助理惊揭护老院填鸭式喂饭 食物流落后颈干醃 男院友成张床都系“呢样嘢” 网民：虐老一定有报应｜Juicy叮
一名任职物理治疗助理的网民近日在网上爆料，指自己到一间护老院工作时，惊见有长者不但惨遭“填鸭式”强行喂饭，导致食物流落后颈“干醃”无人理会，更有男院友的病床布满令人作呕的“呢样嘢”。帖文揭露的种种惨况随即惹来大批网民公愤，群起痛斥做法冷血，直指虐老定有报应。详情见下图及下文：
助理惊揭护老院填鸭式喂饭 食物流落后颈干醃 男院友成张床都系“呢样嘢” 网民：虐老定有报应逐张睇↓↓↓↓
楼主：好似填鸭咁塞晒入去
楼主昨天（30日）在社交平台 Threads 发帖，表示去了一间护老院工作，但返了几日就已经顶唔住宣告辞职。楼主直言：“我明白人手唔够，但可唔可以对一啲冇自理能力嘅人，当系人咁看待。”
楼主爆料指，亲眼目睹职员喂长者食饭时，“好似填鸭咁塞晒入去”。
食物醃后颈无人理
更令人心寒的是，长者的基本卫生完全被忽视。楼主痛心地表示，发现一个没有自理能力的婆婆，“可能塞得太急，食物流晒落后颈，完全冇人理”。楼主直指婆婆瘫在床上，即使家人探访也未必知道真实的惨况。
加上该院舍的长者，一星期竟然“只可以冲一至两次凉，讲紧三十几度”，意味着“即系呕出嚟嘅食物，会‘醃’住后颈几日”。
最令楼主感到委屈的是，当好心帮婆婆抹干净时，竟然“仲要畀啲阿婶闹”。不仅如此，当揭开男病人的被子时，惊见“成张床都系食物残渣”，令楼主不禁愤怒大骂：“咩事呀而家🥶🤬！”
网民大叹社会悲歌：生存都好辛苦
网民对此感到相当愤怒与心痛，形容事件是“社会悲歌”，并向楼主送上安慰：“听到都觉得好难过，真系辛苦晒你🥺”、“听到都觉得好难顶，有啲长者真系好惨…”
不少人直斥涉事的院舍职员极度冷血：“啲人咁冇人性，就算系扮打工都唔好咁过分”、“见到你的形容，非常恐怖。原来啲老人家好惨。”
更有网民代入家属角度，痛心表示：“佢哋当啲冇自理能力嘅人唔系人，因为我都见过，看到真系令我好感触！假设𠮶个系佢屋企人佢哋会点呢？你讲得啱，屋企人未必知”、“如果系自己家人你又会点呀？真惨无人道”、“好无奈、好无尊严”。
有人更感叹：“真系黐线……会不会有人可以帮帮老人家……其实真系好惨……已经唔系讲尊严……系讲紧生存都好辛苦。”网民于是怒轰：“咁对啲老人家，一定有报应㗎！”
同行揭残酷真相
帖文亦引出不少同行及过来人分享见闻。有同业大表认同：“我都做过两间院舍，完全明白你那种心情。两间加埋都做唔够9个月也睇唔过眼而辞职”、“我都去过3、4间老人院做过一日兼职，我见过你讲嘅情况！各位系真㗎！”
有人无奈指出：“听落好似有啲夸张，事实就系睇彩数，你唔好彩去咗间无乜人情味。”
对于这类惨况，有网民剖析背后原因：“啲员工唔钟意份工，但又要揾钱唔做唔得，专揾啲没有行动能力嘅院友虐待发泄情绪。家中有能力照顾嘅就唔使送去老人院，送去老人院要畀钱，员工收人工唔做嘢仲虐待老人家。”
有人建议必须“提高待遇+加强监管+请多啲人”才能解决问题。
网民：咁又唔系一竹篙打死一船人
大批网民强烈要求楼主公开院舍名字：“可唔可以话畀我知边间呀？”、“开名喇！”防再有长者无辜受害。更有网民激动提议：“唔应该辞职，应该留喺度做卧底，揾证据，告实佢哋！”
不过，亦有网民留言平反，指出：“咁又唔系一竹篙打死一船人嘅，我之前做𠮶间又真系好好多，起码都真系日日冲凉所有嘢都尽量做到足，除非佢发烧。”
资料来源：chakwinwinw＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
