移英港人生活大變 盤點5年他鄉故事 移加港人都有共鳴
近幾年有數以十萬計的香港人尋找他鄉，最多人選擇的是英國和加拿大，英國「BNO 5+1」和加國「救生艇」推出至今均已五年，走過五載異鄉風雨，回首來時路，恍然發現那些柴米油鹽的細碎昏晨，在光影流轉間被歲月無聲雕琢成另一番模樣。
一班移居英國的港人，在網上分享這些年來學會適應新環境的生活，雖然相隔一個大西洋，但許多日常生活習慣的改變，也能引起移居加拿大的港人共鳴，例如皮膚變得乾爽、出門倚賴駕車、常看天氣以準備外出衣著、以穿連帽衫代替帶雨傘、少了逛街購物、多了自己煮食、搭巴士向司機講 thank you、沒以前那麼怕冷，以至心態和價值觀開始轉變等…… 你又中了幾多項呢？
詳情見下圖及下文：
樓主：依幾年有冇咩生活習慣改變咗？
移居英國的樓主早前（16日）在社交平台Threads以「移英生活」為題發帖，留言指「移英嘅朋友，依幾年有冇咩生活習慣改變咗？我先，我由5年前仲會每日洗頭，變成隔日洗，依家係一星期洗2次頭🙊」。
樓主並在回應欄補充另一私事「講開我都係嚟到先養成沖涼後全身搽body lotion（潤膚乳）嘅習慣，但第二朝都已經覺得乾，有時出門前又搽多次」。
移英港人生活大變 盤點5年他鄉故事 自爆私事：一習慣由每日做變一周兩次逐張睇↓↓↓↓
有人變「宅」
人在外地，日常生活模式自然潛移默化地受影響。看著樓主如此坦白的分享，引發眾多移英港人的共鳴，紛接龍分享自己肉眼可見的轉變。
其一是生活模式與社交，當中有網民變「宅」，減少外出。有人留言自爆以前在香港「日日要躝街shopping（購物）！去個超市、食個lunch（午餐）都好！宜家變咗I人（內向），唔想出街，鍾意屋企煲劇、自己煮嘢食～」。
網民續稱「以前鍾意出街無事四處逛，初到貴境繼續，慢慢變成一個宅人鍾意留喺屋企」、「少咗出街食，多咗自己買餸煮飯。每日睇天氣預報」、「食多咗麥記，做午晚餐😬」。
娛樂方式也有改變，有人表示，現在「就咁行下大公園，睇下啲小動物，包括🦢🦜🦆已經係一個娛樂」、「以前好怕蟲，但自從在花園種菜後，現在可以在花園徒手捉鼻涕蟲、蝸牛，和拉開花盤底抓蚯蚓放入盤」。
交通方式也是另一轉變，有網民點出了英國生活的現實：「有車先出門口，冇車就唔出門口」、「懶得行路，出入開車」。
衣著消費觀念有變
其二是消費觀念的改變：有人表示「少咗買實體嘢，以前好鍾意買書、買文具、買筆記簿、扭蛋玩具之類嘅小物，走難式放棄好多嘅咁走過嚟英國之後就體會到人生好多嘢都好虛幻、好多嘢都拎唔走」。
還有人因應當地的氣候，衣著習慣方面都有變，有網民指在香港只是裝飾的「衛衣 / 外套頂帽」，來到英國因為風大「變成必須品，真係吹到頭都痛」、「住Scotland（蘇格蘭），適應咗凍嘅環境，都著少一件外套」、「日日都睇天氣預報再決定著咩衫返工，呢度冷熱太跳啦！」。
網民自爆洗頭頻率
還是最多人和應樓主有關個人衛生的範疇，有人先提到天氣背景，指「生活喺乾爽地區唔需要日日沖涼」、「呢度空氣咁乾淨（倫敦除外），又乾，真係唔使洗咁多頭。對頭皮對頭髮都唔好。一方水土一方人，去咗第二個地方識到嘅調節係需要嘅」。
接著，不少人熱心提供自己的洗頭甚至洗澡頻率：
•我宜家1至2日洗一次頭。
•我都係2-3日先洗，原來我不孤單！
•放假無出街，可以隔2-3日先沖涼😖。
•如果無出過街我可以3日洗（頭）一次😌。
•我都係隔日洗，或者3日先洗頭髮好似好啲。
•好乾燥，有時瞓著，無冲涼，第二朝都仍然好爽。
•2-3（日）（洗頭）一次因為呢到真係好乾爽😂，除非出汗先會日日洗。
不過，還是有網民不變應萬變，指「其實冇咩點變，但朋友圈子唔同咗😄」。
資料來源：missy.dailyy＠Threads
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
