住康城真係咁差？ 街坊力數4大優點平反堆填區污名 嫌港鐵班次太疏？ 教路落樓前「做多一步」即刻有車｜Juicy叮
將軍澳日出康城一直被網民標籤為「堆填區」兼交通不便，真實居住環境真係咁差？近日有康城街坊站出來大平反，力數區內4大優點打破大眾污名。面對外界批評康城站港鐵班次疏落，街坊還親自教路，指出只要落樓前「做多一步」，落到月台一樣可以即刻有車搭。詳情見下圖及下文：
住康城真係咁差？ 街坊力數4大優點平反堆填區污名 嫌港鐵班次疏落？ 教路落樓前「做多一步」即刻有車逐張睇↓↓↓↓
樓主：點解咁多人對康城印象咁差
在康城居住幾年的樓主日前（20日）在社交平台 Threads發帖，大嘆不明白「點解咁多人對康城印象咁差」。
樓主指出，許多人至今依然將康城標籤為「堆填區」，但事實上部分堆填區已經停用多年，仍然使用的現在只用作擺放建築廢料，根本「冇味（沒有臭味）」。
面對外界的負評，樓主與一眾同區街坊留言力撐康城，有人大讚「講得中肯，住咗咁多年習慣咗」，並親自總結出日出康城的「4大優點」，力證該區其實非常宜居：
優點一：預好時間出門 地鐵即刻有車
最受爭議的交通問題，樓主承認確實不及市區方便，但認為「更山旮旯嘅地方都大把」。他解釋，雖然港鐵康城站的班次較疏，但只要預好時間出門，落到月台依然可以即刻有車。
有居住5年的街坊大表同意，指出上下班繁忙時間的康城站其實是大約6分鐘一班車，更大讚「朝頭早搭車返港島區勁快，自從多咗條橋（將藍隧道），搭的士出九龍又好快」。此外，樓主還指，區內的單車徑網絡非常 developed（發展完善），踏單車就能直達將軍澳市中心及調景嶺，而且自己駕車出港島及九龍也非常快捷，直言住下來「唔覺呢度係咁差」。
優點二：全純私樓社區 環境年輕優美
不少同區街坊直言：「住邊都有人覺得唔好㗎啦，但康城自問住咗幾年好舒服」，更有街坊霸氣反擊：「康城真係好住，環境靚！全部都係私樓，唱衰康城啲人真係不知所謂」。網民亦中肯評價指康城鄰居大多是年輕人，大讚「幾好幾舒服，整體好年輕」。
優點三：通道設計完善 打風落雨唔使濕身
街坊同時大讚康城地方整潔，最重要是屋苑的通道網絡設計得十分完善，日常出入「落雨打風唔使濕身返到屋企」，大大提升了居住的舒適度。
優點四：生活配套齊備 樓下商場滿足所需
對於生活配套，街坊分享自身體驗指超市的貨品「平咗好多」。遇上放假完全不想外出時，「都可以樓下商場行吓食吓嘢，又可以去會所玩，得閒鍾意又可以踩吓單車，出 Popcorn（商場）將南又可以去吓公園」。大家一齊努力過好自己的生活，實在「唔明點解要咁樣畀人追擊」。
人流與寵物衛生惹關注
雖然街坊極力護航，亦表示完全不覺得有臭味，但坦言唯一的缺點只是「越嚟越多人」。除了每次下班在康城站拍卡出閘都要排長龍，直言「驚咗」之外，有人亦感嘆「一出地鐵就同人逼電梯，其他嘢暫時都還好」。
此外，寵物衛生亦惹來關注。有人忍不住批評「係好多狗屎啫真係」，甚至有人投訴一落樓就「成街屎尿味」。不過，有網民指出，康城本身就是允許飼養寵物的地方，清潔方面必定要做得多些，這其實是管理公司的責任問題，不需要一面倒責怪狗主。
資料來源：9378ngta＠Threads
相關閱讀：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
