COLLAR成员相集丨苏雅琳自揭为体态沦为“一啖之鬼”王家晴被化妆师赞食相治愈 许轶获封最嘴馋猎奇王
女团COLLAR成员苏雅琳（Ivy）、许轶（Day）、王家晴（Candy），合体首次推出《After One More Bite》相集抢攻今年书展，并于7月15日假香港会议展览中心举行签书会。《After One More Bite》透过食物作联系，展现三人在城巿中轻松与真实的氛围，从而带出享受当下，更披露COLLAR全员都是嘴馋之徒，但为体态统统变成“一啖之鬼”，就连一粒麻糬波波亦要分住吃，可见女团唔易做。
相集追求自然纯粹快乐
《After One More Bite》顾名思义以食物为主题，提到“食嘢”二字，原来正是COLLAR三位成员Ivy、Day、Candy的共同喜好，Candy表示：“我哋三个都好钟意食嘢，之前有化妆师话睇我哋食嘢个样好治愈，就算系好简单如蕃薯，都会畀人觉得好似好美味咁样，记得有次我喺化妆师面前食蕃薯，令佢好想食，放工后佢立即买一条当午餐。而今次相集想追求最自然最纯粹嘅感觉，我哋认为食物带畀我哋嘅快乐系最直接嘅。”
苏雅琳戒口忍到小店结业伤心喊
三人认为“美食”是COLLAR的关键字，7位成员都是嘴馋之徒，所以每当COLLAR共享美食就是最快乐时光，不过为了体态，她们不得不戒口，更要成为“一啖之鬼”，Ivy坦言成为“一啖之鬼”过程十分艰苦：“除咗戒口之外，人嘅回忆连系住五感，我觉得美食系储存咗好多回忆，例如小学我会记起同同学分享紫菜同朱奶；中学我会记起小卖部嘅捞面；朋友间我会记得扫街嘅小店，所以戒口嘅时候，好多时会忍吓忍吓，同自己讲迟啲先食，最后迎来系回忆中嘅小店结业，真系会伤心到喊！同埋同屋企人、朋友嘅聚会，都冇得开怀大食，都少咗啲回忆。”不过现在的Ivy已开始拿捏得到，所以就算成为了“一啖之鬼”，她会请大家吃美食，然后自己吃一啖，起码满足到回忆！
许轶对创新食物充满猎奇心态
至于三人当中哪位最嘴馋？Candy首选是Day：“必然是Day，佢对食物充满猎奇心态，对唔同创新嘅配搭，都会想尝试。佢对食物嘅爱系真心，而且可爱。”Day亦同意自己是三人之中最嘴馋，Day表示：“因为我系好钟意试好多新嘅嘢，任何新嘅食物，我都好愿意尝试。”不过Ivy就认为自己是“为食之鬼”，更自爆自己可以有好大食量。
苏雅琳许轶王家晴清晨五点开工拍足两日
为了今次的《After One More Bite》，Ivy、Day、Candy进行了两日拍摄，由清晨五点化妆拍到黄昏，走访香港大大小小的街头角落，寻找美食及回忆，对于此，三人乐此不疲，Ivy与Candy指最难忘到公园拍摄，当中Ivy说：“呢个地方感觉好有童年嘅味道，我哋喺个公园度食雪糕、玩吹波胶、食烧卖、跑嚟跑去，就好似穿越时空咁，同啲小学同学喺楼下公园玩咁！”Day最难忘是在中环街头吃砵仔糕同鱼蛋：“偶然会出街食饭，但好少会‘扫街’，好记得喺中环街头食嘢𠮶幕，有好多游客望住我哋究竟食紧乜嘢，好有香港特色。”
《After One More Bite》签书会资讯
日期：2026年7月15日（星期三）
地点：香港会议展览中心 点子出版（摊位：Hall 1B-E02）
出席艺人：Ivy、Day、Candy@COLLAR
时间：
第一场 11:00-14:00（名额300个）
第二场 14:30-17:30（名额300个）
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
