住將軍澳自帶光芒？ 嘲屯門「垃圾地方」惹地區大戰 網民分析「一共同點」秒息風波｜Juicy叮
住將軍澳自帶光芒？有將軍澳人輕蔑嘲諷屯門為「呢啲咁嘅垃圾地方」，話語一出隨即引起地區大戰，有人驚訝反問「憑佢住將軍澳居然睇唔起屯門？」。有網民則主持公道，指出兩區其實存在「一個共同點」，一句話秒息風波。詳情見下圖及下文：
住將軍澳自帶光芒？ 嘲屯門「垃圾地方」惹地區大戰 網民分析「一共同點」秒息風波逐張睇↓↓↓↓
樓主：聽完真係有啲感觸
樓主今天（9日）在社交平台Threads以「騎牛牛嘅屯門友」為題發帖，感嘆住屋的階級分歧，自爆：「今日聽到一個住將軍澳嘅人，好輕蔑咁講咗句：『屯門呢啲咁嘅垃圾地方』。聽完真係有啲感觸。」
樓主坦言，自己以前也曾居住在將軍澳一段時間，非常認同將軍澳交通方便、配套完善，但那時「從來都唔覺得自己有幾咁高尚，更加唔明白點解住邊區可以成為踩低另一個社區嘅資本。」
樓主強調自己並非想引戰，並理性呼籲：「每個地方都有人默默建立緊自己嘅家，地方無分高低，只有識唔識得尊重。」
網民反擊：將軍澳以前就是堆填區
「屯門呢啲咁嘅垃圾地方」話語一出，引發網絡激辯，大家幾乎一面倒炮轟該名將軍澳人的莫名其妙優越感。
不少網民翻出將軍澳的歷史來個反證：「將軍澳咪又係堆填區」、「有屯門嘅時候，將軍澳仲係堆填區」、「將軍澳咪又係堆填區😂一個騎牛一個垃圾桶打和啦！」、「你有啲嘢搞錯，屯門已經唔騎牛，但係將軍澳仲係垃圾站😂。」
有網民更笑言不解該名將軍澳人為何會對屯門產生如此大的怨恨，估計：「屯門公路令很多人失禁！佢可能係其中之一！」
網民：憑佢住將軍澳居然睇唔起屯門？
更有人直言將軍澳除了往返市區稍快之外，與屯門相比，根本沒有甚麼值得自豪：「憑佢住將軍澳居然睇唔起屯門？😂除咗出中西區快過屯門之外，睇唔到有乜值得自豪，見到千篇一律嘅蛋糕樓都唔開胃。」
也有人認為，這種地區歧視鏈確實存在，但發生在這兩區身上卻有些荒謬：「事實上係有，不過將軍澳睇唔起屯門就有啲怪 🤣」。
在眾多冷嘲熱諷中，有網民特別提到香港部分新樓業主那種盲目的優越感：「有啲人搬咗去新樓就以為自己係有錢人，但唔記得自己有幾百萬負債，就會睇唔起已經供完樓無負債嘅二手樓朋友。」
網民直指這純粹是個人的人品和自卑心態作祟：「大部份香港人就係咁，要 Label（標籤）人，Label區，令自己自我感覺良好」、「試下佢搬咗去大灣區，直頭會話成個香港都係垃圾，總之佢自己住邊都自帶光芒就啱㗎啦。」亦有人笑言不看名字還以為那位將軍澳人是「住西半山」。
網民講公道話：這兩區其實差不多
在一片爭論聲中，有心水清的網民站出來說句公道話，指從城市規劃的宏觀角度，理性分析兩區的共同優勢，並強調「每個地方都有好同唔好…」，其實兩邊都沒有任何需要互相鄙視的理由：
「其實兩邊都唔係特別高級，將軍澳同屯門都係新發展區。都係中層低層、公私營房屋聚居點，兩邊環境都係幾舒服，道路、行人道闊闊落落幾好行。」
資料來源：mandywoowoomandy＠Threads
相關閱讀：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
