恶汉急Call“听朝返写字楼见我” 港男一头雾水追问到底 网民惊揭科技阴谋：引你开声偷“呢样嘢”｜Juicy叮
一名港男早前接到一名陌生恶汉的“白撞”来电，指令他“听朝返写字楼见我”。一头雾水的港男追问到底，却多番被挂断电话。事后，有热心网民看过两人的对话过程，惊揭事件背后恐涉及科技阴谋——骗徒的真正意图，其实是要引事主开声，继而偷走“呢样嘢”。详情见下图及下文：
恶汉急Call“听朝返写字楼见我” 港男一头雾水追问到底 网民惊揭科技阴谋：引你开声偷“呢样嘢”逐张睇↓↓↓↓
恶男命令“听日返嚟见我” 后狂挂断电话
楼主早前在社交平台 Threads 以“诈骗死全家”为题发帖，忆述早前睡觉时电话响起，来电显示为“9XXXXXX2”。接通后，对方的态度极之恶劣：
👺 恶男：“你听朝10点钟返嚟写字楼见我！”
🙋♂️ 楼主：“先生，请问你边位？”
👺 恶男：“依家连我系边个你都唔知呀？”
🙋♂️ 楼主：“你会唔会打错电话呀？”
👺 恶男：“咩打错呀？XXXXXXXX囉！”
🙋♂️ 楼主：“但我真系唔知你边位㖞...”
电话随即被对方“Cut线”（挂断）。怎料几秒后，恶男又再次打来：
👺 恶男：“我都系叫你听日返一返嚟见我啫。”
🙋♂️ 楼主：“咁你话畀我知写字楼喺边先得㗎😆”
👺 恶男：“你依家连我都唔识呀？”
🙋♂️ 楼主：“咁你话畀我知写字楼边度，我听日上嚟啦。”
恶男随后再度挂断电话。楼主其后用 WhatsApp 传讯息追问对方身分，对方竟又打电话来追问：“咁你听日返唔返嚟？”，当楼主重申“我唔知写字楼喺边呀”，对方第3次Cut 线，并把来电飞往留言信箱。
楼主接着在帖文怒骂“Ｘ你个嘴，我向所有Junkcall（垃圾来电）网举报晒条Ｘ头，再Whatsapp 举报埋佢，做人真系要有礼貌，最Ｘ憎人Cut线”。
网民揭露科技阴谋
看过事件的来龙去脉后，不少网民一言惊醒梦中人。大家估计这并非普通的整蛊电话，而是骗徒特意设计的“语音陷阱”，目的是要录下楼主的声音，再利用 AI（人工智能）技术“复制”声线去行骗：
• “对方已经不正常，你还跟他尝试沟通，救命啊！🙄👎骗徒已经录了你的声音😔”
• “同佢讲咁多，你把声已经俾人偷咗啦。之前有同事听咗个一模一样，过两日就有人打俾佢屋企人用佢把声借钱”
• “攞咗你把声，输入AI再转人性，可能你之前装咗一啲软件，落咗你电话号码小心”
网民提醒要有防骗意识
有网民更提醒要有防骗意识，因长篇大论的沟通反而正中骗徒下怀：
• “其实最佳嘅方式系，听到啲电话，即刻收线”
• “旨在录你把声，撩你讲多啲嘢，就会AI得真啲，接未知来电，顶笼讲声喂就算”
• “而家接到呢啲唔会再出声回应。费事佢录低我声纹再去唔知做咩。寸番佢型𠮶一阵，有冇手尾跟唔知”
• “电骗嚟，会录你把声”
• “我都收过这电话，小心录取你的声纹”
• “录Ｘ你把声，再用AI模仿”
网民分享反击大法
帖文同时引出大批曾接获同类“听朝返写字楼见我”电话的网民留言，分享各种爆笑的反击方式：
• “遇到过，用低音重复问咗3次‘你系边个’就直接Cut线”
• “听过几次，问佢边个写字楼，我有好多个写字楼，佢就收我线”
• “早几个月都收到，琴日用，9XXXXXX6 再打过嚟，噏得出我个英文名，又系同一样嘅对白，我喂完两声就Cut咗佢线”
• “第一句就知系诈骗电话，仲讲咁多，Cut佢先”
• “之前都收到类似嘅电骗，把声劲似我一个男同事，我咪行出去望吓，之后知系电骗就Cut线Block（拦截）埋”
• “我妈咪都收到几次咁嘅电话，又讲得出系咩名，又系叫佢听朝10点过去写字楼”
• “我都接过呢类电话，话系我领导，叫我听朝去写字楼㖞，但我就系领导🤣，直接XX佢老X之后Cut线”
• “我最近都收过一模一样嘅电话，佢仲扮系我老细！XX佢啊！把声同语气都唔系我老细”
Threads截图（资料来源：shinglika＠Threads）
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
