楊政龍率英皇眾星預覽Soho Beach Club at The Pulse 關智斌想開爆汗派對 陳家樂爭取「暖男價」包場冧妻女

今個8月The Pulse與享譽全球的私人會所品牌Soho House Hong Kong 聯手打造的期間限定「Soho Beach Club at The Pulse」，將淺水灣The Pulse幻化成今夏最具話題性的海濱Beach Club！日前舉行盛大的VIP暨傳媒預覽派對，英皇集團副主席楊政龍先生（Alex Yeung）及Soho House香港總經理Sheron Tsui與過百位嘉賓到場支持，英皇娛樂藝人關智斌（Kenny）、陳家樂（Carlos）、海兒（Hedy）、新生代女團VIVA成員 Carina、楊天宇（Angus）及何佩瑜（Jeana）亦搶先現身預覽，在無敵海景與強勁節拍下，為 The Pulse「Endless Summer」企劃正式揭開序幕！

英皇集團副主席楊政龍Alex (中間）聯同關智斌 (右三)、陳家樂 (左三)、海兒 (左二)、新生代女團 VIVA 成員 Carina (右二)、楊天宇 (左一)及何佩瑜 (右一) 搶先預覽淺水灣 「Soho Beach Club at The Pulse」。

海兒讚歎現場仿如「港版峇里島」，笑稱要搜購最靚的度假風長裙再訪Beach Club瘋狂打卡！「好動寶寶」楊天宇表示最想試這裡的Ice Bath體驗，期望能修復日常訓練後的肌肉疲勞。

6人對Soho Beach Club at The Pulse 讚不絕口。

Carina及海兒表示Beach Club隨手一影都是時尚大片，絕對會在社交媒體掀起洗版熱潮。

6位英皇藝人在粉紅打卡Poolside bar享用Soho House精選美食及夏日特飲

陳家樂自封「陪玩專員」，笑言希望獲「暖男包場價」冧妻女。

何佩瑜大力推薦海景Ice Bath及Pilates課程，笑稱這裡簡直是女仔排毒美顏天堂。

Kenny難得寓工作於娛樂，瞬間激發新Idea欲辦粉絲「爆汗特訓班」。在旁的Angus聞言即大膽向師兄「挑機」。Carina 即場邀約Kenny與她們VIVA 組成夏日小隊，期待同師兄去不同戶外場地快閃表演。

楊政龍打造淺水灣Beach Club地標

楊政龍對現場環境給予極高評價，他表示：「香港一直缺少一個真正的 Beach Club標誌性地標。今次我們與 Soho House強強聯手，不僅讓這項大獲好評的夏日企劃強勢回歸 ，並帶來規模更盛大、內容更精彩的全新升級體驗！每星期將有不同人氣派對品牌同城中知名DJ輪流登場，加上本地和海外得獎餐廳及酒吧駐場舉辦主題之夜，我們期盼藉此為淺水灣注入全新活力，吸引更多海內外旅客，家庭及年輕客群到訪！ 」

關智斌想辦「斌菲特訓」爆汗派對

最近忙於籌備新歌同演唱會的關智斌（Kenny），表示今天難得寓工作於娛樂，更瞬間激發新Idea：「近排太忙未有機會放假旅行。不如索性喺度舉辦個『斌菲特訓運動班』Summer Beach Club 派對！作為運動狂人，我一定會邀請fans一齊嚟個小型運動challenges，同大家一齊爆汗操fit迎接Summer！」

楊天宇最想挑戰冰浴體驗

身旁的「好動寶寶」楊天宇（Angus）聞言即大膽向師兄「挑機」：「Kenny搞體能特訓點可以少得我？我平時操得咁辛苦，正好可以同大家一齊喺呢度Battle下！不過操完爆汗之後，我最想試下呢度嘅Ice Bath（冰浴體驗），聽講可以極速消暑同修復肌肉，絕對係男士們嘅終極挑戰！ 」

VIVA成員Carina力邀關智斌組夏日小隊出合唱歌

VIVA成員Carina興奮接話：「我哋新歌就快推出，超有韓團夏日舞曲feel。上次見Kenny學Oppa跳舞超正！我想力邀佢同我哋組成夏日小隊出首合唱歌，之後再去淺水灣呢個Beach Club、西九草地等戶外場地快閃表演！相信肯定會擦出好多火花，好期待！」

陳家樂計劃一家大細玩泡泡樂園與沙灘

剛入組拍攝陳茂賢導演新片《一九七一》的陳家樂，提起寶貝女兒隨即一臉幸福：「拍戲雖然忙，但女兒永遠係第一位。囡囡上星期生日，我哋原先想帶佢去海灘玩水，但因為落雨無奈cancel。今日同成班同事一齊玩，覺得呢度超啱一家大細度假！小朋友可以玩泡泡、充氣樂園，玩完天台仲可以落沙灘玩沙，我當之無愧負責陪玩啦！至於太太（Shiga）女子組，就可以喺粉紅打卡Poolside bar食嘢傾偈，減下湊囡同工作壓力！」說罷，家樂即發揮「幽默本色」，轉身問Alex同Sheron可否給他一個「暖男價」去預訂私人派對？逗得全場大笑。

海兒大讚打卡天堂「似飛咗去峇里島」

一向熱愛在社交平台分享生活的海兒（Hedy），甫到場已被現場的唯美海景吸引，隨即「相機食先」瘋狂拍照。她對環境讚不絕口：「呢度整個視覺美感真係無敵，好似瞬間飛咗去峇里島嘅頂級海灘俱樂部！180度無敵海景、夢幻嘅粉紅水池，再配埋黃昏嘅Golden Hour夕陽，隨手一影都係時尚大片，絕對會喺Social Media掀起洗版熱潮！我已經諗定要著最靚嘅度假風長裙再嚟瘋狂打卡。」

何佩瑜想約朋友歎冰浴

而近來非常熱衷研究健康飲食同鐘意曬太陽的何佩瑜（Jeana）也對冰浴躍躍欲試，更笑言：「我之前喺外國已經好想試Ice Bath，估唔到淺水灣天台都有！呢度仲可以一邊睇海景、一邊做 Pilates、瑜珈，簡直係女仔嘅排毒美顏天堂。我一定會約埋班friends，一邊聽 Live DJ、一邊歎住 Poolside 雞尾酒，喺度度過一個超Chill嘅日光下午。」