冯素波82岁生日开骚在即欲邀MIRROR“孙仔”捧场 汤怡send讯息慰问卫诗雅
冯素波、汤怡、戴耀明今早出席香港糖尿联会30周年拍摄微电影《腰豆》首播活动。波姐表示自己属于“得闲就会同医生沟通”类型，电话簿中有各科医生的号码，唯独没有今日出席活动的肾科医生，于是顺理成章“抄牌”，十分好笑。波姐受访时透露，经过今次拍摄，令她知道糖尿病有机会引发肾病：“身体系自己嘅，虽然话自己最清楚同了解，但出现一、两次问题时，都系最好去揾医生，唔好谂住有侥幸。”
陈慧珊返港撑冯素波
波姐将在本月7日举行《峰波情未了3.0之八十后存在演唱会》，开骚当日正是82岁生日正日，波姐表示已在密锣紧鼓排练，问到有否邀请“孙仔”Lokman（杨乐文）与AK（江爗生）（合作拍摄剧集《绳角》），波姐说：“又冇同佢哋交谈，但如果佢哋唔嫌烦，我都好欢迎佢哋嚟，我当然想佢哋上台做嘉宾，但我冇budget，所以佢哋嚟睇我已经好开心。”又透露已邀请不少好友，当中包括二公主沈芝华、金牌监制梅小青，而身在内地工作的陈慧珊亦答应会回港捧场，令波姐十分开心。
冯素波笑胡枫“扭计”
提到修哥（胡枫）日前因急性胆管炎入院昏迷4日，波姐表示也是透过新闻才知悉，“修哥好强壮，身体扭吓计啫，我几年前都瞓过ICU，不过都希望修哥身体健康。”而对于“四哥”谢贤离世，波姐表示：“都系朋友send返我同四哥60年前合照出嚟，我问咩事先知，原来佢已经‘安乐’咗。”有份参与《腰豆》拍摄的汤怡向来“唔舒服就瞓多啲”，如非必要都不会去睇医生，但经过今次拍摄，明白有时睇医生是必须的，亦会学波姐多抄医生牌，因为识人好过识字：“而家开始储定，大家做个朋友仔，一定无坏。”
汤怡有女万事足
踏入7月，身为妈妈的汤怡笑言近日最大的考验是如何安排女儿“放电”：“因为近半个月又打风又落雨，好多室外活动都做唔到，而家同佢谂住砌一个好大嘅Lego乐园，已在施工，另外都计划紧去旅行，要有阳光与海滩。”提到好友卫诗雅日前拍剧受伤，伤口缝50针，汤怡表示已慰问对方：“佢先生好叻，已经帮佢处理好多嘢，大家都唔需要太担心，我有send讯息畀佢，相信佢都想快啲好番，复工出嚟见大家。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
