帶埋阿媽結婚？ 港男拒留客房畀外母過夜 自爆「供樓內幕」惹全網圍剿 網民反嘲：你畀晒咪有話事權囉｜Juicy叮
結婚難道要「帶埋阿媽」？有港男因不滿女友堅持在新居預留一間客房，方便未來外母偶爾過夜及煮飯，本想發文求教網民說服女友的方法。豈料在他自爆「供樓內幕」後，隨即惹來全網圍剿，更有網民不客氣地反嘲：「你層樓自己畀晒錢，咪有絕對話事權囉！」詳情見下圖及下文：
帶埋阿媽結婚？ 港男拒留客房畀外母過夜 自爆「供樓內幕」惹全網圍剿 網民反嘲：你畀晒咪有話事權囉逐張睇↓↓↓↓
樓主：女友自小喪父
樓主昨天（21日）在社交平台 Threads發帖，表示與女友買了3房單位準備年尾結婚。商量新居規劃時，女友提出「想將來間屋留間客房畀佢阿媽」，原因是擔心兩人日後「冇時間煮飯、唔識照顧自己」，希望母親能上來幫忙煮飯，甚至「間唔中過夜」。
樓主補充，女友自小喪父，與母親「關係非常 close（親密）」，但他內心卻十分抗拒，認為搬出來就是「想有自己嘅空間」，而且香港寸金尺土，沒理由刻意留一間房，直言「自問覺得搬得出嚟，就係要學識自己照顧自己，邊有得仲叫阿媽上嚟照顧你。」並一再表明心跡「依家係輪流去對方屋企過夜，佢媽咪其實都好相處嘅，只係覺得冇必要唔使住埋一齊。」
自爆「供樓內幕」惹圍剿
樓主曾與女友多次溝通無果，於是發文求助。豈料樓主在文章末段備註的一個細節，意外成為全場焦點。他透露這層樓的首期有一半是由其家人支付，雖然目前是兩人一起供樓，但業權卻「落咗我名」。樓主強調，不想因為業權問題就強迫女友聽命於他，畢竟大家是一起居住。
就是這個細節觸動網民神經，當場質問：「點解女方有份供樓，但層樓又冇佢名？」網民指出，女友與母親相依為命，唔捨得一定有，批評樓主想法自私：「你成篇文有邊個位係想過女友？又要女友畀錢，女友連個媽都照顧唔到，你好似搵緊你女友的笨。」反諷：「不如你自己一個供晒，咁佢冇得揸主意，你話事」、「唔使女友供，你畀晒，直接唔畀整客房，完。」
網民：撞正女媽寶
除了業權爭議，網民提醒，兩母女感情深厚，樓主必須有心理準備「外母有一日一定會同住。如果你接受唔到，就考慮分手啦」。
不少網民更斷言「你撞正女媽寶，完」，並估計這是女方預先規劃好的藍圖：「放心啦，睇個勢，已經 plan（計劃）好晒，一定會搬入嚟住。」
網民：相見好同住難 易請難送
網民提醒「相見好同住難」，並以過來人身份提出「易請難送」的警告。網民指出，如果樓主不想二人世界的生活被破壞，必須認真傾清楚，否則一旦讓未來外母進來，她很快就會放置自己的私人財物，等同宣告「間房係佢」，屆時大有機會由偶爾住幾天演變成正式長住。
放摺床安撫心理
不過，也有網民為雙方提供折衷的「打和」方案。有人推測，這間客房可能只是新娘子的「一個心理關口」，用作安撫兩母女即將分離的焦慮，並非真的有實際同住用途。
網民建議將房間設計成一半書房，配以功能性摺床或變形傢俬，「摺床唔使預咁多位，舒適度只係適合間唔中上嚟瞓下」，這樣女友既能安心，樓主也不會覺得空間被霸佔。
網民以毒攻毒 問女友「咁我阿媽住邊間？」
不少網民亦點出，預留客房在未來其實「非常實用」。網民分析，女友可能打算讓阿媽過來做「免費保母」，「唔使請工人姐姐，第時都由阿媽湊孫」。網民直言：「第時你哋有 BB要照顧就會好想佢日日喺度。」
也有網民搞笑建議樓主以毒攻毒，反問女友「咁我阿媽住邊間？」，利用「你又留一間畀自己阿媽，你睇佢點講」來試探對方，若然女友答應，就大方留房供雙方家長使用。
資料來源：hihi_4424＠Threads
相關閱讀：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
