Gin Lee李幸倪生日會自爆「失蹤」真相 預告9月概念碟強勢回歸

李幸倪（Gin Lee）昨日舉行「GLFC歌迷會限定 GIN LEE 李幸倪《READY FOR》生日見面會」，與一班「GLFC」歌迷提早慶祝今個月26日的生日。話明是歌迷會限定，每位參加的Fans都手持「READY FOR GIN LEE 李幸倪 LIVE IN HONG KONG 2026『限量專屬編號』· 珍藏版藍光碟套裝」，而這套光碟外面有錢都買不到，絕對是fans專屬的珍藏。

李幸倪生日會歌迷限定藍光碟

Gin一現身，全場即刻尖叫聲不斷，她首先多謝大家一直以來的支持，「多謝你哋睇我演唱會，同埋多謝你哋買呢隻Blu-ray呢個特別版，呢個特別版喺出面絕對係買唔到，only for GLFC，希望你哋感受到我呢份誠意。多謝你哋今日出席。」提到這個特別版藍光碟套裝，她指製作過程不簡單，「裏面見到好多嘅小心思，每次都係會諗fans鍾唔鍾意呢？收到會唔會開心呢？所以我哋改咗好多次設計，就係希望你哋會感受到呢份誠意。」之後全場一齊坐定定，重溫演唱會的精彩時刻。

Gin Lee昨日舉行「GLFC歌迷會限定 GIN LEE 李幸倪《READY FOR》生日見面會」。

壽星女好歡喜。

蛋糕上面更有Gin演唱會造型公仔，十分精緻。

李幸倪將第一個願望送給歌迷。

李幸倪生日會歌迷買到限定藍光碟。

她衷心祝每一位fans身體健康、生活愉快、好平安。

她笑着說聽聞有三個願望，剩下的兩個就留給自己靜雞雞許。

即場簽碟。

鐵粉準備了合照簽名。

李幸倪將第一個願望送給歌迷

去到生日會重點環節，當然不少得切蛋糕！蛋糕上面更有Gin演唱會造型公仔，十分精緻。全場歌迷一齊大合唱生日歌，Gin就合埋眼許願，講到生日願望，Gin就話：「我每一年同Fans一齊過生日，我都會將我第一個願望送俾每一位同我一齊過生日嘅Fans，就係你哋，我喺度好衷心祝每一位身體健康、生活愉快、好平安、每一日都會感受到好多嘅愛、同埋每一日都會好幸福，呢個係我送俾大家嘅第一個願望。」說完後，她笑着說聽聞有三個願望，剩下的兩個就留給自己靜雞雞許，場面搞笑又溫馨。

李幸倪大爆好消息

Gin又分享近況，自言之前「失蹤」了一陣子，其實是到不同地方工作及做歌，還大爆好消息，「好快應該9月頭會有新歌，係好refreshing嘅一首歌，大家可以期待吓啦，同埋呢首新歌會係我新碟、一隻概念專輯嘅第一隻歌，所以係全新嘅一個concept，感覺亦都會係一個全新嘅階段。」並叫大家拭目以待。來到生日會尾聲，Gin逐一跟歌迷簽碟、傾偈及合照，超級寵粉！