魏浚笙勤睇Show儲時裝觸覺 穿粉紅色褲練舞被恥笑「騎呢」

魏浚笙（Jeffrey）今日（20日）出席CENTRESTAGE香港國際時尚匯展記者會，Jeffrey表示經常睇時裝Show，「要睇得多先有時裝觸覺！」認為每個人視乎個人喜好，都有時裝觸覺，「最緊要著得舒服，對自己有信心，如果著出嚟都覺得奇怪，就會有啲尷尬。」又指有時獲品牌贊助服裝，當試身時，忽發奇想可以有一些新鮮配搭，「如果係騎呢服裝都會試，未著過唔會知效果，就算見到合眼緣嘅衫，著上身都未必啱自己！」

魏浚笙螢光紫色衫逗利是

Jeffrey笑說，有次為《膠戰》演唱會練舞，穿著粉紅色褲，「大家就覺得好礙眼騎呢。」再配襯啡色熊仔帽，「我反而幾欣賞呢個造型。」問是否對身形有信心，而可能駕馭各類服裝？他笑說：「對身形有冇信心，睇吓有冇操啫！」又指自己偏愛復古衣著，「試過摷阿爸啲衫，都係運動衫為主。」他同哥哥喜好不一樣，故無穿哥哥舊衫「執手尾」，「記得細個農曆年，買咗套螢光紫色衫！」問是否想逗更多利是？他笑說：「逗幾多利是，係睇人哋身家豐唔豐厚。」

Jeffrey表示經常睇時裝Show，「要睇得多先有時裝觸覺！」

Jeffrey稱為《膠戰》演唱會練舞，穿著粉紅色褲，「大家就覺得很礙眼騎呢。」

VIVA在活動上表演。

Jeffrey為《膠戰》演唱會練舞，曾穿著粉紅色褲。

李凱賢（左）攬太太現身活動，同陳安立（右）同場。

Jeffrey偏愛復古衣著打扮。

Jeffrey主演電影《浪花男女》即將上映，最近他頻頻曝光。