港姐2026丨盧蔚晴Threads洩賽程唔怕扣分 預告決賽繼續打碟 李澤欣公開戀情人氣跌唔後悔 魏欣直言想自己贏

《2026香港小姐競選決賽》將於8月30日晚（星期日）舉行，12位候選佳麗今日會晤評判，6號盧蔚晴、5號魏欣和2號李澤欣同為「香港小姐網絡人氣榜」頭幾位，暫居第一的盧蔚晴說：「網絡同現實有啲差距，我覺得喺網上面展現真性情就會多人睇。（有冇信心？）走唔甩，有嘅有嘅。」早前着低胸衫打碟備受批評，她回答：「批評咩？我覺得着咩衫都係想展現自己，低胸衫都冇所謂，最緊要係由內至外展現自信嘅話就會得到支持同信心。」她也謙虛回答，自己身形不及魏欣，但一樣有自信。

6號盧蔚晴、5號魏欣和2號李澤欣同為「香港小姐網絡人氣榜」頭幾位。

6號盧蔚晴笑得幾甜。

6號盧蔚晴、5號魏欣和2號李澤欣是大熱鬥佳麗。

李澤欣公開戀情人氣跌唔後悔。

魏欣大讚盧蔚晴健康美。

12位候選佳麗見評判。

李澤欣用最真摯笑容吸引謝天華。

魏欣直言想自己贏。

盧蔚晴Threads洩賽程冇訓話。

10號陳梓穎

11號顏懿菲

12號湯家琳

盧蔚晴Threads洩賽程冇訓話

早前6號盧蔚晴在Threads上向網民求救，希望大家提供笑話，卻不小心透露了節目後續的賽程。她也回答：「好似係呀，唔緊要啦。（工作人員有訓話？）冇呀，你哋唔寫就冇發現。（怕唔怕扣分？）應該冇事嘅。（才藝表演會不會收斂？）改服裝定打碟？（會再低胸啲？）嘩，低到落肚臍窿啦喎。我會繼續打碟嘅。期待30號啦，唔知會唔會繼續打碟。」

魏欣大讚盧蔚晴健康美

5號魏欣直言盧蔚晴身材也很好：「我覺得佢身材好好，腰圍差唔多。係一個健康美。（有冇信心贏？）我覺得邊個都好，無論邊個贏都會恭喜，自己贏就恭喜自己。（想自已得獎定其他人？）想自己得獎，但係邊個得獎都係實至名歸。」

李澤欣用最真摯笑容吸引謝天華

2號李澤欣早前公開拍拖後，人氣減弱了不少。訪問中，她表示不後悔公開戀情。她表示認得「最上鏡小姐」評判「Laughing哥」謝天華，表示「好細個睇過」，並謂會用「最真摯嘅笑容」吸引他的注意力。