鄒凱光、余迪偉、阿Bu新Talk騷疑滯銷  狂喝粉絲買飛：唔買遭天譴  網民斥情緒勒索食相難睇

由知名媒體人鄒凱光、余迪偉及阿Bu聯手舉辦的全新Talk Show《膠級大人》，原定於10月在旺角麥花臣場館上演6場，門票現已公開發售。然而，近日三位主持在自家節目直播中一段推銷門票的影片在網上瘋傳，因其過激的促銷言論及對待粉絲的態度，引發了大量網民不滿，直指其「食相太難睇」。

直播喝粉絲買飛

在該段引發爭議的直播影片中，三位主持接聽了一位名叫Ceci的聽眾電話。當Ceci表示自己10月可能不在香港，因此無法確定是否能出席時，三位主持非但沒有體諒，反而連珠炮發式地催促她先買票。

鄒凱光、余迪偉、阿Bu新Talk騷於10月舉行。

鄒凱光、余迪偉、阿Bu被指喝聽眾買飛。

鄒凱光問「點解你十月唔喺香港？」。

鄒凱光狂叫「快啲買啦」。

余迪偉發表「遭天譴論」。

網民開帖不滿鄒凱光、余迪偉、阿Bu。

網民不滿鄒凱光、余迪偉、阿Bu不尊重Fans。

網民不滿鄒凱光。

網民怒轟三人食相難睇。

網民疑想退飛。

網民指聽到三人言論感覺「唔舒服」。

網民指「證明之前啲騷唔好睇」。

網民不滿鄒凱光、余迪偉、阿Bu次次情緒勒索。

網民指鄒凱光、余迪偉、阿Bu「谷飛谷到癲咗」。

網民認為買飛人士「畀錢買難受」。

余迪偉：唔買飛遭天譴

阿Bu首先表示：「買咗先啦！然後唔好嚟吖嘛」，鄒凱光隨即附和：「點解你十月唔喺香港呀？」，余迪偉則建議，即使Ceci本人來不了，也可以「畀朋友嚟囉」。當Ceci猶豫時，阿Bu就指「張飛唔使畀人」，似乎暗指即使最後空出坐位都冇所謂，鄒凱光再不斷怒喝「快啲買啦」，余迪偉就表示「你話買呀，唔買遭天譴」，這種「收錢至上，觀眾次要」的態度，令大批網民感到震驚和憤怒。

網民Threads發長文炮轟

事件迅速在社交平台Threads上發酵。一位長期支持者的網民發表長文，細數對三位主持的不滿。她表示，自己從三人「入坑聽三位阿叔講嘢」開始，一直默默支持，即使在節目主題、內容都未公佈的情況下，依然次次買票支持他們的Talk Show。

網民感覺缺乏尊重

然而，她指出現時的賣票方式已令人難以忍受：「次次開live都好似喝人買飛咁」、「優先買飛仲要次次都限只可以買最貴嗰兩個價位」。她認為三人的「食相真係有啲太肉酸」，讓粉絲感覺「嘥聽眾錢就好，你搞show蝕錢就唔好」，完全沒有被尊重。該網民坦言，知道他們「賣唔到飛有壓力，但唔係咁講嘢囉」，而「唔買飛會遭天譴」的說法更令她心灰意冷，決定「退埋訂囉」，直言「再見喇三位阿叔」。

網民指刷新三觀

另一位網民也發帖怒轟「刷新我三觀」，直指「我第一次聽一個表演者叫人畀咗科水之後可以唔使嚟睇」，認為這種「淨係要錢，就算個場無人，無問題，我有錢收就可以」的說法，完全不尊重買票的觀眾及其他幕後工作人員，更批評這種行為「無一個有heart嘅表演者會咁講嘢」。

網民批情緒勒索

相關帖文引起大量網民共鳴，留言區湧現一面倒的負評。不少網民認同三人的行為「食相好難睇」，並表示「畀錢買難受」。有網民指出這已非首次，批評他們「次次都係情緒勒索式賣飛」，而且連演出名稱和內容都未清楚就要人買票，做法離譜。

網民：買完飛想退

更有已經購票的粉絲表示後悔，留言「買左想退」，但其他人回應指「買咗就好好enjoy吧，反正無得退」。亦有網民認為，銷情不佳可能與過往的演出質素有關，直言「證明之前d show唔好睇，否則d觀眾會keep住買」。整場風波，似乎已嚴重影響了三位主持及Talk Show的公眾形象。