上車瞓覺，佢哋都影唔少。」更笑住預言可能會在日後，公布劇集收視創新高時公開「黑圖」。

盂蘭節拍驅魔劇有陽氣包圍唔驚

她也透露，正值農曆七月拍攝《驅魔速遞》遇上奇怪事。她說：「會發現收音『沙沙聲』，突然之間個mon着唔到嘅情況，跟住walkie冇人撳又會『sha sha sha』好似有聲出，唔多唔少有呢啲科學解釋唔到嘅現象。」記者提醒「紅色頭髮」不吉利，她回答：「唔驚，噚日正日14號，我同一大班男人渡過天光，喺陽氣包圍下渡過成晚，我唔驚！我都好感恩，畀機會我同咁大班男人渡過。」

戴祖儀戴木村同款私伙錶見世面

當日戴祖儀戴着一隻木村拓哉同款私伙手錶，說：「我個人粗心大意，冇乜戴錶，今日諗住戴嚟見吓世面。（唔係有隻35萬Daytona？）你哋講啫，邊有？」她又自爆擁有一隻與入行年份一樣的名錶，但只打算收藏：「心目中咁有紀念價值，會儲住佢。」