姚正菁首談初戀浪漫 激罕揭郭富城分手真相復出遭前輩「白鴿眼」丨獨家

被標籤為「郭富城初戀女友」的姚正菁復出娛樂圈，她接受《星島頭條》專訪時激罕剖白與郭富城的初戀點滴，澄清分手非因對方走紅，自己亦非出軌一方，更直指今日對貴為天王的郭富城已「零感覺」。同時自爆重返娛圈，出席飯局時曾遭前輩無禮白眼。 採訪：方騫平 攝影：朱偉彥 場地：1881

57歲姚正菁時隔30多年，獲新世界娛樂老闆Sam哥賞識，因緣際會簽約復出，加上好有正能量的經理人林寶玉協力，令她重燃衝勁。回憶25歲退出時，覺得是結婚生子的時候，因而突變「失蹤人口」，但現階段還未算「上岸」：「唔會全部為錢，為錢就會冇咗個heart，我又唔大使，經濟OK㗎。」對於網民質問「57歲仲出嚟做咩？」姚正菁霸氣回應：「咪出嚟做自己鍾意做嘅嘢囉！50到60歲都係一個階段，點解唔可以再出嚟？唔通退休等老咩？我心態好，仲有份純真。」重出江湖她仍有抱負，期望唱歌、直播同短劇都會有發展。

姚正菁去年告別異地戀回復單身：「我仲有市場㗎，同年齡拍埋一齊唔輸蝕。」追問揀偶條件要不要以初戀情人郭富城為藍本？她強調冇特定標準：「太『鮮肉』對象唔得，最多下限細10年，主播前度同我都有年齡差別。」

57歲姚正菁好有貴氣。

姚正菁剖白和郭富城分手真相。

由「最索經理人」林寶玉打造。

姚正菁復出遭前輩「白鴿眼」。

姚正菁為人率直。

姚正菁首談初戀浪漫。

姚正菁已淡忘初戀感覺。

講返都笑。

而家對城城零感覺。

姚正菁被標籤「郭富城初戀女友」。

姚正菁揀偶冇特定標準。

姚正菁初戀只係愛情小說

對於被標籤「郭富城初戀女友」，姚正菁因而被網民鬧「抽水」：「佢哋話『我有一班鐵粉，唔使消費城城』，我親回『人哋提起我唔避忌回應啫。』」姚正菁又罕談和城城的絕密初戀片段：「因為當年佢係舞者，我係選美，成日一齊玩，啱key咪拍拖。正因相識於微時，大家會簡單一啲，所以一齊好純真，加上兩個人工又唔係好高，會慳住使，可能一碗雲吞麵兩份食，我哋會選擇唔坐車拍拖行返去。」問到初戀是否最難忘？她竟答：「呢啲只係愛情小說，我話你知，我嘅初戀係最容易忘記嘅，因為隔得太耐，中間經歷過咁多樣嘢，你仲點會去留戀細細個時拍拖嘅嘢呢？如果佢唔係呢一行嘅人，我可能都唔會記得喇。」

姚正菁的初戀獻給天王郭富城。

曾受力捧的姚正菁演長篇時裝劇《季節》飾演囡囡，和盧宛茵有不少對手戲。

17歲時姚正菁參選電視小姐，可惜三甲不入。

少女時代的姚正菁眼大大好靚女。

姚正菁拍過三級片。

姚正菁重出江湖後，出席多個飯局，坦言曾被前輩白眼。

姚正菁與新世界娛樂簽約，由林寶玉擔任經理人，二人獲老闆Sam哥贈送紀念金牌。

當年一班TVB小生及姐仔姚正菁、梁朝偉、鄭艷麗、劉淑華、鄧萃雯合演古裝劇《俠客行》。

當年姚正菁晒長腿。

年輕時好青純。

姚正菁當年參演過多部電影。

姚正菁擁有一雙大眼，年輕時是個可人兒。

古裝美人。

至於分手真相，是否城城在台灣當紅上位後成為兩人分開導火線？姚正菁含糊道：「冇話邊個飛邊個，記得佢台灣拍完廣告後返港變咗大忙人，但當時拍拖係要搵個男朋友，係想有人陪我玩，睇戲、行街呀，而唔係要佢有幾威嘛，對方忙到根本冇時間，咁咪自然會分開囉，正如而家流行，成年人最好嘅分開方法，唔使講再見，大家唔聯繫就係叫默認分開，當年也如是。（有冇後悔失咗個天王男友？）唔會囉，我之後經歷嘅嘢畀咗我咁多人生經驗。」

姚正菁對郭富城冇愛冇恨

另一個多年誤解，指她分手後受刺激而拍三級片，姚正菁首度開腔澄清：「根本唔關事，唔合邏輯！當年風氣流行拍三級片，受刺激嘅話最多去嫁人。」她又否認想藉此拉近同城城事業距離：「我冇嗰種鬥心，你紅你嘅事，我做自己嘢。」提到城城曾暗示前女友出軌，她認真道：「我聽過呢個講法，但佢冇指名道姓，況且唔係我，我一腳搭幾船應付唔到，好費神，我係專一嘅人。」講到今日對城城感覺？她猶豫一下：「我唔會憎呢個人，冇愛冇恨，坦白講而家睇返佢啲嘢完全冇感覺，上次朋友有飛睇佢澳門騷，睇咗一半跟朋友走咗，我好似一般觀眾咁好casual睇騷，唯一認同佢喺舞台上面依然發光。」

姚正菁被前輩「白鴿眼」

說到被TVB捧6年，可有遇過職場欺凌？姚正菁慶幸未試過，但爆同期訓練班有位女學員中過招：「佢拍戲化完妝，被當紅姐仔指罵『你係做侍應咋，個妝咁濃做咩？』喝令佢落妝，其實只係正常化妝。」反而今次復出後，她親身經歷一單奇事：「飯局內同台食飯，有個坐我隔兩個座位嘅前輩藝人『白鴿眼』睇唔起我，嫌我唔係要巴結嘅金主。明明見碟餸轉到過嚟，佢多次刻意反方向轉走佢，心諗『舉動咁得意嘅！』其實我當時好想出聲，因為呢啲係基本餐桌禮儀，但忍咗。」姚正菁不覺這件事是復出小打擊：「我只係奇怪『乜而家呢行咁難撈咩？』」她慨歎時下的人太現實，相比當年拍戲辛苦到暈要送院，同劇郭峯等演員會探病，好有人情味。