「光頭仔」王嘉明自資出歌圓夢 袁偉豪力挺做監製 剖白「唔使做」質疑丨獨家

80年代《最佳拍檔》的「光頭仔」王嘉明，45歲仍懷抱演藝夢，最近自資推出處男歌《曾經我是光頭仔》，請來相識廿載的好兄弟袁偉豪（Ben）擔綱新歌監製。Ben雖三年沒劇沒歌，卻從未停步，只是暫且放慢腳步享受家庭，惟面對網民「唔使做」的質疑，他開腔剖白：「唔使做就拜拜冚蓋㗎啦！」採訪：方騫平 攝影：朱偉彥

「光頭仔」王嘉明自資出歌，搵來相識20多年好兄弟袁偉豪做監製。

袁偉豪象徵式收王嘉明一封利是，為兄弟盡做。

處男歌《曾經我是光頭仔》是王嘉明寫照，唱出由童星到中年心聲。

新歌《我就是光頭仔》(暫名)正是王嘉明細訴半生縮影。

王嘉明花了整整一年籌備，自掏腰包錄製處男作。

也是用來送給一位特別的朋友。

做咗爸爸的袁偉豪已放下執著。

袁偉豪享受人生另一階段。

但堅持不可能「唔使做」。

王嘉明和袁偉豪相識於微時。

袁偉豪只收利是仔，為嘉明出歌提供一條龍服務錄。

王嘉明新歌細訴半生縮影

「光頭仔」稱呼曾令王嘉明又愛又恨。新歌《我就是光頭仔》正是他細訴半生縮影，由童星時代的得意，到20多歲拍拖時被叫「光頭BB」的尷尬：「出到去個個都叫我『光頭BB』，20多歲Dating點頂先得㗎，好攞命！」人到中年的他學懂包容：「冇辦法搣甩，因為係曾經嘅自己。」在旁的Ben雖冇具體詳述，但卻有感而發：「人生有好多嘢係搣唔甩嘅，大家明就得啦...大家知我係一個演員咪搣唔甩。」

COOKIES、王嘉明曾為電影《九個女仔一隻鬼》宣傳活動。

王嘉明為夢想，所以要做埋地產經理搵錢錄歌。

嘉明珠海居所好寬敞。

袁偉豪和張寶兒三年抱兩育有兒子「袁咕碌」及「袁氹氹」。

袁偉豪和張寶兒嘅「袁氹氹」超得意。

嘉明生活寫意。

會拍家居日常片。

兒時王嘉明在電影《最佳拍檔》系列中飾演麥嘉和張艾嘉「光頭仔」。

近日袁偉豪在社交平台，展示他的法拉利座駕，生活環境唔錯。

「Family man」袁偉豪抱住囝囝坐電車。

袁偉豪抱住兒子去搭港鐵。

袁偉豪演出馬來西亞電影《Black Ops》。

曾是童星的「光頭仔」王嘉明細細個就鍾意張國榮，仲會去探班。

《法證先鋒V》袁偉豪與黃宗澤及蔡潔組成「鐵三角」。

袁偉豪和張寶兒一家住大屋。

王嘉明於2002年以歌手身份出道。

王嘉明和母親及兩子合照。

年前TVB歌唱比賽節目《中年好聲音2》、參賽者王嘉明。

張寶兒親自陪同細仔攀爬障礙賽道，訓練體能。

王嘉明處男作籌備經年

王嘉明花了整整一年籌備，自掏腰包錄製處男作，只為圓一個音樂夢。在關鍵時刻，想起20多年前在Band房認識的Ben：「當年大家都係Band仔，近年重遇，發覺音樂方向依舊相同。」Ben二話不說擔起監製重任，嘉明笑言：「佢叫我戒食辣、炸、凍嘢保聲，又教我揸捏感情方向，仲象徵性收封利是，『一條龍』幫我搞掂首歌，呢啲咪兄弟囉！」被問投資多少？他避談數字，只說「為夢想，亦還畀重要朋友一首歌，所以要做埋地產經理搵錢錄歌。」他盼望日後能與Ben合唱，但笑說：「要等佢得閒」。

袁偉豪享受人生另一階段

Ben對上出歌已是3年前，拍劇亦停下3年，Ben卻不認為自己「消失」。他坦言：「入行29年，跑咗一段時間，呢幾年人生有另一個階段，成家立室、有小朋友，我學做爸爸、做司機，呢啲都係禮物。」對於外界指他現時生活環境「唔使做」，Ben一笑置之：「唔使做就真係唔使做啦，就拜拜冚蓋㗎啦！其實都要搵啲嘢過日子嘛。」他表明自己一直參與幕後，包括電影合成、融資，也樂於向後輩分享經驗：「開工唔好遲到、唔好玩電話、要有團隊精神，呢啲我都會教。」

袁偉豪視「Family man」作品

面對近年多位前輩離世，Ben感觸良多：「好心噏，啟發到我人到中年，唔知自己幾時突然『夠鐘』。」與其負面看待工作減少，不如活在當下，用專業繼續行落去：「我哋跑得就跑，否則慢行住先。」他更將「Family man」視為自己的作品之一：「搵到快樂就得。」

王嘉明歎曝光不易

王嘉明在旁補充，其實在圈中持續曝光並不容易；Ben認同兼重申，自己絕不會放棄演戲夢想：「仲有好多夢想，好似『斜槓族』咁邊行邊等機會等劇，但強調唔會負面去諗，今日停低唔會永遠停低，只係換個角度享受奔波多年後難得嘅喘息機會，從家庭生活中汲取演戲同音樂創作靈感。」他寄語同路人：「同一面之緣嘅朋友，大家互相祝福，正面啲。繼續行人生嘅路，珍惜每一日，默默堅持就夠。」