Sica何洛瑤演唱會多災多難考驗應變能力 三度落淚自評50分 認情緒管理不合格：功課失敗咗

時隔兩年何洛瑤（Sica）再開騷！昨晚於黃埔Tides舉行出道至今第二場演唱會《sica ”The Eclipse” Live 2026》。演唱會於晚上8時半左右開場，樂迷們亦早於8時多排隊進場，正式開始前已企滿整個會場。除了樂迷們，《sica ”The Eclipse” Live 2026》亦有周國賢、Teddy Fan、ViuTV限定女子組合 5G（又稱妹豬Five）成員，楊安妮（Win Win）、葛綽瑤（Yoyo）、許寶恆（Alice）、鍾卓穎（Ash）、P1X3L成員歐鎮灝、Phoebus等人到場欣賞演出的。

何洛瑤音樂會多災多難意外頻生

《sica ”The Eclipse” Live 2026》首支歌，Sica就以《JET-51CA》自彈自歌「炸爆」全場，全場樂迷跟隨節拍揮動熒光棒，氣氛十分高漲。演唱完第一支歌後，Sica笑說字幕機：「冇字」，有樂迷即時說：「呢度有！」Sica又問：「邊度？」樂迷又回答：「Sica世一呀！」𠱁得Sica十分開心：「你哋係有啲品味嘅。」等候期間，工作人員維修字幕機期間，Sica與樂迷玩清唱遊戲。Sica續說演唱會多災多難，試過耳mon拍劇時遺失，又試過壞結他。最後，工作人員「執生」用手提電腦充當字幕機。

時隔兩年何洛瑤（Sica）再開騷。

今次在黃埔場地演出。

Sica着厚底鞋跳唱。

舞台上晒長腿。

期間字幕機臨陣失靈。

大熒幕上播出她和已離世愛貓的片段。

愛貓MUIMUI好可愛。

Sica演唱會多災多難。

Sica以一身白色連身裙服飾步出。

途中回想起愛貓MuiMui片段時不禁落淚。

現場氣氛十分高漲。

Sica唱出《You Are My Sunshine》、《告別式》、《再見有時》、《開心果》等歌曲。

台上向粉絲派心。

Sica用電子琴自彈自唱《我們只有一往前行》。

Sica音樂會多災多難考驗應變能力。

Sica三度落淚。

可愛造型登場。

何洛瑤夾了蝴蝶髮夾添少女味。

載歌載舞。

何洛瑤在演唱期間掉落髮夾。

走下台請觀眾為他重新夾上髮夾。

見粉絲支持好感動。

謝幕時又感觸良多，不禁流淚。

開心道別觀眾。

齊謝幕。

Kim(左起)、陳海寧Isabella、WinWin、周卓盈、Ash、許寶恆Alice、Lolly Talk阿妹、亨仔、Marco、黎展峯捧場。

Teddy Fan。

ZPOT成員Jacky Fan(左起)、Marcus、gordon、牛牛、Dave、Alvin、小雞。

Sica未來會發展多元化音樂。

何洛瑤以歌與愛貓MuiMui告別

唱畢第8首歌《喃嘸師感觀漫遊》後，Sica走入後台，隨時大熒幕上播出她和已離世愛貓的片段，其後Sica以一身白色連身裙服飾步出，唱出《You Are My Sunshine》、《告別式》、《再見有時》、《開心果》等歌曲，途中回想起愛貓MuiMui時不禁落淚。

何洛瑤為音樂會學新樂器

來到音樂會中段，Sica表示每次音樂會學習一種新樂器就似是一個「習俗」，坦言自己練了多時，但音樂會前兩個星期才發現自己「練錯」chord。隨即音樂響起，Sica用電子琴自彈自唱《我們只有一往前行》，日文歌《Sparkle》，《GOOD DAY》。

何洛瑤謝幕時又感觸流淚

來到《sica ”The Eclipse” Live 2026》，Sica唱出《大團圓結局》時情緒湧上心頭，落台時掩臉轉身下台。Sica接受訪問時表示，當時眼泛淚光。其後她唱出日文歌《FANSA》，Enocore環節則有《經痛不如心痛》、《深宵便利愛》，最後的最後，以動漫《ONE PIECE》的主題曲《We Are!》作結，謝幕時又感觸良多，不禁流淚。

何洛瑤考驗應變能力

何洛瑤於演出會上笑言多災多難，豈料正式演出問題仍接踵而來，包括提詞器臨陣失靈考臨她隨機應變能力：「我本身都習慣災難見怪不怪，點知好搞笑個提詞機壞咗，我都有啲斷片！但反而畀到力量我，之後要打贏佢！」幸好提詞器及後成功搶救，在演唱會餘下部份順利使用。

何洛瑤開騷前損毀結他遺失萬元監聽耳機

Sica亦在台上透露開騷前竟損毀結他及遺失監聽耳機，她歎指結他型號出名容易出現裂痕，因為拍攝劇集《金秘書為何那樣》同步準備演出，不時帶結他到片場練習：「有一日返屋企嘅時候，孭住唔小心碰一碰屋企門口，跟住就裂咗！舊嗰支我好鍾意，所以會攞去維修。」至於遺失價值萬元的監聽耳機，則全因為冒失：「我成功用咗兩三年，開騷先唔見。（價值過萬？）係呀！要再買，我都無辦法改變，會反省下自己。」表示團隊已經盡力協助尋找耳機，但最後亦無法尋回，唯有學習擁抱自身限制與挫折，從錯誤中學習。

何洛瑤舞台再甩鞋跌髮夾

何洛瑤在演唱期間亦掉落髮夾，走下台請觀眾為他重新夾上髮夾後，回到舞台時撞甩厚底鞋，繼演舞台劇後再次在舞台甩鞋。Sica笑指：「我甩咗好多嘢，唔意外呀！我習慣咗，冇事冇事！」Sica今次亦繼續表演新學樂器，再吹牧童笛之餘彈電子琴，不過已「戴頭盔」自爆練錯和弦，她笑指全因自己看錯樂譜：「唔解釋喇，係我嘅問題，鬧我啦、盡情討伐我啦！我冇怪任何人，只能怪自己！」

何洛瑤三度落淚給自己50分

何洛瑤在演唱會上先後三度落淚，談到情緒最激動位置，Sica坦言為Encore前一刻望見站滿全場的觀眾時：「我覺得好幸福，又好多情緒，前期發生咁多事，我都有情緒，同埋首歌真係太感動！」談到在紀念愛貓MUIMUI的環節時淚腺首度失守，全因目睹愛貓昔日休憩的陳設：「我揸住佢好鍾意嗰張氈，同埋有佢屋企瞓嘅床，所以諗起MUIMUI就忍唔住喊！（哭過多少次？）三次，但其實練習嗰時更嚴重！頭一兩個月每次唱《告別式》都忍唔住喊！」認為今日雖然刻意管理情緒，但仍然未算合格：「我畀自己嘅功課失敗咗！今晚畀自己50分啦，但氣氛係1000分！全企位超越我想象！」雖然未知下次何時有機會開騷，但覺得場地大小各有好處，最重要能與歌迷分享音樂，未來亦會發展多元化音樂，不論重金屬或日本偶像風格都會涉獵。