鄧小巧不知鄭欣宜復出進度 信好友ready再出發：群組有傾計但好耐冇見

鄧小巧今日到新城電台宣傳年度第二首新歌《無時無刻》，更為MV拍攝自編自導自演，到峇里島旅行期間取景。小巧受訪時不是每首新歌都要親自寫詞，但去年收到樂曲demo後發覺曲風適合自己活在當下的信息，於是決定親自執筆填詞。

鄧小巧歌詞「飛去峇里」神預言

對於歌詞第一稿「飛去峇里」一句神預言MV取景地點，小巧笑指：「下次寫大啲，寫咗會成真！要講挪威、澳洲、巴黎！（丈夫出生地加拿大？）成日有得去，唔駛用公司錢！」

鄧小巧今日到新城電台宣傳年度第二首新歌《無時無刻》。

為MV拍攝自編自導自演。

MV到峇里島旅行期間取景。

歌詞第一稿「飛去峇里」一句神預言MV取景地點。

鄧小巧當地團隊負傷拍攝。

鄭欣宜早前在內地被粉絲偶遇，除了合照還有簽名。

鄭欣宜早前到訪西貢小食店，狀態一流。

鄭欣宜戰勝情緒病準備復出。（《東周刊》提供圖片)。

鄧小巧丈夫此行任無薪助理兼司機。

許廷鏗是鄧小巧主診牙醫。

許廷鏗姊弟檔合伙診所在9月開張。

鄧小巧當地團隊負傷拍攝

峇里一行由旅行變成拍MV，小巧慶幸在當地聘請到專業團隊，事前已代為堪景找到椰林樹影與稻田等合適地點，但過程經歷不少驚險情節：「當地團隊要負傷拍攝，因為過嚟之前電單車入油站嘅時候撞埋一齊，擦損晒手手腳腳，但佢哋憑意志同專業堅持完成，過程無因為傷患要休息，最後交出精彩嘅功課！」

鄧小巧丈夫任無薪助理兼司機

額外抽取數日拍攝，丈夫亦未有因此不滿，更獲得許多私人時間四處遊覽：「佢有自己男人嘅浪漫，揸電單車周圍去，佢仲做我嘅無薪助理、司機兼私人保鑣！」

鄧小巧圓夢與海豚水底暢泳

小巧在今趟旅程中完成人生其中一項必做夢想，出海期間竟能與海豚在水底暢泳：「千祈唔好朝早六點出發，雖然可以睇到日出，但好多船好多人好難接觸海豚，第二次人少嘅時候出海，海豚仲主動遊埋船邊一齊玩！」

鄧小巧不知欣宜復出時間表

鄧小巧好友鄭欣宜上月底被《東周刊》捕獲染上金髮造型、狀態大好，疑似蓄勢待發準備復出，許廷鏗亦曾於訪問透露欣宜今年或會復出，小巧則表示不知情：「我唔知道，佢冇同我講過。（多久沒有碰面？）都好耐，但有喺訊息群組傾計。我相信佢ready就會再出發！」至於許廷鏗開設個人醫務所，小巧則表示對方早已成為自己的主診牙醫，一直有幫襯。