湯令山考車牌「肥佬」4次自嘲好渣 對姜濤留言「我陪你」搞笑回應：佢自己都冇得揸車

湯令山（Gareth.T）早前因自爆考車牌引起熱議，姜濤更在其社交平台帖文上留言：「我陪你。」亦有不少網民留言「食花生」。今日他出席記者會，接受訪問時分享「考車肥佬4次」的心情，回答十分有個人風格。

湯令山每次都有不同狀況出錯

湯令山豪言：「我會考到考到為止。（隔幾耐再考？）呢個要諗吓。」提到考4次「肥佬」，他自言：「好渣囉。」他不介意被網民嘲笑：「我覺得自己都要考得好啲，笑吓係好嘅。」他又表示，只是路試被「肥佬」，但每次都有不同狀況出錯：「純粹要進步。」

湯令山今日出席公開活動。

早前因自爆考車牌4次「肥佬」引起熱議。

活動中自彈自唱。

湯令山自嘲考車牌好渣。

湯令山每次都有不同狀況出錯。

自己出入也是較習慣call車。

湯令山唔怕冇車媾唔到女。

湯令山有班鐵粉。

林熙彤傳出與湯令山由朋友成為戀人。

姜濤因車牌被吊銷，需要重考路試。

姜濤留言「我陪你」，齊齊重考車牌。

清楚見到四次考唔成功。

湯令山第4次考車牌失敗，嬲到爆粗。

網民指湯令山可做Uber代言人。

湯令山唔怕冇車媾唔到女

帖文中，姜濤亦留言「我陪你」三個字。對於姜濤的安慰，湯令山接受訪問時就回答：「係呀，佢好似而家都冇得揸車。」又指自己多數call車出入。記者提到「另一半有揸車就冇問題」，他就表示，自己出入也是較習慣call車。提到「冇車追女仔難」，他相當有自信，回答：「我又冇乜問題。」

湯令山首回應《玻璃》抄襲疑雲

早前湯令山的作品《玻璃》被指疑似抄襲，他也回答：「講完之後，我都有返屋企聽呢首歌，因為個key一樣，所以大家話似都有原因。因為個旋律太簡單啦，我覺得係機緣巧合，下次要盡量避免呢啲情況，問吓身邊嘅人。」