孫慧雪生第二胎後170磅崩潰喊爆：以為仲有一個 蘇皓兒投訴洪永城介紹對象得個講字信唔過

孫慧雪在纖體美容品牌活動上自爆巔峰體重曾一度高達170磅，與蘇皓兒受訪時則解畫，原來當時正值第二胎分娩之後：「生完第二胎成170磅，我喊咗出嚟！以為生完仲有一個！老公想爆炸！」詢問醫生後知道是腰間積聚脂肪，兩次懷孕後腹部亦失去彈性，加上兩個兒子出生時重達九磅，轉向蘇皓兒笑指：「揀老公唔好太高大。」Chloe則表示自己沒有BB亦未有男朋友，一切實在太長遠。孫慧雪產子多年後，表示身材回復平常：「依家瘦咗五十幾磅，大概150磅左右啦！（可以着泳衣？）大家等我，今年夏天啦！」

孫慧雪出席纖體美容品牌活動。

孫慧雪為兩子之母。

44歲孫慧雪保養得宜。

蘇皓兒五年冇拍拖。

蘇皓兒自認「宅女」。

當時以為生完仲有一個！

蘇皓兒投訴洪永城介紹對象得個講字信唔過。

孫慧雪成功激減50磅。

孫慧雪、蘇皓兒同框。

孫慧雪提蘇皓兒揀「老公唔好太高大」。

孫慧雪生完第二胎成170磅。

孫慧雪懷第二胎。

蘇皓兒自認「宅女」五年冇拍拖

至於身形一向緊緻纖瘦的蘇皓兒，表示自己性格很「宅」，雖然會與朋友行山有男有女，但男性朋友都有另一半，所以已經多年沒有拍拖：「我諗一隻手數得晒，五年冇拍拖！（追求者太多？）冇人追，要多啲出活動識朋友，但冇壓力嘅、我鍾意自己一個生活！」她曾經透露有買樓計劃，表示仍然在準備當中：「揀緊樓，我都略有積蓄，嚟緊幾年睇定啲先。（要買大宅？）我一個人住400呎就OK。」Chloe表示緣份尚未令他遇到合適的男性，但並不抗拒拍拖，再次分享自己三項擇偶條件：「想要高嘅，唔好咁大隻，有才華就基本啦！」對於同場喜歡做媒人的洪永城，Chloe竟然開玩笑投訴他沒有實際行動：「成日話介紹，得個講字！求其指幾個籃球波友，佢啲介紹唔係幾可靠，信唔過嘅！」但再次表示自己並不心急，享受單身生活。