屯門出鰂魚涌返工來回3個鐘 打工仔大呻「每日搭車好似取西經咁」 過來人教路：上車靠「這招」自保｜Juicy叮
一名打工仔在網上大吐苦水，指自己每日要由屯門遠赴鰂魚涌返工，來回車程足足長達3個小時，崩潰苦嘆「每日搭車好似取西經咁」。
如此辛酸的自白惹來網民共情，細訴自己每天日出而作、日入而息的血淚生活；更有同受長途車折磨的過來人現身教路，傳授上車後全靠「這招」自保的生存秘訣，甚至有人直言看透現實，決心搬屋或轉工「買回精神健康」。詳情見下圖及下文：
屯門出鰂魚涌返工來回3個鐘 打工仔大呻「每日搭車好似取西經咁」 過來人教路：上車靠「這招」自保逐張睇↓↓↓↓
樓主：逼巴士逼到懷疑人生
樓主前天（12日）在社交平台Threads以「大西北」為題發帖，大呻迢長遠路上班的無奈與疲憊：「住大西北返港島，每日搭車好似取西經咁...每日由屯門出鰂魚涌返工，來回差唔多3個鐘。朝早逼巴士逼到懷疑人生，放工又要經歷多一次。見到啲住港島嘅同事，9點起身都仲得，真係好葡萄。大西北街坊，你哋每日點捱過漫長嘅車程？」
大西北街坊：返工放工個天都係黑
不少同病相憐的「大西北遠征軍」網民留言圍爐。有同樣是屯門出發、甚至要遠赴黃竹坑上班的網民大嘆：「屯門返黃竹坑，返工放工個天都係黑」；也有住元朗的網民感同身受地表示，自己每天要到港島南返工，同樣來回3小時，每天在「金鐘站逼到懷疑人生」，卻又因為負擔不起市區昂貴的租金而無可奈何。
除了港島線，其他跨區網民亦紛紛拋出自己的「地獄地圖」，高呼「屯門——＞九龍灣」，甚至有人大嘆「大西北返將軍澳，來回車程加埋4個鐘……」、「我覺得元朗返觀塘仲地獄」、「天水圍返荔景仲要上山」。
有同路人更指樓主的 3 小時已經算好：「來回不足3個鐘咁正，我屯碼去鰂魚涌，每日要3個半鐘來回，仲要上落轉車」、「曾經將軍澳返屯門，來回3個幾鐘-4個鐘」。
更有網民分享雨天塞車的可怕經歷：「同感！以前份工喺觀塘同鰂魚涌，觀塘都還好，鰂魚涌真係搞不X掂，尤其係落雨塞車，嗰陣試過收19:00，返到屯門已經22:00」。
有熟悉交通的網民客觀分析，指新界東與新界西之間的跨區交通，其實比「新界去港九」還要難捱：「新界東新界西（大埔～元朗），其實路程唔近（因為新界面積大），計公共交通，其實仲骾過新界-港九㗎。」
過來人教路：上車靠「這招」自保
面對漫漫長路，網民也慷慨分享自己的「自保」與適應方法。有屯門街坊開導樓主，認為只要薪水給得夠，最實用的做法就是「上車就睇劇瞓覺就算」：「最緊要畀得起人工同自己接受……上車就睇劇瞓覺就算。」也有往返大西北與薄扶林的人指：「好彩我返晏唔使逼車，咪打機瞓覺聽歌解決車程🤣。」
為了能爭取在車上睡覺，不少人不惜出盡奇招。有網民表示寧願提早出門「搭倒頭車」搶位：「天水圍返黃竹坑的朋友，搭鐵要轉幾次車。朝早為咗爭取多啲時間瞓覺，早20mins（分鐘）出門搭倒頭車，一上西鐵就可以瞓45mins，瞓到紅磡再轉車🙈🙈不過放工先係最難受🤦🏻♀️唔一定會有位，逼餐死先返到去🤦🏻♀️🤦🏻♀️🤦🏻♀️」。
更有人索性犧牲晚間睡眠：「我天水圍返銅鑼灣來回差唔多3個鐘，為咗彌補返我失去嘅時間，我就少瞓2個鐘，然後喺巴士補眠。」、「坐西鐵由屯門站坐到馬鞍山站。一上車就瞓覺😴，因為我要5:30起身。5:50出門口，6點前上車。」
此外，也有人嘗試發掘不同路線來避開人潮：「大西北人曾經返鰂魚涌唔識死試下喺九龍灣轉車返工，同收工搭電車去灣仔先轉車😂。」
網民：成世人有幾多小時喺巴士上過
長途跋涉的生活終究消磨意志，有網民發出靈魂拷問：「真係要諗清楚自己想點，你計下成世人有幾多個小時喺巴士上面過。」
不少過來人最終選擇向現實低頭，寧願花錢或轉工換取時間。有人果斷搬屋：「以前住大西北返鰂魚涌，來回3粒鐘無得避免，到最後頂唔順，搬出九龍東，係貴租但買返啲時間同精神健康。」
也有人選擇在同區找工作：「感恩，搵到份工喺屯門！返工搭輕鐵10分鐘到，收工行路返屋企爽✌🏻🙏🏻」、「以前返上環，人老咗真係頂唔順😂😂宜家近近地返同區算數，以前一定要早上7點鐘起身先趕到9點返 office（辦公室），宜家可以瞓到8點半😂」、「換工或者搬屋，我之前天水圍北返太古，宜家大埔返沙田」、「轉工啦！我住天水圍，呢排搵工都會避開港島東嘅公司…..」
更有網民客觀總結，大西北其實只適合特定人群：「屯門係適合做啲唔係朝9晚6定晒返工時間怕遲到嘅工嘅打工仔住，只要完美避過晒早晚交通高峰期，其實好快就可以出入屯門。」
資料來源：kwuntongslave＠Threads
相關閱讀：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
